Yogalærereittårsjubileum

Det kjennes som om det er meir enn eit år sidan, men i dag feirar eg at det er eitt år sidan eg fikk godkjent eksamen min - og vart sertifisert yogalærar innan Hatha og Yin. Utdanninga, eller kurset kanskje, var 200 timar; og med unntak av sjølve yogatreninga såg det slik ut; på kjøkkenbordet med te og notatbok, nettbrett og støttelitteratur.

Før eksamenstimen min, som var ein del av den langt større eksamensinnleveringa, inviterte eg nokre venner på besøk og laga stua om til eit lite yogastudio. Eg hadde plass til 6 yogaelevar, som var dei første eg underviste i ein heil time. 

Rett etter at eg hadde levert inn eksamen, og nokre veker før eg fikk den godkjent, fikk eg jobb som yogalærar. No - eit år etter - har eg undervist tre ulike grupper; og utdanna meg vidare innan Yoga Nidra. Eg feirar dagen med kunstutstillingsopning og champagne, og eg sender ein Namaste til Swami Satyananda, kvar han no enn er.

Namaste også til deg :)

Aprilvind

April starta i Praha med lunch på det eg trur må vere den koslegaste staden i heile byen. Vi ville nesten ikkje gå ut derfrå, og har snakka om staden, maten, glassene og folka sidan!

Også han da - Kafka - og nydleg vårlys. 

Vel heime var det tid for å skåle for å feire at eg fekk godkjent Yoga Nidra-utdanninga mi; og no er sertifisert Yoga Nidra-instruktør. Hurra :)

Tog på veg til Oslo, med termos slik at eg hadde både kaffe og te til togreisa.

I Oslo budde eg i ein del av byen eg ikkje hadde vore før, men absolutt skal tilbake. Ein fin ettermiddag, før eit foredrag med kunstnerisk påfyll på Litteraturhuset - også tid til ein morgonkaffe (med peis :)) før eg gjekk til neste hotell for å kursast. 

God morgon frå hotell nummer to, like god kaffe, fin utsikt og vårsol utanfor. 

Med litt drikketema i mars - SASte på vegen heim til Bergen seint på kvelden. 

Spanande arbeidsdag på institusjonen som utdannar folk som kan spele å denne, og anna - og eg diggar at det er heilt naturleg at denne ligger i gangen. 

Tåke, men turdag - og gammalt skilt til dit eg var på veg. 

Morgonstemning frå sykkelen på veg til jobb kl.05:40. Vakkert, men framleis under null grader om morgonen. 

Eit prosjekt eg leia er i full aktivitet, og eg er med ein dag for å sjå på det gøye og viktige eg har fått på beina; og har med meg muffins og iste til deltakarane. 

Heilårsbading - og vi bikker 10 varmegrader i vatnet!

Kaffedate med venninne på kafeen nærast jobben, kl.08 på ein onsdag. Dette kan vi godt gjøre til ein vane. 

Og det syklast - i vind og sol - og eg er glad kvar gong eg kjem fram der eg skal og framleis er i live. Buss er ein del meir komfortabelt. 

Solgløtt og søndagstur over to fjell og gjennom ein skog. 

Heilårsbading nest siste dag i april - 12 grader, og tid til te og snacks i sola etterpå. 

Marsøyeblikk část druhá

Yogalæraren sitt privilegium er å settje opp ein ekstra Yin-yoga-time, slik at eg sjølv - etter tre veker med sjukdom- får løyst opp og starta igjen. Vi var fleire som framleis kom oss etter influensa, så dette var kjærkomment. 

Med friskare kropp kan ein også isbade igjen, knapt 6 grader i vatnet midt i mars. Her har eg tatt bilete av lyset, like ved parkeringsplassen. 

Toget tar meg på jobbreise til Oslo ein regnfull morgon.

I Oslo har eg sein innsjekk på hotellet, så eg jobbar frå kafé, med matcha-latte i koppen.

Verste hotellrommet på fleire år, men ei veldig fin trapp opp i 6.etasje.

Eg prøver de billigste billettane på operaen, og ser rundt 70% av scena. Det eg såg var 100%, og hadde eg hatt moglegheit, hadde eg gått tilbake og sett alt ein gong til! Årets absolutte sceniske høgdepunkt!

Dårleg rom, men god kaffe frå resepsjonen. 

Og heldigvis skulle eg vidare til eit langt betre hotell! Her frå den einaste morgonen eg hadde der, med god kaffe i fin kopp.

God morgon på veg til Praha! Upåklagelig utsikt og trivleg nabo på rad 12!

Også - god morgon frå suiten vår i den tsjekkiske hovedstaden.

Mars avslutta vi på påskeferie i vakre Praha, med magen full av skikkelig god mat og hovudet fullt av  gode opplevingar. Og fullmåne!

Marsøyeblikk část ve

Bingo burde blitt delt ut på resept til alle slitne og stressa mennesker - uansett alder! Langt meir avslappande enn strikking synas eg!

Mars starta med tur til Danmark - først bingo, så med kaffe i senga, 

og på dag tre chai latte i eit desperat forsøk på å bli friskare. Sistnevnte gjorde nok ikkje noko for viruset, men det smakte ok, og utsikta var upåklageleg!

Noko veldig fint skjedde, og vi tre som var heime til middag skålte i bobler og applauderte!

Nesten midt mellom bursdagane våre, feira eg og mannen 45-årsdagar med ein klubb full av berre menneske som vi kjenner og liker. FOR ein kveld! Utpå kvelden forsvant stemma mi, og eg som trudde eg var blitt frisk igjen entra del 2 av sjukdommen. Men det var verdt det!

Eg leverte inn ei ny eksamensoppgåve - denne gongen utdannar eg meg til å bli Yoga Nidra-instruktør. Eg feira med å kjøpe ei ny bok - og marinere meg i kjensla over å fullføre noko som eg har jobba med i nokre månadar. 

Eg holdt mitt første innlegg for ei internasjonal satsing på jobb - på engelsk as a matter of fact - og feira for tredje gong på få dagar! Denne gongen med Friends på skjerm og Prosecco i glaset.  

Etter tre veker med sjukdom vart eg endelig frisk igjen, og kunne ta meg ein tur ut. Sist eg var ute på tur var det is og fleire minusgrader! Det var fint å kunne gå skikkelig i skogen igjen, det hadde eg sakna!

Februardagar

Vinternes vinter, og vi fortsetter livet med skøyter på beina heilt til nokon går igjennom isen like etter at vi var der. Det gjekk bra, men da forsvant lysta litt. Også kom mildværet.

Koret eg starta på jobb hadde sin første øving i februar - og i slutten av månaden er det 60 korsongarar på e-postlista! Så utruleg gøy! Eg overhøyrde "Synging er gøyare enn saksbehandling"; og det stemmer jo!

Vi er på arrangement på litteraturbåten, som sjølvsagt hadde papirbåtar i bokhyllene.

Kaldt vær med ingen vind eller nedbør gjør at vi for ei periode gjeninnfører fast heimekontor, og det vart covid-tid med det same. "Eg håpar vi snart kan sjåast på ekte" vart sagt igjen og igjen - nett som i 2020!

Eg trossa dårleg byluft og gjekk på eit fantastisk foredrag om Bergensk teaterhistorie, og derfor såg eg berre scener på denne midlertidige kunstveggen.

Eg inviterte venner til te og strikking; for ei vitamininnsprøyting på ein kald februarfredag!

Eg fikk tid til å lage kort utav trykke- og aktteikningkunsten min som eg laga på kurs under pandemien. Det tok nokre år, men no er dei klare til å bli gitt vekk!

Restegarnprosjekt, chunky hue i ull - som vart tatt i bruk med det samme.

Bursdagsfest i ein av byens flytande badestuer, med utsikt mot Ulriken. 4 grader i vatnet ute og langt varmare inne i badestua. Dette var ein nydleg måndag saman med nydlege folk - vitamin her også!

Prosjektet som eg har jobba med sidan april 2025 tok i februar vegen frå planlegging til dei menneska som skal få nyte godt av jobben som har blitt gjort, og eg kjente på at eit bilete var på sin plass. Eigentlig burde dette ha blitt markert med champagne i lekre glas, men jobben er langt ifrå over - så eit bilete for å markere overgangen for vere nok.

Det snør, og luftkvaliteten kjem seg. Vi feirar med å forlate jobben for å kjøpe kaffe!

Eg lunchar på det som akkurat no er byens største it-plass - og er glad for at staden, folka og maten var verdt all hypen! Det var også lunchdaten min, men det visste eg jo!

Eg arrangerte miniyogaretreat med Hatha, te, yin og noko Yoga Nidra. Dette var nydleg og eg skal absolutt gjøre dette igjen, når eg ikkje er småsjuk slik eg var her.

Siste helga i februar kom med varme solstrålar, god te og ei kunstbok som eg kjøpte i haust ein gong. Deilig vintervær til tross - det var godt med varme og vårkjensle! Velkommen mars!