Juniopplevelser

Ei helg med halvdårleg vær (har det ikkje vore det kvar helg i juni?) sykla eg lange turar laurdag og søndag. Søndagsturen avslutta eg på 48.6 km, og tenkte at det var bra. Men no skulle eg ønske eg hadde sykla 50 km. Så den turen må eg ta på nytt - også må eg sykle utsvingen kvar gong. Her er eg på veg gjennom sykkeltunellen - den er framleis ein favoritt!

Her er frå litt tidlegare i løypa. Ein anna favoritt :)

Det er Bergenfest og eg har den beste dagen så langt i år saman med denne rå dama, og tre andre favorittdamer.

Med eit litt mindre engasjert publikum enn Alanis, fikk eg også brølt Roxette-songar saman med i alle fall nokon originale musikarar.

Original musikar - Odd Nordstoga - spelar i nabolaget og er så god! Men ingen er så god som Alanis :)

Afternoon Tea på Opus saman med venninne er alltid heilt nydeleg!

Det er juni og feireavvikling. Det blir litt meir heimekontor, og litt fleire anledninger til å lage matcha-te i bibliotekskopp frå Oxford. 

Det er også anledning til å vere med på fagleg kino med kaffe og vaffel midt på dagen. Akkurat da er jobben min den beste i verda!

Vi reiser nordover og får med oss Kinnaklova, Kinnaspelet og mykje anna! 

Vi er så heldige at vi får vere med på statsbordarsermoni i Håkonshallen. Det var like høgtidleg og vakkert som ein kan tenkje seg. 

Skuleferien er i gong og regnet fortsetter. Her er bilete av at det fossar utav takrenna, men det viser ikkje så godt. Frodig er det i alle fall.

Lyderhornhelg med morgontur opp Lyderhorn både laurdag og søndag. Til tross for tåke, skyer, regn og vind - var eg ikkje aleine nokon av gongane. Eg lurer på om eg ein gong får heile fjellet for meg sjølv.

Byens bysegl er i heimbyen nokre få veker, og eg går innom og ser, høyrer og skriver meg inn den moderne borgarboka. Stas!

 Vi har oppretta kanincamp i hagen, det er koselig!

Aprilhøgdepunkt

April begynte heilt på topp med bingokorogkakekveld - og eit rom fullt av fine og glade mennesker! Bingo er gøy! La oss gjøre meir av det!

La oss også leike ute saman med venner! La oss legge inn tepauser i sola, full forvirring om kvar neste frespeegolfmål ligger og latterkramper. Og sykkeltur for å komme seg fram. Berre det å sykle saman er ei tidsreise, umiddelbart er vi 11 år alle saman!

Våren kjem - og utemøblane kjem fram. Pusen blir glad for å ha noko mjukt å ligge på, og eg blir glad for å ha fleire stader å sitte, å sjå og å drikke kaffe.

Stort sett avgjør eg 100% kva eg vil sjå på scener, men her er eg +1 saman med mannen. Heldigvis var dette ein sympatisk og artig fyr å høyre på!

Vi vinter(heilårs)bader framleis, det blir bedre og betre! Men det er mindre tid i april en i november, så det blir langt sjeldnare enn eg hadde ønskt.

Påskepynt frå eigen hage!

Vi er underbemanna og overarbeida (her er det ein heilt logisk samanheng), så eg legger opp til arbeidsdager der eg jobber 12 timer før eg belønner meg sjølv med ein tur på kino før eg busser heim. Eg sovner alltid i kinosalen, men kinobesøket er ein nydleg overgang mellom oppgåver eg ikkje vil gjøre og livet utanom. 

Påskeferien starta med ein dag på tatoveringsstudio - eller eit nytt kapittel om ein vel å sjå slik på det.

Vi køyrer til Os for å besøke Lysekloster. Sidan vi kjørte oss litt vill fikk vi også sjå ein del av Os vi ikkje hadde sett før. Og klosterruinane som nærmar seg 900 år var nydlege!

Påskeferien fortsetter og alle på 4 og 2 bein får påskeegg.

Særleg påskharen sjølv. Han feira påske her medan de han vanlegvis bur hos var vekkreist.

Kort arbeidsdag for å toge austover - 

- for å feire at det er 25 år sidan vi var russ! For ei helg!! Eg er framleis heilt varm inni meg! Tenk at eg fikk henge med så mange fine folk på 90-tallet!

Etter å ha venta i heile vår fikk eg endelig ein restplass på aerialyoga! Dette var avansertklassen, og kanskje ikkje heilt den gruppa eg burde ha vore i, men det var så gøy, så godt og ganske empowering! I den grad ein føler seg sterk og modig når ein blir kalla Tinkerbell! Men eg gjør det :)

April vart avslutta med kokosnøttkakao, kveldsmat og bålpanne på heile gjengen.

Velkommen 2025 og januarliv

Januar var lang, men god. Vi starta året med ei periode med vintervær og sol! For eit hell! Bilete frå første tur i 2025.

Vi køyrte til Løvstien for å gå på ski med urban utsikt. 

Også gjekk vi på ski i vår eigen skog med sti. Tenk at vi har dette berre 5 minutter unna huset vårt!

Vi inviterte naboar, venner og familie på kvardagsmiddag på ein måndag. Huset vart fullt av fine folk og gode samtaler, leik og latter. Slik kan ein gjøre ein mørk januarmåndag til ein skikkelig fin dag!

Ibsen blir spelt på DNS og eg er på plass - og synas mangt og mykje om det som vart vist. Men Ibsen er god!

I stadenfor å reise heim og spise middag, går eg på kino etter jobb med medbrakt mat. Snap til venninne som synas det er veldig rart når eg spiser alternativt på kino:D

Eg er heldig på og sitter heilt tett på eit kulturelt ikon da ho besøkte Grieghallen. 

Det er uvær og farevarsel, og eg har avtale for å smake persetorsk på Bien Basar. Sidan folk skulle holde seg heime fikk vi nesten heile restauranten for oss sjølve. Og maten? Heilt fabelaktig! Vi bestemte oss raskt for at dette måtte bli ein tradisjon!

Universitetet fyller år og feirer med lysshow på Naturhistorisk museum. Skikkelig, skikkelig gøy!

Yoga i ein av middelalderkyrkjene - alltid noko heilt for seg sjølv.

Det siste halve året har eg blitt betre på å gå ut av kontoret og spise lunch på cafe saman med kolleger, eller tidlegare kollegaer. Nokon får hjarte i moccaen sin. 

Eg fullførte ein strikkavest i varmt garn, og flotta meg med den (sjølvsagt)!

Ein cafe i byn inviterte på frukost, og kan ein det seier ein jo ja! Det er ein finfin måte å starte arbeidsdagen på!

Vinterbading også i januar. Ein dag gjekk eg direkte frå jobb,til Nordnes sjøbad, og rett i Puddefjorden, som holdt nesten 4.8 grader den dagen. Men det var 32 grader i bassenget, så det gjekk veldig fint! Solnedgangen denne ettermiddagen var magisk, men da var eg mobilfri i bassenget. 

24.desember og desember-24

Julemånaden vart starta i suite på Bryggen med kaffe i senga. Kvelden før var vi på julebord og det var skikkelig deilig å ha ein heilt roleg morgon med gamle amerikanske komiserier på lineær TV.

Etter utsjekk gjekk vi på Julelotteriet for å sjå om eg klarte å vinne meg eit heilt eget kunstverk på medlemsskapet mitt. Eg vant ikkje, men var litt nær ein gong, og uansett var det ei oppleving å vere med på! Med eit lite hint av eksklusivitet - love it! 

Det er tida for dagslysturar. Det er uansett vær i helgene, men ekstra fint når det er skikkelig lys og sol! Og laaange skuggar!

Vi er prøvepublikum på det som var ein publikumssuksess før showene var i gong. Eg satte stor pris på klassiske sketsjar og ny humor frå fersk komiker. Også satte eg pris på de gode stolane på Forum. Det er ein lenge vedvarande samtale om kva stolar som er noko på kulturinstitusjonane og kulturbyggene i Bergen - ein samtale som fikk seg ein intern oppsving i desember! 

Bergen er ekstra pen i desember når alle vinterlysene er tent, og det er heilt i orden å stå her og vente på bussen.

Ein kveld på teateret for å komme i julestemning og for å sitte i ro litt. 

Ein kveld i Grieghallen for å høyre eit av mine favorittrequiem - og rett og slett miste pusten av musikalsk monumentalisme.

Første juleferiedag og eg besøker to av byens kunstmuseer. Utstillinga av nokre av Ambriosa Tønnesen sine verk var heilt fabelaktig - og noko av det flottaste eg har sett i heile 2024!

Årets mørkaste dag hadde knapt nok dagslys. Men ut på tur likevel - med ei lita pause i ly for regnet.

Nokre dagar før fristen, 24.desember, fullførte eg AdventsUltra. 100 km ila desember. Denne gjorde eg også under pandemien, og det var meir utfordrande å komme i mål denne gongen. Men det gjekk - med fleire dagar til gode!

Juleferie for alle - og årlege juletradisjoner som kakao med krem til kveldsmat på lille julafta.

Romjulsyoga - men her var det mykje motstand å finne! Det ser i det minste triveleg ut på bilete.

Årets siste dag og årets siste joggetur. Kanskje årets første i snø - og det var ikkje mykje av det - men eg brukte piggskoene mine uansett. 

Før eg rakk å bli kald igjen etter joggeturen, fikk eg med meg fotograf og livvakt på bading. Da vart eg svært effektivt iskald. Det var litt vær også - og det gjør innpakkinga til badinga ubehagelig (badinga er det enklaste på slike dager).

Godt nytt år!