mandag 26. februar 2018

9-8-7-6-

9 ting eg har gjort i dag:
Lurt på om eg skal bli lærer (sidan det er vinterferie denne veka)
Spurt de fleste av kollegaene mine om de vurderer å bli lærere (9 av 10 sa ja)
Bestilt flybilletter til jobbtur til Oslo
Nytt synet av snøen som faller over Bergen by
Drikke to koppar americano
Misunna ein kollega som er høggravid med sitt første barn
Etter å ha lest ein artikkel om draumetyding i helga har eg prøvd på det i dag
Kjørt buss
Helst på to nye kollegaer
8 ting eg skal den kommande veka:
Gå på badeland med mann og barn
Vege maten til Toulouse - vi trur han spiser for masse
Gå opp på Lyderhorn og ake ned igjen
Fullføre eit stort nasjonalt prosjekt for ein kollega som er sjukmeldt
Strikke ferdig eit lite babyplagg
Gå på teaterpremiere
Invitere venner på middagsbesøk
Lese i biblioteksboka mi som snart må leverast inn
7 stader eg vil reise til:
No: Kvamskogen - sol og snø
Men ellers: Påskeøya
Tokyo
Hawaii
Uluru
Kilimanjaro
India
6 ting eg gleder meg til:
Påskeferie
Våren
De fleste tingene på punkt 8
Mai med alle sine fridager
71 grader Nord på opptak i kveld
Leksefrie ettermiddagar denne veka
5 ting eg saknar:
Verandaliv i sola
Isbitmaskin
Jogging utan masse klær
Lette sko
Lærarferier
4 ting eg har spist i dag:
Brødskiver
Druer
Søtpotet- og ingefærsuppe
Appelsin
3 ting eg har irritert meg over i dag:
At vekkerklokka ringte midt i ein draum
De blinkande lysa på øyretelefonane til han foran meg på bussen
At ikkje eg også har ferie
2 som har fått meg til å smile i dag:
Lillesøster
Den måndagsmorgongretne kollegaen min
1 favorittsnop:
Sjokolade
Bilen har finfin solnedgangutsikt medan eg er på jobb

lørdag 24. februar 2018

Alternativ treningsveke

Sist veke var ei slik treningsveke som eg elsker og som eg håper eg får til oftare! Det gjør eg jo også når berre denne vinteren slepper taket!
Måndag bestod som vanleg av ein times joggetur - denne gongen på dette føret. Det var TUNGT! Og føles heilt idioti å jogge når det er så masse ubrøyta snø! Men ok! På onsdagen var eg på sats og storkosa meg med spinning etter gammalt - åh kor eg elsker spinning! 75 minutter svettefest utan snø? Ja tak!
På fredag gjekk eg kveldstur med ei venninne på Lyderhorn - årets første fjelltur! Sjå kor vakker isen er!
Eg har ikkje gått på Lyderhorn når det har vore så masse snø før, men det var jo berre heilt supert! Sti heile vegen! Det var vindstille og heilt magisk på kvelden!
Vi hadde med oss hodelykter som vi måtte ta ibruk siste delen av turen. Ellers lyste snøen så pass masse opp at det gjekk fint utan lys. Også er det jo kjekt å vandre med ei venninne som (sjølv om vi bur berre eit steinkast unna kvarandre) eg nesten aldri ser.
På søndag skulle speidaren gå på Lyderhorn, og vi er sjølvsagt med! Speidaren stoppa på vegen for å unngå vind og for å ha ein fin stad å brenne bål. Da stakk eg avgårde til topps aleine. Nydleg!
Også var den treningsveka over! Dette var sist veke. Denne veka har eg - kremt - restituert... :)

torsdag 22. februar 2018

Kong Toulouse

Puste klarte å holde tomta vår klinisk fri frå andre katter. Innimellom såg vi ho som eit olja, kvitt lyn over planen - jagande for å få ein katt vekk frå hennes område. Så hard var poten hennes at det gjekk nesten eit halvt år etter at ho døde før vi la merke til at det var andre kattar i hagen vår.
Toulouse begynte å vere ute i romjula, og han har ein stor jobb foran seg for å ta over retten for hagen. Det er tre andre kattar som jamnleg vandrar der. Men Toulouse har ikkje vore med mammaen sin ut, og er ikkje noko badboy! Han er sosial og det såg lenge ut som om han ikkje skjønna kvifor det ikkje var greit å berre henge rundt kvarandre. Det trur eg han har lært no, og han vil helst vere ute når han ser at det er nokon andre der.
Vi har sett at han jagar og vi har sett at han blir jaga. Så langt har han ikkje hatt nokon skader, og det er vi glade for. Så det er jo  berre å vente på at han tar over territoriet sitt. Kong Toulouse!

mandag 19. februar 2018

Tripp-trapp-støvoppsamler

Lenge har desse teppeflisene vi har i den glatte trappa vår vore skitne. Det hjalp ikkje lenger å støvsuge de. Vi har hatt de der i snart 8 år, så da var det kanskje på tide å investere i nye. Alt kan ikkje vare evig!
Before
De er festa med tape, og eg satte ungane i gang med å raske de laus. Det fungerte som berre det - og etter få minutter var trappa teppefri!
Tapen måtte nokon stadar tvingast av med kjærleg hand. Det er kanskje ikkje så rart - vi har jo trakka den fast i ei årrekkje!
During.
Slik er trappa heilt naken! Veldig fin, men glatt som fy! Slik var den nokon dagar før vi fikk de nye teppene. Eit minus var at støvet vart synleg veldig tidleg med så glatte overflater!
After
Vi kjøpte grå tepper denne gongen. Mest fordi de lyse var utsolgt, men også fordi forandring fryder. Vi kjøpte frå samme leverandør som sist - vi veit jo at de har god kvalitet! No er eg blitt vandt med den nye fargen, men eg veit ikkje om eg synas at de passa betre enn de lyse. Vi har mykje i grått i stua, men akkurat her er det lyse fargar. Toulouse derimot - han står i stil med gråfargen!

Nye tepper i trappa er mjukare å gå på og fargen gjør at rusk og støv ikkje viser så godt. Det veit eg å sette pris på!

torsdag 15. februar 2018

Kvamskogen

I julegåve til mannen booka eg ei nydleg nytte til alle fire på Kvamskogen! Vi skulle eigentlig ei helg tidlegare i januar, og akkurat den helga var det sol på laurdagen. Å, nei - tenk om vi går glipp av denne finværshelga også blir det drittvær den helga vi har bytta til?!
Morgonsol på laurdag.
Eh, nei - det gjekk bra! Det var nesten to meter snø og KNALL SOL frå blå himmel heile helga! Det var planleggingsdag på skulen, så vi kom oss oppover i god tid og var på plass på hytta før kl.15!
To koppar kaffi og to koppar kakao
Vi hadde med oss ski og akebrett - masse mat og sitteunderlag. Men vi trengte jo ikkje det. Ski og sitteunderlag altså.
Med mengder av snø rundt hytta, langt frå nærmaste hyttenabo og sol på verandaen frå kl09:15 til kl.16 trengte vi ingenting anna enn akebrett og varme klær. Vi var ute og rundt hytta både laurdag og søndag frå sola kom til sola gjekk ned. Da var det litt godt komme seg inn. For sjølv om det var sol og den varma litt, var det nesten 10 minusgrader i lufta.

Mannen tok seg nokon skiturar. Eg satt og las innimellom leiking i snøen. Ungane gravde snøhule og aka igjen og igjen! For ei helg!

Etter ein sein lunch i sola på søndagen pakka vi ut og tok på oss skiene vi hadde bært heilt opp til hytta og seila ned til bilen. Hjelpes det var gøy å skli i puddersnø ned frå hytta!
Det går ikkje ann å ha betre vær enn dette! Luksus altså - med så masse snø ei heil helg!! No må vi berre kjøpe oss vår eigen hytte! ;)

mandag 12. februar 2018

10 mil i januar

Ein liten test - vart det ti mil i januar utan at eg prøvde på det? Mnja....
På slikt føre.
Det vart ikkje det altså! Det vart 33.79 km jogging, 27.39 km på ski og 32.1 km gåtur. Tilsaman 93.28. Den siste veka i januar skippa eg ei langkøyring og lot vonde muskler mjuke seg opp i eit varmt bad. Det er heilt innanfor, men der glapp timila. Jaja. 93 km er bra nok det. I januar!
Toulouse er ikkje så enig i at eg skal strekke før eg går inn.

torsdag 8. februar 2018

Alternative julegåver

Til julegåver i fjor var det fire som fikk opplevelsesgåver! Til gode venner av familien gav vi trampolinepark til ungane og derunder husfred til de voksne!
Det har komt ein trampolinepark i Bergen som er superpopulær! Vi hadde booka ein time til fire unger fleire dagar i forvegen for å sikre oss plass. Ungane hadde det SÅ gøy! Samtidig satt eg og mannen og åt lunch i 2.etg med utsikt over parken.
Etter ein time var det fire varme og slitne unger - og to overvelda og litt slitne voksne som satte seg i bilen. Lyd! Farger! Bevegelse! Kjempegøy! Og akkurat nok med ein time!
Storebror i toppen

tirsdag 6. februar 2018

Snøjogging

Sidan vi faktisk har hatt fleire periodar med vintervær med snø over mange dagar har eg øvd meg masse på å jogge i snø. Etterkvart vart eg også vandt med å jogge forbi skigåarar - eg veit ikkje kven av oss som er best skodd for føre. (ok, det er sjølvsagt de)
Medan lillesøster er på turn har eg ein time mellom 17 og 18 der eg alltid jogger. Etter at mørket kom ein gong i haust har eg holdt meg på opplyste vegar, men de er eg så lei av no at denne veka tok eg med meg hodelykt og jogga inn på mørke vegar. Med piggsko på var eg også på utkikk etter snø, de er ikkje så behagelige på asfalt.
Refleksvest! Kjempeviktig!
Dagen etter denne joggeturen kom storm og regn og snøen forsvant (den vart ganske lenge is og slaps først sjølvsagt). Men alt her var snøen ganske mjuk og tung i jogge i. Det er jo ein kombinasjon mellom tungt underlag som du synker litt ned i og glatte parier der foten sklir litt tilbake for kvart steg fram - når eg etterkvart får jogge på bar bakke igjen tenkjer eg at det blir superlett!
Gjennom mobilkamera ser eg at det er litt solnedgang enda kl.17:15. Det er ikkje snakk om mange vekene før vi har lys heilt til kvelden!
Hodelyktlys
Ein kan bli glad i vinterjogging også, kven hadde trudd det? Eg kjem til å sakne den kalde lufta og de tomme gatene når våren kjem. Men så setter eg pris på mindre bekledning og lettare underlag. Alt har sin sjarm.

torsdag 1. februar 2018

Hei februar!

Februar er så langt heilt super! Ikkje berre nådde eg den tidlege bussen i dag, henta yndlingsskoene mine hos skomaker som hadde satt på ny hæl, fikk avlyst ettermiddagsmøtet slik at eg fikk ekstra tid til anna jobb - det er SOL og fuglesang ute også! Det er februar og den fæle ideen om at vi ikkje skulle spise snop i januar er gjennoført med glans! I dag blir det ein liten sjokoladebit etter middag. Ellers går eg fort på ein smell i morgon kveld!
Det har ligge eit lite kaffefilter i skapet som har blitt fullare og fullare av snop som ungane ikkje liker. Denne tar eg med meg på hyttetur i helga! Vi skal til fjells, og det til og med litt tidleg sidan det er planleggingsdag i morgon. Eg er så IMPONERT over at snopeposen har ligge urørt like ved komfyren i ein månad! Det har ikkje vore lett altså!

Men -

sjokolade, sol, langhelg, fjell og slank to-do-liste på jobb neste veke? Er det rart eg digger februar!?!

LinkWithin

Related Posts Plugin for WordPress, Blogger...