Orlando

Siden vi skulle fly heim frå Orlando forlot vi det fantastiske huset i Savannah nokon dager før flyet skulle ta oss heim for å presse inn ein fornøyelsespark heilt på tampen av sommarferien vår. Eg hadde vore megaheldig og fått gitt-vekk-pris på eit nydeleg luksushotell i gåavstand til Universal Studios. Her er det frukost på senga i 14.etasje med utsikt mot Orlando.

Vi hadde to netter her.

Vi hadde kjøpt dagspass til Universal. Vi var der frå parken opna kl.10 til den stengte etter fonteneshowet i 22-tida på kvelden.

Inngangsområdet

Flotte "kulisser" overalt!

Diagonalalmenningen.

San Fransisco.

New York.

Det begynner å mørkne.

Dagen var full av opplevelser, kø og varme! Neste dag skulle vi reise heim til Bergen, men det var først på kvelden. Derfor fikk vi tid til å nye nokon førmiddagstimar i bassenget. Der fikk eg omsider tatt bilete av ein slik liten ein, som vi hadde sett mange av, både inne og ute:

Bassenget var deilig og ein perfekt avslutting på USA-eventyret vårt. Etter nesten ein månad på tur var vi klare for å komme heim alle fire! Ferien var så full av ulike ting at vi føler at vi har vore på fleire feriar i ein! Eg held på å lage fotobok, og det blir nesten 300 bileter - og då har eg kutta mykje! For ein ferie!!

Haust alt?

Eg er veldig glad i hausten! Men eg synas at det kom litt brått på no i år. På veldig få dagar, før jetleggen hadde lagt seg, gjekk vi frå 38 varmegrader og for mykje sol til 7 grader og tunge skyer med masse regn. Og det kvar einaste dag. I mange dagar.

Været er skiftande, så vi har også sol kvar einaste dag, men det gjør nesten været meir irriterande enn om det berre skulle regne heile tida. De siste vekene har eg vore så klam som eg trur eg ikkje har vore før. Ut på tur i regnvær - altså fullt regnutstyr - også skinner sola igjen. Også styrtregn også sol, også må ein tørke klærene både inni og utenpå når ein kjem heim.

Likevel altså - er det nokon ting som er verdt å merke seg!

1.Det er framleis ganske mildt. Vi sover med opent vindauge og vaknar i frisk luft kvar morgon!
2. Lyden av regn på vindauget når eg sitter på jobb. Også her har eg opent vindauge og lyden er balsam for meg!
3. Te! Og blåbæsupppe som eg hamstra inn da vi var i Sverige i påska.
4. Eg vel å vite at det kjem fleire sommardagar. Enda har vi ikkje sove ute i år, og det må vi klare før nattetemperaturane synker for mykje.
5. I går kveld laga eg grove vafler til kveldsmat. Lillesøster dekka bord og pynta med lys og blomster. Levande lys er så koselig
6. Toulouse er veldig fin når han kjem inn og ser ut som ei drukna kråke.
7. Det er litt ekstra bad-ass å gå på fjellet i styrtregn (også sol også hagl også sol). Det hjelper også på at ein blir skikkelig groskitten oppetter beina av gjørma som spruter. Det er gøy!
8. Fossen på andre sida av dalen vår kjem ekstra godt fram når det regnar masse. Det fikk ein kamerat til å utbryte "Wow! Har de utsikt rett mot ein foss? Det er kult!" da han skulle gå heim. Eg har ikkje heilt tenkt at det er så spesielt, men det er det kanskje? Det kan det godt være, så no har eg sett ekstra godt på den om morgonen når eg går ut døra heime. Medan det enda er lys så eg kan sjå så langt.
9. Fritidsaktivitetene er enda ikkje i gang. Det er ok for oss over 11 år, men vi har to heime som gled seg VELDIG til å begynne! Og det å glede seg er gøy!
10. Før alle er tilbake på jobb er det enkelt å kjenne at ein er på oppsida av arbeidsoppgåvene sine. Og det som kjem ut når ein har overskot og tid held eit høgare nivå - det elsker eg!

Nye sko måtte kjøpast inn etter at de eg har levd i, og bytta hæl på sidan eg likte de så godt, over sommaren har begynt å gnage skikkelig. Eg gjekk på ein skobutikk og sa noko som dette "Eg hater å kjøpe sko. Eg trenger eit par som kjem til å vare leeeenge, som er fine til bukse og skjørt, gode nok til å gå mellom møter i, uten veldig høg hæl og som tåler at det ikkje alltid er sol." Dama i butikken gav meg eit par som var alt dette, eg slapp å prøve nokon andre for de passa så bra! Få hjelp i butikker kan være ganske så fint!

Savannah, Georgia

Etter ei vekes tid i storby og med venner toga vi oss veg sørover den amerikanske austkysten, frå Washington DC, gjennom Virginia, North Carolina og South Carolina - og heilt til Georgia - the Peach State. Her skulle vi være i heile 15 dagar!

Det tok nokre dagar før vi klarte å rive oss vekk frå dette. Huset, hagen og bassenget var heilt fantastisk - og vi havna langt inni ei nydelig feireboble! Det er VARMT her, så vi prøvde å ha noko å gjøre frå lunch og utover nokre timar. Da var det rett og slett ikkje mogleg å være ute. Knapt nok i "heavy shadow" - altså full skygge - ikkje skygge frå trær. De fleste dagane hadde vi ei rytme som denne: frukost, bading, lunch, køyre-ein-stad-og-finne-på-noko-innendørs, middag, bading, kveldsmat, god natt.

Savannah ligger ikkje langt unna Tybee island der de har nydlege strender. Vi hadde to-tre førmiddagar her. Rett i havet med gøye bølger, flotte og store fuglar, og ikkje minst delfinflokkar!

Lillesøster fylte år her, slik ho så ofte gjør når vi er på somarferie! Ho fikk velge seg ei kake frå Walmart. Denne sjokoladekaka var SÅ GOD at vi nesten (men berre nesten) kjøpte ei til.

Vi budde 15 minutter kjøring unna bykjerna. Vi var i sentrum fleire dagar for å oppleve museum, walking tours, ete, handle og vandre. Byen var så liten at vi fint kunne parkere ein stad, også gå dit vi skulle. Her er vi på Riverstreet med solnedgangen rett imot.

Vi åt masse god mat, masse rart, masse godt og det aller meste veldig usunt! Her hadde vi kjøpt med oss Disneywaffles heim som vi åt til kveldsmat med lønnesirup på. Nam!

De vi bytta hus med hadde laga ei liste med forslag til aktiviteter, eller stader som var verdt å besøke. Vi fikk faktisk gjort nesten alt, til tross for værsituasjonen som gjorde utendørsaktiviteter nærmast uaktuelle. Her er vi på veg inn til Wormsloe Historic Site.

I ettertid er det kanskje dette eg saknar mest - masse tid i skyggen med bok (her The Handmaids Tale, originalversjonen frå 1985) og isvatn.

Hagen "vår" var eit kapittel for seg sjølv - med mange palmer. Kven har palmer i hagen liksom? Liker det betre enn nokon av buskene vi har!

Nok eit matbilete. Her er det frukost på IHOP (International House of Pancakes). NAM! When in america...:)

New York og Washington DC

Eg har såvidt starta albumprosessen, og valgte ut nokon få bileter som eg ville dele her. Det er ofte enklare å sjå på når eg vil forlyste meg på tidlegare stasdagar!

Vi budde i Harlem. Første dag subwaya vi heile vegen ned til Lower Manhatten. Her fikk vi sjå Freedom Tower og minnesmerkene etter World Trade Center. Vi var her sist i 2006 - da var det framleis stort hol i bakken. No såg det veldig fint ut.

Ein tur forbi, eller som oss, til Frihetsgudinnen er eit must når ein er i New York! Vi valgte å ta dette alt første dag for å etablere for ungane at NO er vi i New York!

Fabelaktige Manhattan Skyline på veg tilbake etter nokon timar på Liberty Island.

Av alle stadene vi var i New York - Times Squere var der det var mest fullpakka! Her var det berre å holde godt i hendene til kvarandre, sjå opp og rundt på alt og prøve å forklare kva nokon av de skrikete menneskene ropte så høgt om.

Utsikt frå Empire State Building.

Nokon timar på Solomon R. Guggenheim Museum. Alle fikk utdelt eigne Iphones og øyretelefonar der ein kunne høyre kuratorar, kunstnarar eller andre snakke om eller diskutere utstillingane.

Timesvis med vandring i Central Park. Vi skulle frå A til B, noko som skulle ta ein halvtime. Vi brukte over 4 timar - vi hadde god tid - det var så masse ulikt å sjå på og oppdage.

Lincoln Center for the Performing Arts. God plass og luft utan bilveg mellom bygningane! Denne delen av byen, Upper West Side, var noko heilt for seg sjølv. Det var nesten litt europeisk storby over området.

Vi bussa sørover til Washington for å besøke venner som bur i nabostaten Virginia.

Washintonmonumentet og Nasjonal Museum of African American History. Vi var på veg til -

National Air and Space Museum. I år er det 50 år sidan månelandinga - den dagen var faktisk medan vi var i USA - så det var litt ekstra stas!

På veg tilbake til bilen - utsikt mot United States Capitol.