Desembertradisjoner

De siste vinterne har eg lurt på om eg skal slutte å legge ut bileter, og denne desember meir enn nokon gong. Medan eg bestemmer meg (eller ventar på at eg synas det er fint igjen), legger eg ut nokon bileter fra desember.

Vår tradisjonelle bakedag vart gjennomført, tradisjonen tru, men også med nokon endringar. Ungane er no 15-17 år, ikkje ufødt til 2 år; så da er det klart det går litt kjappare. Det er faktisk mogleg at dette vart siste baking med alle, og det er rart å tenkje på. 

Pepperkaker, kakemenn, sjokoladekokosboller, brune pinner, skrivefruens kaffibrød, moccakjeks og julebrød. Velkommen til kvelsmat!

Grieghallen i blått, juletreet midt i Lille Lungegårdsvannet også Bergen julemarked sitt pariserhjul.

Vi er på konsert og lar oss underholde med lett og masseprodusert juleunderholdning. 

På jobb får vi som er på plass før kl.8 lussekatter og luciatog. Alltid veldig koselig!

Saman med badegjengen er eg på pubkor og vart storvegs imponert over "dirigenten" som prøvde å lære stemmer til ein sal stappa fullt av mennesker som drakk og drakk. Sang gjorde eg også, og var hes heile neste dag.

                                                                                 💙

Årets kortaste dag var lys og vakker med dobbelsol. Turane mine på denne datoen er nokon av mine favorittar, og det er nesten alltid godt vær.

Pepperkakemann laga av ungdommane våre - så fin! Og god :)

Kvelden før kvelden med kakao og krem, ost og kjeks. 

Og Berliouz viste seg å være ein treglad katt som låg under juletreet så lenge vi hadde det ståande framme. Han fikk eigen matskål til jul. Eg reknar med han vart glad, men det er ikkje så lett å sjå.

Vi har nydleg vær i romjula. Her fra andre juledag der mannen vart med som David Hasselhoff og fotograf da eg tok julebadet mitt. 5 grader i vatnet og nydleg utsikt!

Etter badet vart han lysbadelsker saman med meg. I termosen hadde vi julete som vi fikk til jul. Det er varme i sola også i desember, om enn berre litt.

Vi reiser til familie nokre dagar, og dagslysturar kan skje med ein liten venn i band.

Nyttårsaften vart også markert som vanleg, og det siste barnet som framleis feirar heime gav oss ein heads-up at dette nok var siste nyttår ho var saman med oss. Gjett om vi har begynt å tenkje på kva gøy vi kan gjøre når ungane ikkje er heime på nyttårsafta! Dette kan bli noko nytt! Eller ikkje. Vi får sjå :)

Septembersprell del 1

Den første haustmånaden hadde med seg fuktighet, kalde morgoner, varme ettermiddagar og veldig mykje fint lys. Som her - frå verandaen vår.

Kveldskjøreturer blir ekstra fine når sola står rett inn slik som her. I alle fall for den som sitter på og er ansvarleg for musikk, klima og fotografering :)

Kveldsstemning frå Festplassen mot Ulriken. Bak skyene til venstre for masta er ein enorm måne. Eg skulle så gjerne ha hatt eit bilete der den var framme, men eg hadde ein avtale og måtte gå. Men dette vart kult det også!

Det er mykje meir budsjett, strategi og posisjonering i jobben min enn ein skulle tru, men innimellom ser arbeidsdagen slik ut, og da er det samsvar mellom det mange trur og det som er virkelighet! Også gjør slike påminnelser den tyngre delen av jobben meir meiningsfull. 

Eg har ein lang arbeidsdag, og står og ventar på å bli plukka opp av mannen med denne utsikta. Solnedgang i september er noko for seg sjølv!

Vi badar - også i regn (derfor paraply). Eg skulle vidare på eit møte og måtte vere tørr i håret. Det forklarer kanskje paraplyen. Vi er framleis på 16 grader i vatnet halvvegs uti september!

Ein må vite å sette pris på kollegaer som er fødd i samme vindkast som deg sjølv - og sjå denne herlegheita når du opnar skuffen på jobb.

Foreldremøte og notater på skrivepulten bakerst til venstre i klasserommet. Eg ser ikkje bort frå at dette betyr noko anna enn rosa og barbie, men eg synes den var søt. Også trur eg det er første gong eg har sett skribling på ein pult sidan eg sjølv uttrykte meg slik.

Nok ein god arbeidsdag - denne gongen med både bobler og makroner. Og der var vi halvvegs i månaden alt!

August

Det er snålt at månaden begynte med feriedagar i fleng. No, i regnvær ein septemberkveld føles det som ei evighet sidan. Her dokumentert på veg vestover etter nesten tre veker på ferie i Sverige - prøvekjøring på fine vegar.

Det var godt å komme heim til denne pelsballen. Det var ein god og varm sommar i år, men dagen etter vi kom heim kom storm og innevær. Han trengte litt kaldare vær for å hente seg litt inn igjen, så det passa han perfekt. For oss andre var det meir ein brå og ubehagelig overgang frå sommarferie til kvardagslivhaust.

Heimekontor og matcha-te i fin kopp. 

 

Tre av fire vart forskjøla i værskiftet, så første arbeidsveke var meir hard en den burde ha vore. Men fint å komme tilbake til gode kollegaer! Og få ting kviskrar vel meir haust enn varm te, c-vitaminer (eller klementin som ein også kaller det) og halstabletter. 

Ein dag med sol, og i staden for å hente meg inn på sofaen (dette var fredag i første arbeidsveke) køyrte eg vestover for å gå meg vill/tur på svaberg.

Det er valghaust, og vi er på debatt og podcastinnspilling. Smarte ting vart sagt og mindre smarte ting vart sagt. Vi stemmer og håper på det beste.

Heilårsbading i august er ingen sak. Vi har være mellom 16 og 18 grader i august. Og vi har hatt sol kvar gong. Nydelig! Bilete frå sykkelvegen dit. 

Fin kollega takker for seg i fine lokaler. 

Vi er prøvepublikum på generalprøve. Vi er litt seint avgårde og tar sjansen på å parkere ulovleg like bak teateret. Det gjekk fint - og vi vart heller "belønna" med nydleg kveldshimmel etterpå.

Årets utandørskonsertar i parken skjer i år med blå himmel og varme! Eg får med meg siste halvdel av konsert nummer to, og burde heller ha hatt bilete og tekst om det eg såg og høyrde før denne konserten, men der var det fotoforbud. Uansett - ein innholdsrik kveld saman med nydlege mennesker!

Vi er invitert til "privat event", aka bursdagsfest, og storkoser oss med skikkelig god mat og skikkelig fine folk! 

Det store vegprosjektet i nærleiken av oss stenger stadig nye veger, og no har eg laga versjon fire etter at de stengte den vanlege joggeruta mi (og alternativrute 1, 2 og 3). Denne er jo fin, men eg gler meg til at nokon av de gamle favorittane åpnar igjen.

Den lille stilken av eit epletre leverer maks i år! Eg har ikkje telt kor mange epler det er, men opp mot 20 trur eg. Det er bra levert når ein er så høg og tynn!

Mailiv

Inneklemt fridag, og halvdårleg vær! Eg tok turen til Osterøy for å sjå og gå Kossdalssvingane. Sikkert sidan været ikkje var heilt bra (før første og siste gong i mai), hadde eg heile sensasjonen for meg sjølv! Og sola kom fram fleire gongar! For ein fin tur, og for nokre små og fine svingar!

Dhali feirast i byn, og eg hadde skikkelig lyst å være med! Men heller ikkje i år vart det tid til det, men andre familiemedlemmar var der og kom heim med nydlege fargar, supert humør og behov for ein dusj.

Studentteateret arrangerte jubileumsfest, så for første gong sidan eg leverte mastergraden i 2005 var eg tilbake på gamle studenttrakter. Alt var likt og annleis på samme tid. Og den nye generasjonen studentteaterfolk var heilt nydlege! Vi som var aktive rundt årtusenskiftet vart kalla legender (det kan eg fort bli vandt med!) og det var gøy oppleve at studentane vart starstruck av å møte meg - det skjer ikkje så ofte! Kvelden var skikkelig, skikkelig fin - heia studentteaterne!

Når kjentsfolk spelar sexy og morderisk hovedrolle på ein av byens scener, er eg glad for at eg får solgt det inn til både voksne og barn i familien - og fikk plass på første rad. Hahaha og hjelp!

Hurra for Norge, 17. mai og olje. Og alt det derre der (hei). 

Hurra for folkehav, flagg, hurrarop og kjentsfolk i hovedprosesjonen!

Heilårsbading i mai - 15 grader og dårleg plass på parkeringen. 

Nokon har arbeidsveke på skulen, og kjenner for første gong på 14-knekken. Eg bakar havrekjeks som ho kan ha med seg - og nokre ekstra som eg tar med til kollegaer som må på eit kjedelig møte på jobb.

Kjølige morgoner og varme dagar. I mangel på sommarjakker som passar dagens humør - introduserer rosa strikkagenser og prikkete skjørt.

Kinoen inviterte til førpremiere i Widerøe sin flyhangar - og saman med 800 andre satt vi og såg film med både fly- og helikopterlyder rundt oss. Skikkelig gøy!

Eg låner ei bok på biblioteket der dette "bokmerket" falt ut. Det var så koselig at eg putta det tilbake før eg leverte inn boka; så nokon andre kan få ein hyggelig overraskelse.

Yngstebarnet er konfirmant, og eg stikker nåler i ein heilt ny bergensbunad. Det var ubehagelig ei stund, også vart eg berre tøffare og tøffare. De som sydde bunaden for oss hadde lagt inn hjelpetråd - så det skulle eigentlig godt gjørast å bomme. 

Etter at vi gjekk her på ski i vinter, har eg ikkje vore på Løvstien. Det er litt reiseveg til og frå - og da blir det ikkje til at eg utnyttar denne luksusturvegen så ofte. Men med nok ein inneklemt fridag og halvdårleg vær - bussa eg til og frå og gjekk store deler av stien aleine med fuglesong og fossebrus. Også denne brua som er skikkelig, skikkelig stilig! 

På veg mellom Grieghallen og bilen blomstrar dette! Det ser nesten giftig ut - de er store - men så fine!

Årets einaste Festspillforestilling vart Mozarts Requiem - og eg er så glad eg var der!

Kinoliv midt på dagen er kanskje ein av mine favorittkvardagsluksusingrediens.

Det eine epletreet vårt - som eigentlig berre er ein lang stilk etter eit besøk av ein hjort - blomstrar masse! Tenk om det blir nokre epler også! Vi håper!

Eg er på storflott festival, og får henge i denne middelalderkyrkja og få servert kunst både for auge og for ganen. Ja takk!

Nokon fyller år og inviterer til turnering med kakepause. Supergøy - også vant eg til og med!!