Mai i tropene

Helgesutflukt i mai kjennes nesten som sommarferie - i alle fall med strålande sol og varme!

Sommaren vart skåla inn i maisolnedgang.

Fint besøk på gamle trakter - og ny, begeistra, generasjon. 

Varmen gjorde at mykje blomstra langt tidlegare enn vanleg - og blomstra alt for fort av. 

Når nynorskens far skal heidrast med nytt kunstverk, veit ein å vere på plass.

Bursdagsfeiring i kveldssola på verandaen - på ein heilt vanleg måndag som rett og slett vart ekstra fin.

Vi åpna campingplass i "Oslo" - den øverste delen av hagen vår - for å lufte nyinnkjøpt turtelt, og øve oss på å sette opp og slå ned i vind.

Vi feirar med champis nok ein gong. Eg kan ikkje lenger hugse kvifor, men eg rekna med at det var noko fint.

Hurra for 17.mai! Vi begynte dagen med festivitas, og avslutta med å måle leveggen - ja, takk til litt av kvart.

Det er Festspill - og i år fikk eg med meg heile 7 arrangement! Raud løpar på opningsførestillinga -, 

- og raudt lys nokon dagar seinare da eg var tilbake på pianokonsert i storstua.

Nok ein gong tilbake på gamle trakter - denne gongen universitetet. Det er nesten 20 år sidan eg var student her, men det kjennes framleis som heime.

Mai månads siste solnedgang, og for tredje gong vart den nytt saman med eit glass champagne. Denne gongen skåla vi for at eit arbeidskapittel er over - og at vi er glade for å kunne sjå framover.

Aprilliv

Månaden starta med raud løper, fotovegg og veldig mange skikkelig fine folk! Eg ville rett og slett ikkje gå heim igjen etterpå! Meir, meir!

Med visshet om at vårt gode teaterbygg skal rehabliterast, måtte eg sjå nesten like mykje på bygget som på scena. Det viste seg å vere eit godt val, då det som var på scena var så flatt at eg valgte - for første gong i livet - å gå derifrå etter ein halvtime.

Forsøksvis tvangsavslapping midt på dagen med tvilsomt resultat. Her burde eg ha bytta ut flyting i kar med vannsklier og høg musikk for å spegle enerdinivået mitt. Men fint og roleg på bilete i alle fall.

Vi bur rett ved eit enormt byggeprosjekt, og det er nye løysningar på vegane våre kvar veke. I april kunne eg late som om eg jogga i New York da eg måtte bruke denne sikkerhetsventilen.

Tennis - fleire gongar i veka! 

Og sykle til jobb-sesongen er i gong. Framleis er morgonturane til byn før kl.06:00 de beste, og i april er det også mogleg å få med seg soloppgang på vegen. Så vakkert!

Påskeliljer frå eigen hage, og pus frå Fyllingsdalen. Det kan ikkje bli så mykje betre enn dette.

Marsliv

Ein tåkete morgon i starten av mars. Og sola som skinner på huset tidlegare for kvar dag som går!

Nokon av oss arrangerer filmkveld og lærer at ekstra salt på popcorn er akkurat det ein må ha for at det skal smake godt!

Vi feirer at nokon vi kjenner har tatt eit godt valg som vil komme ein av oss til gode. Den andre dominobrikken faller den også. Champagne på gjengen!

Vi kjenner vår besøkstid og er tilstades idet ein av vårens store sceniske snakkis hadde permiere i Grieghallen.

Søndagstur etter god, gammal oppskrift. Venner til alle fire, middag i sekken og fint vær. Og svaberg og hav.

Medan ungane åt frossenpizza heime, smakte vi to andre oss gjennom fem retter og vin på eit av byens Michelinstjerneresturanter. Det smakte langt bedre enn det ser ut (og inneheld blekksprutblekk)!

Vi feirer bursdag for eldremann saman med ein fin gjeng med ungdommer. 

Påskeferien var etterlengta! Obligatorisk stopp for å ta bilete i og av Astrup-ramma på veg til - 

Loen der vi hadde nokre deilige dager med sol, bading, lesing og god mat. Og denne utsikta frå rommet!

God bok i sola før vi køyrte heim igjen. Det var fint med soldagar her, for det vart ikkje så mykje meir av det resten av påska.

Månadens siste dag kom med opplett - og vi fikk prøve ut de nye tennisrackettane våre. Ikkje det at vi hadde gamle, men disse var nye. :) Og skikkelig gode å spele med! Vi gler oss til fleire tennisøkter!

Kulturfebruar del 2

Langt uti mars snudde vi omsider kalenderen på kjøkkenet til rett månad. Det er vanskelig å avgjøre kvar feilen låg, men eg trur det har noko med at februar månad ikkje hadde påprinta månad - altså var det berre eit bilete; og meir skulle det ikkje til før ein satt med samme dagar hengande framme i to ekstra veker.

Denne forestillinga har eg hatt lyst å sjå lenge, og når den kom til Bergen var eg sjølvsagt publikummar - og koste meg skikkelig! Kjem denne på NRK ser eg den på nytt.

Utstillingsopning ein fredagskveld saman med kollegaer og venner. 

Etter opninga gjekk vi på ein kafe eg ikkje har vore på sidan eg var student og gjekk dit titt og ofte. Lokalet var helt likt; og det var berre skikkelig fint å vere der.

Knakandes flott utstilling på eit anna kunstmuseum - her også med samtale - og ikkje minst middag i byn etterpå. Deilig laurdag med sol ute, kunst inne og kjensla av å være på ferie (det skal ikkje så mykje til alltid).

Det er nettopp det han gjør, og ein bør kjenne sin besøkstid!

Eg rakk akkurat å få med meg ei utstilling dagen før de pakka den ned. Her hadde eg 40 minutter, så det vart litt hast; men eg hadde ein avtale med Shakespeare og noko måtte vike.

Kveld på biblioteket - nye bøker, fine folk og spanande samtale om Hamlet. Framleis aktuell, jepp :)

Februarvitaminer del 1

Danseskoene snøres på og iløpet av få timar dansar ein tett og nokon gongar lett saman med veldig mange folk! Helgekurs i salsa er gøy - og litt smittsomt! Det er alltid gøy å oppleve kor fort ein blir ein gjeng!

Etter salsadansdagar var eg rett på dagsretreat på eit av byens yogastudioer. Nydlege timer, men det tok også tid å lande etter timesvis med salsarytmer!

Overraskelsesteater som bursdagsgåve var midt i blinken midt i veka! Heldige var vi som satt heilt framme og virkelig fikk sjå ein av landets beste skodespelarar heilt tett!

Med mykje snø og deilig vær er det vestlandsmagi å kunne spenne på seg skiene utanfor huset og gli avgårde inn i nærmaste skog. Venninne med te og sjokolade i sekken er alltid stas!

Slike dagar er ikkje for heile arbeidsdagar! Eg benytta meg av heimekontor, og ein time avspasering for å sjå på sola og trakke i snøen.

Strikkekveld med gode venninner er alltid ein vitamininnsprøyting!

Det er kaldt den kvelden eg har strikkekveld, så storebror tenner i peisen til oss. Det ein av deltagarane ikkje veit, er at vi brukte litt av hennes mastergradsoppgåve til å få fyr i bålet. Fungerte som berre det - også lar vi dette gå stille inn i historia. 

Tidleg laurdags morgon på Lyderhorn for å springe i de små stiane som blir laga i snøen opp dit. Går ein tidleg nok har ein fjellet nesten heilt for selg sjølv!

Lillesøster ville sjå Bergen by night frå Fløyen, så vi gjekk opp ein laurdags ettermiddag for å sjå korleis byen endrar deg frå solnedgang og til det var blitt heilt mørkt. Saman med turistane kosa vi oss der i godt over ein time.

Og sjå kor flott det vart i 19-tida! 

Med snø, kulde, is eller slaps ute kan ein ikkje brenne inne med gåvekort på to månader på nyopna treningssenter. Det er så kjedelig å springe på tredemølle at eg rett og slett springer langt fortare enn vanleg, og det er da noko. Tryggare enn på glattisen er eg også, men aktiviteten her henger i ein tynn tråd med det samme det går an å være utandørs!

Kvardagsleg januar

 Det har vore nokre år sidan liknande lang og kjedelig januar. 

Likefullt har eg begått lovbrudd då eg brukte mannen sitt treninsabonnement for å jogge inne da det var 15 minusgrader ute.

Meir lovleg var eg på leigde hockeyskøyter i strålande (og iskaldt) vintervær!

Lykka er å gå ut frå jobb og få dette lågthengande himmelfenomenet rett inn i kvitauge. 

Lillesøster og eg kledde oss i rosa for å vere på lilla løper på førpremiere. 

For de som ikkje er så mange cm over bakken før magen gnir nedi, er det travelt med mykje snø som ikkje smeltar. Vi mistenker at han var innom ein liten sesondepresjon sidan han var inne heile tida, og begrensa når han var ute.

Teateråret starta og vi var på publikumsprøve i storstua på Engen. Og stort meir er det ikkje å seie. Det kan sjå ut til at vi har det beste foran oss!