Desembertradisjoner

De siste vinterne har eg lurt på om eg skal slutte å legge ut bileter, og denne desember meir enn nokon gong. Medan eg bestemmer meg (eller ventar på at eg synas det er fint igjen), legger eg ut nokon bileter fra desember.

Vår tradisjonelle bakedag vart gjennomført, tradisjonen tru, men også med nokon endringar. Ungane er no 15-17 år, ikkje ufødt til 2 år; så da er det klart det går litt kjappare. Det er faktisk mogleg at dette vart siste baking med alle, og det er rart å tenkje på. 

Pepperkaker, kakemenn, sjokoladekokosboller, brune pinner, skrivefruens kaffibrød, moccakjeks og julebrød. Velkommen til kvelsmat!

Grieghallen i blått, juletreet midt i Lille Lungegårdsvannet også Bergen julemarked sitt pariserhjul.

Vi er på konsert og lar oss underholde med lett og masseprodusert juleunderholdning. 

På jobb får vi som er på plass før kl.8 lussekatter og luciatog. Alltid veldig koselig!

Saman med badegjengen er eg på pubkor og vart storvegs imponert over "dirigenten" som prøvde å lære stemmer til ein sal stappa fullt av mennesker som drakk og drakk. Sang gjorde eg også, og var hes heile neste dag.

                                                                                 💙

Årets kortaste dag var lys og vakker med dobbelsol. Turane mine på denne datoen er nokon av mine favorittar, og det er nesten alltid godt vær.

Pepperkakemann laga av ungdommane våre - så fin! Og god :)

Kvelden før kvelden med kakao og krem, ost og kjeks. 

Og Berliouz viste seg å være ein treglad katt som låg under juletreet så lenge vi hadde det ståande framme. Han fikk eigen matskål til jul. Eg reknar med han vart glad, men det er ikkje så lett å sjå.

Vi har nydleg vær i romjula. Her fra andre juledag der mannen vart med som David Hasselhoff og fotograf da eg tok julebadet mitt. 5 grader i vatnet og nydleg utsikt!

Etter badet vart han lysbadelsker saman med meg. I termosen hadde vi julete som vi fikk til jul. Det er varme i sola også i desember, om enn berre litt.

Vi reiser til familie nokre dagar, og dagslysturar kan skje med ein liten venn i band.

Nyttårsaften vart også markert som vanleg, og det siste barnet som framleis feirar heime gav oss ein heads-up at dette nok var siste nyttår ho var saman med oss. Gjett om vi har begynt å tenkje på kva gøy vi kan gjøre når ungane ikkje er heime på nyttårsafta! Dette kan bli noko nytt! Eller ikkje. Vi får sjå :)

November og litt ro

I starten av månaden jobba eg masse med eksamensoppgåva til NTNU. Her frå ein tidleg søndagsmorgon, da det var betre å stå opp og jobbe framfor å ligge å tenkje på kva eg skulle skrive. Eg er veldig glad i eksamen og sjølv om dette var mykje jobb var det skikkelig, skikkelig gøy å skrive ei oppgåve igjen!

Eg er på matinékonsert med dyktige Unni Wilhelmsen,  

før eg bytta ut venninne med familie og reiste på Diwali. Dette var ein fin laurdag alstå! 

Berlioz fikk lov å begynne å vere ute, så da måtte han til dyrelegen slik at chippen hans vart registrert på oss. Om han går seg vill. Det var ikkje noko stas å reise, sjølv om det berre er 10 minutter unna, men det er godt med det som er gjort - og no er han offisielt vår.

Vi bader, og i november gjekk vi over til å bli isbadere igjen. Det er ein når temperaturen i vatnet er under 10 grader. I begynnelsen av månaden var den 9 grader - ganske varmt til å være så seint synas eg.

God venninne flytter tilbake til byen mellom de 7 fjell etter heile 6 år vekke, og dette feirast!

Vintersol inn i stua! 

Vi kjører til Hardanger for å flotte oss på nydleg hotell, 

og bade i fjorden. Eg hugsa ikkje kva temperaturen var, men eg var uti i fleire minutter, så det var ikkje så veldig kaldt. 

Natta vi sov på hotell snødde det masse, og Kvamskogen som var bar på laurdag var dekka av snø på søndag. Vi stoppa i sola litt for å få lys inn i augene (og drikke opp kaffe frå hotellet).

Eg reiser på konferanse og tar morgonbåten. Det er lenge sidan eg har båta nordover, så det var berre stas; fint vær og enda finare kollegaer.

Snødryss også i lavlandet - og det blir så mykje lysare. Utsikt frå heimekontoret.

I midten av månaden måtte vi for første gong knuse is for å nå vatten. No var vi nede i 4 grader. Etter eit år med bading kjennes ikkje 4 grader like kaldt ut som i fjor, da komforgrensa mi var på 6 grader. Det er kaldt, men komfortabelt. 

Eg kasta vekk tre timar i Grieghallen og var sur i over eit døgn etterpå. For noko vræl. Men fint bygg.

Snø under føttene og te i koppen. 

Julekaffe etter eit travelt og sutrete jobbmøte (eg trur fleire er klar for ferie). Denne fortjente eg.

Eg får være med på filmlansering der eg har vore i innspelsgruppa til prosjektet - og vi får popcorn og kanelbolle i døra. Koselig!

Eg har endelig tid til kino-midt-på-dagen igjen og trudde eit augeblikk at eg skulle ha heile salen for meg sjølv. Det fikk eg ikkje, for to pratedamer kom og satte seg bak meg. Eg måtte til slutt be de om å vere stille, og eg tenkjer at eg er litt juleferieklar eg også. 

For andre gong i haust hadde eg moglegheit til å gå tur ein helgemorgon for å fylle på med frisk luft og lys. Hausten har vore full av berre gode ting, men enormt masse, så eg er glad for at det mot slutten av november har blitt tid til meir vanlege aktiviteter som gjer energipåfyll.

Vi er på julebord og legger oss inn på hotell for å berre kunne spasere heim igjen når festen var over.

Den siste dagen av november er vi med på det tradisjonsrike julelotteriet. Vi vant ingenting denne gongen heller, men var ganske så nær!

Oktobergleder 2

Ein stor nasjonal tredagerkonferanse var i byen og eg var klar for tre dagar med fagleg påfyll. Dag tre var eg ganske mett, men biletet er frå dag to då vi var utkvilte og framleis klare for nye tankar og metodar. Dag to var også på ein spanande lokasjon, som det maritime framkomstmiddelet på biletet, og det lagar gode rammer.   

Månadens klassiker på biblioteket var i oktober ein av favorittbøkene mine - anbefalast sterkt! Pen kaffe anbefalast også!

Eg vart forfremma på jobb og vi feira med mousserande dryck frå nabolandet.     

Nyepusen er uredd, som Frankenstein sin skapning, men ein 100% go'ing. I motsetning til you know who.

Eg er i Oslo på jobbreise og idet eg går meg vill mellom middag og hotellet går eg gjennom ein fin park og ser dette nydlege veggmåleriet!

Eg ser Macbeth av Shakespeare på Nationaltheateret - og beundrar omgjevnadane. Eg beundrar også deler av stykket, men det var meir ujavnt enn de visuelle kvalitetane til bygget. Men mykje meir bærekraftig - sjølvsagt. 

Kaffe i hotellsenga før eg går på konferanse. Hotellivluksus.

For første gong såg eg noko på nynorsken sitt eige teater, og det var stas! Dette endte opp med å bli litt av ein kveld på fleire måtar; og hit skal eg tilbake.

Eg flyr Oslo-Trondheim og det er fleire skylag over landet, men når vi går inn for landing i Trondheim ser vi litt - og svingar. 

Studiehelg i den nye favorittbyen min og eg er den einaste som er ute og spaserar i gata tidleg laurdags morgon. 

Eg rekker akkurat å få med meg ei magisk Picasso-utstilling dagen før de skulle ta den ned. Bygget var også verdt ein titt - sjå denne trappa med det lyset!

Siste dag i Trondheim for denne gong, og eg er enda tidlegare ute enn eg trenger for å gå innom Nidarosdomen. For eit praktbygg. De ringer med klokkene titt og ofte, og da er det lett å sjå kven som er turist og kven som bur i byen fast.

Heime i Bergen er det sol og varme, eller skugge og kulde. Det er framleis gule blader på trærne, akkurat som i Oslo og Trondheim. Så vakkert!

Lykke er (faktisk) å ha venninneplaner så tidleg på ettermiddagen at ein må spise middag (scones frå nærmaste bakeri) på bybanen for å rekke fram i tide. Også her hjelper det med sol og hausttrær. 

Også heilt til slutt: happy Halloween!