It's beginning to look a lot like Christmas

I begynnelsen av desember var vi så heldige at vi var to av tjue som fikk lov å gå på konsert i Håkonshallen! Statsraad Lehmkuhl hadde pynta seg til jul!

Det er så stemningsfullt på Festningen. Det synes eg uansett om det er jul eller sommar. Her på veg inn.

I Håkonshallen hadde vi eit fantastisk musikalsk møte med Trygve Skaug! Gjett om vi har høyrt masse på han etterpå!

Lillesøster har lært om jødedommen på skulen og hadde forlysta seg på bilete av eit brød som var i boka ho bruker. Det var Challa, ein jødisk fletteloff. Eg fann oppskrifta og bakte det til første fredag i desember. Det smakte kjempegodt! 

Spasertur i skogen for å få dagslys. Blikkstille vatn.

Vi reiste til Os og gjekk i stummande mørke til venar som hadde satt opp camp for natta inne i ein skog. Vi grilla kveldsmat og ungane leika gjømsel i mørket! Kjempegøy!

Dagslysturar både laurdager og søndager er viktig. Ekstra deilig er det når det er litt blåfarge på himmelen.

Ein dag hadde eg eit jobbærend på butikken og gjekk den lange og bratte vegen begge vegar for å utnytte muligheten for lys og luft midt i veka! Dette er like ved huset vårt og klokka er 13:30. Sola er lav, men den er der!

Julebord med jobben - heilt på ekte! Det var første gong vi såg kvarandre live sidan 12.mars. Her frå heimekontor samme dag då det var digital lansering av eit spanande prosjekt - og høve til å drikke te og lakkere neglene. 

Lillesøster og eg bakte sitronkjeks. Nok ein ny julekaketype som gjekk rett i kakeboksen. Etter nokre smaksprøver sjølvsagt.

Ein laurdag gjekk eg og ei venninne på Afternoon Tea i byn. Lekre smørbrød, deilige kaker, nybakt scones og te i litervis. Det kan knapt bli betre!

Neverending november

Håkonshallen i pepperkakeversjon står klar til å bli frakta til Pepperkakebyen. De delte ikkje ut pepperkakemedaljen i år, men vi gleda oss til å sjå bygget vårt fint plassert. Like etterpå fikk vi enda strengare reguleringer i byen, og Pepperkakebyen vart stengt før den rakk å opne. 

Akvariet hadde pynta til Halloween, og søndag 1.november var vi på plass idet de opna for å sjå. Ganske raskt kom det veldig mange folk. så det vart eit kort besøk for oss.

Avlyst Oslo-tur resulterte i konferanse på nett med moglegheit til strikking. Det er jo luksus, men eg skulle heller ha vore på tur i nokre dagar og sett folk og spist godt.

Tur i skogen der eg møtte denne langstrakte karen!

Farsdagstur i nærmiljøet. Leikeplasstopp og sølepyttar med himmel i seg.

Aktivitetstilbod til oss over 20 vart avlyst pga corona. Eg hadde stemmeøving med koret på Zoom i heile november. Julesongar i stua - god stemning :) Men ikkje heilt koropplevelse.

Lillesøster er teikna av ein kunstnerisk sjel og det likna jo! 

Utviklingssamtale og tid til å rusle i parken med mannen for å unngå trengsel i gangen medan vi venta.

Varme helgedagar inviterar til sykling! Eg har kjøpt meg ei stor ringeklokke som ringer milevis (føles det som), slik at alle veit at her kjem det nokon rullande! Denne dagen sykla vi storebror sin faste sykkelrunde på heile 11.31 km!

Det snødde ein heil arbeidsdag, så da middagen satt der den skulle løp eg ut i skogen med stjerner i augene og tru på at no skulle eg springe blant snøtunge trær. Det var ikkje heilt slik, men snø okkesom.

Det er høge smittetal i Bergen i heile november så vi leitar etter nye måter å underholde oss på. Her prøver vi å lære Toulouse å spele Kast grisen. Da han vart for engasjert måtte vi avslutte.

Vi lånte tørkemaskin av nokon venar og tørka haugevis med jobbfruktepler som jobben til mannen framleis handlar inn mengder av - til tross for at de aller fleste er på heimekontor.

Alle joggeturar er i mørket med refleksvest. Perfekt joggevær egentlig, men det kunne godt ha vært lyst.

Søndagstur med bossplukking langs vegen for meg og lillesøster. Vi enda opp i nærskogen der vi satte oss i ein fin gapahuk og drakk te og las litt julebøker. Det vart fort kaldt, men for nokre små minutter med varm te mellom hendene var det heilt magisk.

Årets første julekaker kom i boks første søndag i advent, 29.november. Dette er egentlig Red velvet cookies, men eg var tom for raud konditorfarge. Det skulle være kvit sjokolade i midten, det hadde eg heller ikkje, så det vart nonstop. Men de vart kjempegode alstå. sjølv om de ikkje likna på biletet eg fann på nett!