Juillet, vacances d'été

Juli starta med velfortjent ferie. Vi var heime da de vi bytter hus med i sommer kom til Bergen og vi var saman med de her ein dag. Vi laga kveldsmat med nokre norske delikatesser; som de likte - trur eg. 

Bortsett frå julidag nummer ein i Noreg, har vi vore i Frankrike sidan. Her frå slottsparken nokre minutter unna huset vi bur i (vi bur ikkje i slott, men vi bur veldig fint!).

Eg tok toget under Den engelske kanalen og var i London nokre dagar.

Eg var på konsert med 70 000 andre,

og eg besøkte Tate 50/50 for kunsten og 50/50 for air-conditioning.

Før eg toga tilbake til sommarheimlandet, åt eg vegansk, engelsk mat som slett ikkje var noko særlig. Men engelske folk? 10 av 10!

Vi hadde ein liten utflukt til Lille, der vi var inni ein nydleg katedral som var ein hybrid mellom gotisk og moderne. Vi åt nydleg sein lunch/tidleg middag på den eine staden som hadde aircon. 

Og vi stakk oppom Belgia for å sjå på ein annan katedral, og spise dessert. 

Og overalt er det hetebølge. Her frå skuggen i sommarferiehuset vårt, ein dag det var sånn midt på treet for varmt. Vi hadde 42 grader som det varmaste.  

Verdens finaste lunchutsikt, i ein nydleg liten by med tidenes slott!

Slottet i "heimbyen" var også verdt å besøke, men ikkje like Disneyslottete på utsida.

Også denne draumen, med vollgrav og den nest største kunstsamlinga i Frankrike, utenom Louvre.

I fjor kjøpte eg ei reisepresse, og eg pressar blomar frå hagen vår, med innlagte nedkjølingspauser der eg måtte gå inn og stå i vifta.

Midt i juli kom endelig ein formiddag under 30 grader, og vi kan ligge i skuggen på verandaen og lese før temperaturen stig. 

Juniliv -sommaravslutningar og ferieskål

Etter 19 år i nabolaget oppdager vi ei maritim perle vi ikkje visste om. Dessverre er den privat, men vi fikk henge der ein kveld for å feire de flotte ungdommane våre som no gjekk ut av 10.klasse. Det er litt trist at vi ikkje skal kunne følgje gjengen meir, og litt meir enn litt trist at foreldregruppa forsvinner. 

Spasere frå jobb kl.8 for å drikke kaffe på kafé kjennes meir og meir korrekt ut. Den beste starten på dagen!

Eg fullfører eit restegarnprosjekt; eit trekantsjal som eg ikkje trenger før det har gått nokon månader. Så her er den på fuglen for bilete, og no ligger den i vinterskuffa. 

Vitnemålsutdeling er emosjonelt, så medan yngstebarnet er på restaurant med klassen sin og feirar, sitter eg heime, tenkjer på kor lenge og kort 10 år er, og nyter litt kveldssol i penkjole.

Venner på øy flytter til ny øy, og vi rekker å besøke dei i "gamlehuset" før det ikkje lenger er i vår vennekrets. Der hjalp vi med å spise noko av all maten meglar ville at de skulle ha ståande framme på visning. Ja, og det regner framleis nesten kvar dag.

Vi badar framleis - i slutten av månaden er det 19 grader, og vi kjem oss nesten ikkje ut av vatnet. Men vi hadde sommeravslutning her også!

Eg fant ein fin topp som eg ville stikke, men etter to garnnøster ferdigstrikka såg eg at den vart stygg. Bomullsgarn er vanskelig å få fint. Så eg snurra alt inn i nøster igjen, kamuflert bak ein presentasjon på eit jobbmøte der eg hadde kamera av. Det er ikkje stas å ødelegge timar med arbeid, så da er det lurt å gøyme det bak anna arbeid. 

Eg tar med meg ei lita flaske, pynter meg med falske perler, og spaserer på venninnebesøk for å skåle for ferie.

Og eg blir kjørt til venninne som bur i dette nabolaget for å skåle for at langt vennskap og sommarferiestart også her. Det fortjente champagne i stor flaske.

Siste dag i juni - eg joggar i fine temperaturer for slik aktivitet, og ferien er i gang!

Juniliv i haustvær

Eit av prosjektene eg leiar var delvis fullført i mai, og i juni var eg onsite for å hauste erfaringar frå dei som har gjennomført. Det ligger så stor innsats bak - og da er det så godt å høyre kor mykje dette har betydd for dei som har deltatt. Delmål bør også feirast!

Eg er i Håkonshallen på ein nydleg konsert, og kongshallen er så majestetisk og vakker i lyssettinga.

Arbeidsdag i historiske omgivelser - og uendelege mengder med smågodt!

Kosten vår har likt seg i regnværet - og hadde vokst ut ein elegant liten sopp.

Vi inviterte familie på bursdagsfeiring til begge ungane våre, som har fylt eller skal fylle dag i ferier. Dette var kanskje den første dagen med sol på vekesvis, så vi kunne finne fram puter til utemøblane. Det har ikkje vore sjølvsagt så langt i år.

Eg er i Kristiansund for å holde eit innlegg, og vere med i ein debatt. Morgonkaffe i fin kopp på hotellet før dag ein. 

Vi er heldige og får besøke Grip. For ei perle! Hadde det vore lov skulle eg gjerne ha vore der ei veke. Minst.

Vi kjenner dei rette folka og får billettar til showet til ein skotsk komikker. Eg trur han var skikkelig morsom, men det var vanskelig å skjønne kva han sa. Likevel - verdt å vere der!

Lillesøster feira 16-årsdag med venner, og vi ---

--- forlot huset for å henge med venner som har denne utsikta frå hagen. Ja, også hadde vi ei helg med sol midt i månaden! Det var nesten så sommarfølelsen kom!

Maidagar del 2

Hipp hurra for 17.mai! Vi hadde ulike planar alle fire, og eg brukte dagen på fjellet saman med tåke mest, men også mange andre på søndagstur. Alle med flagg i sekken!

Ulikt skotøy - men alle er klare for dagen!

Kafemorgon saman med venninne for å preppe ho til jobbintervju (på ein jobb som ho ikkje fikk, så kanskje eg ikkje skal gjøre dette om til ei vane). 

Det er utstillingsåpning på eit av byens kunstgallerier, og vi er tilstade for å sjå på kunsten og prate med folka. Det er ekstra hyggelig når vi kjenner de ansvarlege og kan fortelje de kor dyktige de er. For utstillinga var heilt fantastisk!

Nok ein regnfull, tåkete og vindfull dag, men det er fridag og eg går på Ulriken og spiser lunchen min. Godt at eg har sett utsikta før, det var tristare for turistane. 

Det er ingen unger heime, så eg og mannen stikker til byn og spiser på restauranten med den beste utsikta!

Vi bader oss igjennom mai, og det er 14 grader i vatnet. Vi ligger lenge uti, og framleis er vi relativt aleine. 

Bursdagsmånad, bursdagskaffe (i julekopp?) og lang arbeidsdag.

Superspanande foredrag på biblioteket! Og kjentsfolk i salen som hadde komme langvegs frå for å vere her. Vi kunne lett ha tatt 120 minutter, om ikkje meir!

Ein morgon alle var heime fikk vi besøk av to piggsvin! De var der ei stund, i alle fall til alle hadde reist heimfrå, men vi har ikkje sett dei sidan. Eg håper dei bur i hagen vår, og at vi berre ikkje ser dei så ofte. 

Ein av mai sine høgdepunkter på jobb kjem og går - men før vi er heilt ferdige er det samvær, stjernemat og middeladerkyrkje i nydleg treenighet!

Eg jobbar frå båt ein heil dag. Og sjølv om den låg til kai heile tida, var det stas og på grensen til maritimt. 

Meir maritimt vart det seinare den veka, med seglbåttur med ein veteranbåt. Heilt fantastisk!

Siste dag i mai, og eg er på festspillforestilling som var 10% bra og 90% uinteressant. Raud løpar derimot - alltid 100% bra!

Maidagar del 1

Kanskje den einaste heile dagen i mai med sol (?), og eg har med meg ei venninne på ein av mine favorittskogturar. Vi prøvde å sette opp telefonen da vi åt lunch, men den velta; og vi fikk dette fine bilete av blå himmel, trær og hovudet til venninna mi. Turen var berre nokre timar, men vi tok igjen med laaang lunchpause ved vatnet.

Konfirmasjon nummer ein :)

For første gong sidan begynnelsen av 2000-talet besøker eg Stadion og ser at Brann sitt damelag knuser austlandslaget - og til og med eg kan sjå forskjellen på det gode laget, og det mindre gode. Heia, heia! Dette var faktisk gøy, så eg ventar ikkje 25 år før eg er tilbake denne gongen. Her er det også blå himmel, men det var forferdelig kaldt!

Eg inviterer med meg gode samarbeidskollegaer og spanderer byens beste is. Det har vore mykje kaldt og vått i mai, også denne dagen, så vi satt inne og fraus. Men folka er fine og den lille pausen velfortjent (og gjengen fortjener is i all slags vær).

Det snør - fleire gongar. 

Oppsida ved kulde og nedbør er at det er lite pollen. Så - sjeldan fjellturmoglegheit i mai for meg. Og med dårleg vær får ein også (nesten) fjellet for seg sjølv. Nesten. 

Eg var så heldig at eg fikk Lego til bursdagen min, og i mai drog eg ut bygginga av denne blomsterbuketten alt eg kunne. Så gøy!

Konfirmasjon nummer to :)

Konfirmasjon nummer tre :)

Og halvvegs i mai, og på veg heim til Bergen, stoppa vi ved Sognefjorden for å sise lunch, og for å bade. Det siste var berre meg. Eg er prikken i midten av bilete.