Augusthalvdel

 Kanskje sommarens beste fjelltur gjekk til Telleviksfjellet. Dessverre var det tåke, så eg fikk ikkje sjå den nydlege utsikta som alle lovar er frå toppen, men turen var så bra at eg gladleg går den fleire gonger. Med eller utan tåke. (det var ikkje tåke da eg hadde komt meg litt lågare, gjekk litt feil og tok bilete av dette grønne treet.)

Kvardagen er i gang og koret på jobb er i gang igjen! Det gledast STORT!

Etter fleire år med sylting, lagde eg i år saft av stikkelsbær og den lille ripsavlinga vi fikk. Det vart 2.5 liter saft; det er eksklusivt med kortreist mat.

Strikkekveld hos ei venninne i nabolaget, og eg kan komme meg dit utan buss. Kortreiste venner :)

Inspirert av ein ny favorittur vart eg grådig og ville finne ein til. Turen gjekk til Brattlandsfjellet. Her var det fint, og eg kunne til og med sjå langt; men dette var ikkje noko ny favorittur! Ikkje ein gong blåbærene smakte godt her. Rart. Men det var da nokre fine bileter. Om ikkje anna.

Etter ein lang arbeidsdag vart vegen heim stengt, så eg kjøpte med meg noko middagsaktig og i alle fall ein dessert og gjekk på kino. Det var heilt korrekt. Når kinoen var ferdig var vegen open, og alle kilometerne med kø var løst opp. 

God morgon Bergen, 27.08.26.

Jobben er på befaring og vi øvar oss på sveving. Nokon av oss, deriblandt meg.  

Vi er på premiere av nytt humorshow, men kunne like gjerne ha vore igjen heime.

Ei av kyrkjene i nabolaget fyller 100 år, og barn er med på programmet, medan voksen er med for å filme til sosiale medier (og ta bilete av vakkert bygg). 

Eg fullførte sommarstrikk over alle sommarstrikk - ein bikini! Hahaha, denne er super, og eg har til og med fått brukt den ein liten time da det var sol. 

Det er landesorg, og arbeidsdagane endrar seg litt. 

Og i anledning dette lagde eg ein liten hjarteopnersekvens til yogatimen min på det som var månadens siste dag. 

Augusthalvdel

Maritim strikkestund (biletet er frå juli, men det heng saman med det ferdige produktet frå august).

Eg oppdaga plutseleg at vi for første gong har fått bebuarar i insektshotellet vårt! Heile 6 rom er lukka, og det var ei stund denne karen vurderte å flytte inn. Han bygde den innerste delen av rommet sitt, men så trur eg han regna vekk - for han fullførte ikkje. Dette er ein murveps; så det er ikke usannsyleg at de andre gjestane er av same type. Gøy! 

Tre veker med sjukdom etter tre veker med hetebølge - så aktivitetshausten måtte begynne roleg. Men tur rundt vatten er fint, og eit einsleg haustblad låg på stien.

Det er maritim festival i byen, og vi var ute i øs pøs regnvær for å besøke flotte båtar!

Etter store regnmengder laurdag gjekk eg på (nok ein) roleg tur for å sjå på vatten i meir rennande former. 

I juli satt eg med to vinterstrikkeprosjekt, så eg la dei vekk og kjøpte bomullsgarn til ein sommartopp. Av uviss årsak kjøpte eg dobbelt så masse som eg trengte, så da strikka eg to like. Eg trudde at snittet skulle vise tatoveringa mi, men som biletet beviser, gjorde den ikkje det. Men fine toppar som eg gled meg til å bruke når det ein gong blir vær til det :)

Det som no har blitt ein tradisjon - klassiske konsertar i parken - vart i år kombinert med 86% solformørkelse (men sidan det var tjukke skyer merka vi nesten ingenting) den eine dagen,

og litt regn den andre. Uansett vær og solmengde - dette er eit augusthøgdepunkt kvart år!

Skambratte fjellsider (som ikkje ser bratte ut verken på bilete eller film) midt i august - og nye turfavorittar. Eg synas ikkje det er så stas å køyre til tur, men når turen er så bra (og har så masse store blåbær) er det (nesten) verdt det!

Juniliv -sommaravslutningar og ferieskål

Etter 19 år i nabolaget oppdager vi ei maritim perle vi ikkje visste om. Dessverre er den privat, men vi fikk henge der ein kveld for å feire de flotte ungdommane våre som no gjekk ut av 10.klasse. Det er litt trist at vi ikkje skal kunne følgje gjengen meir, og litt meir enn litt trist at foreldregruppa forsvinner. 

Spasere frå jobb kl.8 for å drikke kaffe på kafé kjennes meir og meir korrekt ut. Den beste starten på dagen!

Eg fullfører eit restegarnprosjekt; eit trekantsjal som eg ikkje trenger før det har gått nokon månader. Så her er den på fuglen for bilete, og no ligger den i vinterskuffa. 

Vitnemålsutdeling er emosjonelt, så medan yngstebarnet er på restaurant med klassen sin og feirar, sitter eg heime, tenkjer på kor lenge og kort 10 år er, og nyter litt kveldssol i penkjole.

Venner på øy flytter til ny øy, og vi rekker å besøke dei i "gamlehuset" før det ikkje lenger er i vår vennekrets. Der hjalp vi med å spise noko av all maten meglar ville at de skulle ha ståande framme på visning. Ja, og det regner framleis nesten kvar dag.

Vi badar framleis - i slutten av månaden er det 19 grader, og vi kjem oss nesten ikkje ut av vatnet. Men vi hadde sommeravslutning her også!

Eg fant ein fin topp som eg ville stikke, men etter to garnnøster ferdigstrikka såg eg at den vart stygg. Bomullsgarn er vanskelig å få fint. Så eg snurra alt inn i nøster igjen, kamuflert bak ein presentasjon på eit jobbmøte der eg hadde kamera av. Det er ikkje stas å ødelegge timar med arbeid, så da er det lurt å gøyme det bak anna arbeid. 

Eg tar med meg ei lita flaske, pynter meg med falske perler, og spaserer på venninnebesøk for å skåle for ferie.

Og eg blir kjørt til venninne som bur i dette nabolaget for å skåle for at langt vennskap og sommarferiestart også her. Det fortjente champagne i stor flaske.

Siste dag i juni - eg joggar i fine temperaturer for slik aktivitet, og ferien er i gang!

Februardagar

Vinternes vinter, og vi fortsetter livet med skøyter på beina heilt til nokon går igjennom isen like etter at vi var der. Det gjekk bra, men da forsvant lysta litt. Også kom mildværet.

Koret eg starta på jobb hadde sin første øving i februar - og i slutten av månaden er det 60 korsongarar på e-postlista! Så utruleg gøy! Eg overhøyrde "Synging er gøyare enn saksbehandling"; og det stemmer jo!

Vi er på arrangement på litteraturbåten, som sjølvsagt hadde papirbåtar i bokhyllene.

Kaldt vær med ingen vind eller nedbør gjør at vi for ei periode gjeninnfører fast heimekontor, og det vart covid-tid med det same. "Eg håpar vi snart kan sjåast på ekte" vart sagt igjen og igjen - nett som i 2020!

Eg trossa dårleg byluft og gjekk på eit fantastisk foredrag om Bergensk teaterhistorie, og derfor såg eg berre scener på denne midlertidige kunstveggen.

Eg inviterte venner til te og strikking; for ei vitamininnsprøyting på ein kald februarfredag!

Eg fikk tid til å lage kort utav trykke- og aktteikningkunsten min som eg laga på kurs under pandemien. Det tok nokre år, men no er dei klare til å bli gitt vekk!

Restegarnprosjekt, chunky hue i ull - som vart tatt i bruk med det samme.

Bursdagsfest i ein av byens flytande badestuer, med utsikt mot Ulriken. 4 grader i vatnet ute og langt varmare inne i badestua. Dette var ein nydleg måndag saman med nydlege folk - vitamin her også!

Prosjektet som eg har jobba med sidan april 2025 tok i februar vegen frå planlegging til dei menneska som skal få nyte godt av jobben som har blitt gjort, og eg kjente på at eit bilete var på sin plass. Eigentlig burde dette ha blitt markert med champagne i lekre glas, men jobben er langt ifrå over - så eit bilete for å markere overgangen for vere nok.

Det snør, og luftkvaliteten kjem seg. Vi feirar med å forlate jobben for å kjøpe kaffe!

Eg lunchar på det som akkurat no er byens største it-plass - og er glad for at staden, folka og maten var verdt all hypen! Det var også lunchdaten min, men det visste eg jo!

Eg arrangerte miniyogaretreat med Hatha, te, yin og noko Yoga Nidra. Dette var nydleg og eg skal absolutt gjøre dette igjen, når eg ikkje er småsjuk slik eg var her.

Siste helga i februar kom med varme solstrålar, god te og ei kunstbok som eg kjøpte i haust ein gong. Deilig vintervær til tross - det var godt med varme og vårkjensle! Velkommen mars!

Januar del 1

Saman med nytt år og etter ein skikkelig lang juleferie kom motivasjonen tilbake, og når sommaren kjem og eg synas det er for varmt, kan eg drøyme meg tilbake til første halvdel av januar 2026 med sine kuldegrader og vinterlys.

Den første dagen i det nye året bada vi i dagslys. Sporene frå der vi gjekk ut frå stranda til opent vatn viser godt, og dette var virkelig det første høgdepunktet, 11 timar inn i 2026! Eg fikk mange små sår på leggane etter at eg hadde brøyta meg veg ut gjennom isen med bare bein.

Sjå fullmånen rett over toppen på Lyderhorn! Slikt vintervær (og himmelfenomener) er noko av det beste eg veit!

Vi inviterer til nyttårsmiddag, og lar nyttårsbordpynten ligge litt lenger. 

Det er sol og det er snø! Eg går over nærmaste lille fjell og har med meg te slik at eg "må" sette meg ned i sola og sjå på lyset. 

Eit sjeldan anletsbilete, men med kun augene synleg er det ingen som kjenner meg igjen! Med rett bekledning og teppe er det mogleg å sitte i sola på verandaen og lese.

Dette var pepperkakehuset vårt i 2025! Det vart laga litt seint, og pynta i romjula; men det var usedvanleg raust pynta og det gjekk heilt fint å knuse det sjølv om det ikkje hadde stått oppe så lenge. Mummihuset om det ikkje går an å sjå ;)

Vi er tilbake på jobb og skule, og på veg til eit møte ser Bergen slik ut og bilete må bli tatt.

Det er nærmare 15 minus ute. Heime tenner vi i vedovnen slik at huset blir lunt og godt. Og god bok blir lest.

Webinar på heimekontor - covid-style med strikketøy. 

Med to veker samanhengande der det er fleire minusgrader er det mogleg å komme seg ut på skøyter - på "villis". Laurdags morgon var mannen og eg første skøytegåarar på eit lite vatten i området vi bur, og gjekk på skøyter heilt til sola var komt opp og andre kom på isen. Det var ikkje tidleg, men tidlegare enn andre.

Dagen etter fikk vi med oss eit barn og køyrte til eit langt større vatn litt lenger unna. Skøyter er så gøy, og vi skøyta 10 000 m, nett som andre folk som er glad i is!

Tidlegare enn eg hadde trudd er det skumring når vi bader på onsdager. Dette var nok ein finværsdag, det hadde nok vore mørkt om det var skyer, men dette viser jo berre at våren er på veg. Så la oss nyte vinteren medan vi kan!

Vi var sugne på bading, så ein av vinterbadedamene sparka vekk isen slik at vi kunne bade. Denne dagen var det 1 grad i vatnet - og heilt perfekt!