Velkommen 2025 og januarliv

Januar var lang, men god. Vi starta året med ei periode med vintervær og sol! For eit hell! Bilete frå første tur i 2025.

Vi køyrte til Løvstien for å gå på ski med urban utsikt. 

Også gjekk vi på ski i vår eigen skog med sti. Tenk at vi har dette berre 5 minutter unna huset vårt!

Vi inviterte naboar, venner og familie på kvardagsmiddag på ein måndag. Huset vart fullt av fine folk og gode samtaler, leik og latter. Slik kan ein gjøre ein mørk januarmåndag til ein skikkelig fin dag!

Ibsen blir spelt på DNS og eg er på plass - og synas mangt og mykje om det som vart vist. Men Ibsen er god!

I stadenfor å reise heim og spise middag, går eg på kino etter jobb med medbrakt mat. Snap til venninne som synas det er veldig rart når eg spiser alternativt på kino:D

Eg er heldig på og sitter heilt tett på eit kulturelt ikon da ho besøkte Grieghallen. 

Det er uvær og farevarsel, og eg har avtale for å smake persetorsk på Bien Basar. Sidan folk skulle holde seg heime fikk vi nesten heile restauranten for oss sjølve. Og maten? Heilt fabelaktig! Vi bestemte oss raskt for at dette måtte bli ein tradisjon!

Universitetet fyller år og feirer med lysshow på Naturhistorisk museum. Skikkelig, skikkelig gøy!

Yoga i ein av middelalderkyrkjene - alltid noko heilt for seg sjølv.

Det siste halve året har eg blitt betre på å gå ut av kontoret og spise lunch på cafe saman med kolleger, eller tidlegare kollegaer. Nokon får hjarte i moccaen sin. 

Eg fullførte ein strikkavest i varmt garn, og flotta meg med den (sjølvsagt)!

Ein cafe i byn inviterte på frukost, og kan ein det seier ein jo ja! Det er ein finfin måte å starte arbeidsdagen på!

Vinterbading også i januar. Ein dag gjekk eg direkte frå jobb,til Nordnes sjøbad, og rett i Puddefjorden, som holdt nesten 4.8 grader den dagen. Men det var 32 grader i bassenget, så det gjekk veldig fint! Solnedgangen denne ettermiddagen var magisk, men da var eg mobilfri i bassenget. 

Februarvitaminer del 1

Danseskoene snøres på og iløpet av få timar dansar ein tett og nokon gongar lett saman med veldig mange folk! Helgekurs i salsa er gøy - og litt smittsomt! Det er alltid gøy å oppleve kor fort ein blir ein gjeng!

Etter salsadansdagar var eg rett på dagsretreat på eit av byens yogastudioer. Nydlege timer, men det tok også tid å lande etter timesvis med salsarytmer!

Overraskelsesteater som bursdagsgåve var midt i blinken midt i veka! Heldige var vi som satt heilt framme og virkelig fikk sjå ein av landets beste skodespelarar heilt tett!

Med mykje snø og deilig vær er det vestlandsmagi å kunne spenne på seg skiene utanfor huset og gli avgårde inn i nærmaste skog. Venninne med te og sjokolade i sekken er alltid stas!

Slike dagar er ikkje for heile arbeidsdagar! Eg benytta meg av heimekontor, og ein time avspasering for å sjå på sola og trakke i snøen.

Strikkekveld med gode venninner er alltid ein vitamininnsprøyting!

Det er kaldt den kvelden eg har strikkekveld, så storebror tenner i peisen til oss. Det ein av deltagarane ikkje veit, er at vi brukte litt av hennes mastergradsoppgåve til å få fyr i bålet. Fungerte som berre det - også lar vi dette gå stille inn i historia. 

Tidleg laurdags morgon på Lyderhorn for å springe i de små stiane som blir laga i snøen opp dit. Går ein tidleg nok har ein fjellet nesten heilt for selg sjølv!

Lillesøster ville sjå Bergen by night frå Fløyen, så vi gjekk opp ein laurdags ettermiddag for å sjå korleis byen endrar deg frå solnedgang og til det var blitt heilt mørkt. Saman med turistane kosa vi oss der i godt over ein time.

Og sjå kor flott det vart i 19-tida! 

Med snø, kulde, is eller slaps ute kan ein ikkje brenne inne med gåvekort på to månader på nyopna treningssenter. Det er så kjedelig å springe på tredemølle at eg rett og slett springer langt fortare enn vanleg, og det er da noko. Tryggare enn på glattisen er eg også, men aktiviteten her henger i ein tynn tråd med det samme det går an å være utandørs!

Kvardagsleg januar

 Det har vore nokre år sidan liknande lang og kjedelig januar. 

Likefullt har eg begått lovbrudd då eg brukte mannen sitt treninsabonnement for å jogge inne da det var 15 minusgrader ute.

Meir lovleg var eg på leigde hockeyskøyter i strålande (og iskaldt) vintervær!

Lykka er å gå ut frå jobb og få dette lågthengande himmelfenomenet rett inn i kvitauge. 

Lillesøster og eg kledde oss i rosa for å vere på lilla løper på førpremiere. 

For de som ikkje er så mange cm over bakken før magen gnir nedi, er det travelt med mykje snø som ikkje smeltar. Vi mistenker at han var innom ein liten sesondepresjon sidan han var inne heile tida, og begrensa når han var ute.

Teateråret starta og vi var på publikumsprøve i storstua på Engen. Og stort meir er det ikkje å seie. Det kan sjå ut til at vi har det beste foran oss!

September og jakt på første rad

Med målretta steg gjekk eg inn i arbeidshausten med ein plan for korleis eg skulle minnast på kvifor jobben min er viktig, og kven den er viktig for. Dette betyr mellom anna nokre turar UT av kontoret for å observere. På veg til ein slik ein, kan ein jo observere andre kjekke ting - som dette store veggmåleriet på Møhlenpris.

Ein kan også utnytte ein time mellom møter sittande på ein benk i Musehagen og kjenne på ein avdempa haustlunk i lufta og kvilepuls.

Første rad del 1: publikumsprøve på DNS. Tekstleg tungt stykke, men mange gode kvalitetar og ein framragande skodespelar rett ved skosålen. Og googling og refleksjonar de neste dagane. Kanskje ikkje stor teaterkunst, men likevel viktig.

Første rad del 2: eit luksusdøgn i suite på Hotell Norge kan vel aldri vere feil!

Kaffekopp nummer to inntas i hotellsenga, saman med litt dessert.

Eit dårleg bilete av lunch på biblioteket for å høyre på nyansatt kulturtopp. Lære noko om nokon, og google også her. Bonusopplevelse var sinna publikummer utan filter. 

Første rad del 3: Jo Nesbø i nydleg samtale på Litteraturhuset.

Første rad del 4: yoga på Fløyen i solnedgang.

Første rad del 5: sin urgammal klassiker; søndagstur opp Stoltzen i haustsol med eitt av to barn og ein av ein ektemann.

Første rad del 6: liten venn på veg bortover mot Fløyen.

Første rad del 7: Yndlingsregissør som ved sin plassering PÅ scena under publikumsprøva var nesten like spanande som heile forestillinga. Kva reagerte han på no? Kva seier han til naboen? A work in progress.

Første rad i helsevesenet del 8. I møte med fagfolk som har som jobb å endre utsjånaden til folk kan einkvar bli litt sosial betenkt. Flink fyr i alle fall. Om enn litt taus.

Heilaften i kulturens hovedstad: debatt om Knut Hamsund si bok "Mysterier" på biblioteket før vi rusla lenger bort i kulturaksen for å få med oss

debatt om nynorsk. Og vin. Første rad 9 og 10 her altså.

Yoga i kyrkja - ein favoritt! Første rad vart det også, sjølv om eg eigentlig likar å ligge lenger bak når eg er her.

Strikkekveld med venninner og Dirty Dancing på DVD. Vitaminboost! 

De siste timane av september vart  brukt sovande i hotellseng - kun fordi vi hadde i gratis natt vi måtte bruke. Deilig helgeluksus!

Rask februar

Tidlegare har eg synas at februar kun er ei forlenging av januar. Det vart ikkje slik i år og da var jo februar rask - til tross for at det er skotår. Februar starta med det januar slutta med - sjukdom. Kombinert med oppkommande morsdag fikk eg nydlege roser av ungane 1.februar.

Omsider var det ein helgedag med opplett og nokre minusgrader. Vi benytta høve til å avise frysaren (det er greit å kunne legge ut frysevarene). Lillesøster får leika seg litt med "snøen" som vart skrapa ut. Det har ikkje vore så mykje snø denne vinteren så vi tar det vi får! Dagen vart også nytt med nokon minutter i solveggen - mmmm!

Heimekontordag medan eg venta på feiaren. Akkurat denne dagen var det snø, så han gjekk ikkje oppå taket. Vi har ikkje fyrt i peisen sidan 2010, så det er sikkert i orden.

På veg heim frå jobb ein dag sto det ei hyggleg dame utanfor Dromedar og delte ut gratis kakao! Er det mulig å vere så heldig!!

Eg og lillesøster var på premieren av "Ulverock" på Fyllingsdalen Teater.

Spasertur gjennom Nygårdsparken på veg til møte. Lav vintersol, frost og fine omgivelser.

Vegen mot Danmarksplass kan også være fin. Her letna morgontåka og sola ligger litt over Ulriken.

Vinteren har vore prega av mykje regn og enda meir vind. Det har vore vanskelig å trene som vanleg når det er hagl og stiv kuling nesten kvar dag. Her er frå tur i Gullaksdalen da ein heilt fersk rotvelt viste seg.

Vindtur på Lyderhorn. Vi gjekk ein ny veg ned igjen, denne gongen mot Loddefjord.

Søndagstur til Viggohytten. Det var meldt sol, men idet vi begynte å gå kom det masse snø! Før vi var komt opp låg det eit fint snølag overalt og sola kom fram. Det vart faktisk så varmt at eg måtte ta av buffen rundt halsen! Det er ikkje mykje, men det er da noko!

Lillesøster var uheldig og sklei på ei glatt rot som ho ikkje såg under snøen. Store delar av søndagen vart brukt på legevakten for å grave ut ein heilt kvist som satt i kinnet hennes. Vinterferieveka vart derfor litt prega av antibiotika og sårbehandling. Heldigvis var humøret på topp, og ho er virkelig den tøffaste 9-åringen vi veit om!

Eg kunne markere avslutning på eit stort prosjekt med ein grønngrønn smoothie frå Fruktbar! Nam!

Vi hadde tre separate kjøkkenplanleggingsmøter a' 90 minutter på IKEA i februar. Alle gode ting er tre, så på det siste bestilte møtet seint i februar betalte vi den omsider ferdige bestillingslista! No er det berre å vente på montering!

Eg hadde to avspaseringsdagar i slutten av vinterferien og tenk at det vart snø! Toulouse har litt blanda kjensler. Vi på to bein var berre glade!

På skotårsdagen gjekk vi på ski like ved huset vårt. Vi har ikkje kjøpt skifestingsutstyr til Leafen, så vi da måtte nært nok til gå vere bra nok. Det var det også.