Kjøkkenet frå 1995 var i heiltre og for godt til å kvitte seg med sånn heilt med det første vi flytta inn i 2010. I 20eitelleranna lakkerte vi det hos kjøkkenlakkerer, og da vart det så fint at vi lot det være i fleire år.
Men det siste året har benkeplata blitt verre og verre; svart og ekkel rundt vasken, umogleg å få rein andre stader - og berre ikkje så hyggleg å lage mat på. Kantlista på benkeplata begynte å smuldre litt og flasse måling. Fleire av dørene begynte å henge litt i hengslene - og til saman rett og slett - bestemte vi at det var på tide å pusse opp. Bytte kjøkken.
Kjøkkenet hadde ei lita halvøy som var super på mange måtar, men var også eit ruskeoppsamlingspunkt i tillegg til at det stengde av spisedelen slik at vi ikkje kunne utvide spisebordet vårt så mykje som vi etterkvart som ungane våre og venners unger vokser trengte.
Bileta av gamlekjøkkenet tok eg og la ut på finn.no for å sjå om nokon ville ha det gratis mot at de demonterte det. Det var det og på to dagar vart kjøkkenet demontert og flytta til Sotra. Det var godt å kvitte seg med det på den måten; det var jo eit bra kjøkken!
Det var ikkje lett å bestemme seg for front, og sjølv om eg ikkje ville ha det kvitt vart det kvitt, med noko svart. Derfor ville eg i alle fall ha ein farge på veggen! Her har vi malingsprøver slik at vi kunne sjå kva vi likte best.
Før demontering måtte sjølvsagt alt tømmast og vaskast.
Halvvegs demontert kjøkken etter dag ein.
Tomt rom som er klart til oppstart. Kjøkkenbordet og kjøleskap var flytta inn i stua.
Under golvet var det fint tregolv. Nye Walls2paint på veggane som vi måla med to strøk.
Govlbelegg vart rulla ut og førte til at vi måtte måle kjøkkenet ein tredje gong sidan det var komt stygge merker oppetter veggane.
No måtte vi dekke det nye golvet med plast!
Godt over 1000 kg IKEA-kjøkken vart bore inn av sterke folk. Vi bur midt i ein bakke, så de fikk virkelig prøvd seg nedover bakken og inn på kjøkkenet! No var det koronatider og dette vart levert siste dagen de fikk lov å komme inn i husene til folk. Flaks for oss!
Kjempeflinke folk var her i nokre dagar og monterte heile kjøkkenet til oss! No var det gått nokre veker sidan kjøkkenet vart demontert og vi gleda oss til å få tilgang på komfyr og ovn igjen! Vi hadde lagt inn litt ekstratid til moteringa, slik at den skulle være heilt ferdig før benkeplata skulle bli målt opp. Benkeplatefolka trengte ekstra tid enn planlagt til å gjøre klar plata, så der gjekk heile påskeferien. Men dagen før påska flytta vi alt innpå kjøkkenet igjen, og hadde i alle fall meir plass på stua, steikeovn og mikro.
Her er litt av benkeplata på plass. De monterte også vasken, men der måtte vi vente litt med å bruke for at limen skulle tørke. Platetoppen kom også på plass. Vi fikk tilbake både rørlegger og elektriker for å fullføre no som kjøkkenet var på plass. Da fikk vi jo vatn i vasken, lys i taket og lys under overskapene.
Etter tre kjøkkenplanleggingsmøter på IKEA i januar, oppussing i februar, mars og april - fikk vi omsider på plass det siste i mai: skyvedør! Kjøkkenet er nytt, men ganske likt det forrige synas vi. Det er så mykje vi digger med kjøkkenet, og nokon ting vi saknar med det gamle. Dessverre klarer eg ikkje å legge fleire bileter til innlegget, så ferdigbileter av kjøkkenet får eg rett og slett ikkje lagt ut!
