Kvardagsleg januar

 Det har vore nokre år sidan liknande lang og kjedelig januar. 

Likefullt har eg begått lovbrudd då eg brukte mannen sitt treninsabonnement for å jogge inne da det var 15 minusgrader ute.

Meir lovleg var eg på leigde hockeyskøyter i strålande (og iskaldt) vintervær!

Lykka er å gå ut frå jobb og få dette lågthengande himmelfenomenet rett inn i kvitauge. 

Lillesøster og eg kledde oss i rosa for å vere på lilla løper på førpremiere. 

For de som ikkje er så mange cm over bakken før magen gnir nedi, er det travelt med mykje snø som ikkje smeltar. Vi mistenker at han var innom ein liten sesondepresjon sidan han var inne heile tida, og begrensa når han var ute.

Teateråret starta og vi var på publikumsprøve i storstua på Engen. Og stort meir er det ikkje å seie. Det kan sjå ut til at vi har det beste foran oss!

Desember- juleutgåva

Bergen i vinterlys er noko heilt for seg sjølv!

Tradisjonell bakedag med venner - og i mål med haugevis med julekaker på litt over ein time!

Ei anna tradisjon er å stå og stampe foran Starbucks fordi ein nok eit år har gløymt at den ikkje opnar før kl.08:00. Kaffen var i alle fall god, og (viktig!) i rett, raud julekopp!

Ein svipptur innom byens eldste kinesiske restaurant for å feire utholdenhet. Og for å bytte julegåver. Bonusoppleving da vi skjønte at stilig fiskedam også betydde sur fiskelukt.

Nok eit julemarked-bilete -det går jo nesten ikkje an å få for mange av de (joda, det gjør det!).

Ein tur tilbake til barndommen der ein voksen seier at "bestill det du vil ha, så betaler eg". Eg gjekk for det de fleste anbefalte - churros - og likte det ganske så godt! Dette vart også det siste eg gjorde på jobb i 2023 - for etter litt mat i magen logga eg av og gjekk på KODE.

Der ville eg ha med meg Last Dance - ei oppleving i Tårnsalen (eit av mine favorittlokaler). Idet ei skuleklasse kom inn var eg fornøyd og gjekk heim via biblioteket for å plukke med meg nokre bøker til romjula. Ferien var i gang!

Dagslystur den kortaste dagen i året. Det har vore ganske ok vær denne dagen de siste årene, og det settes stor pris på! No varer lyset lenger, hurra!

Andre juleferiedag var det nydlege perlemorskyer ute! Det har vi aldri sett før, så det var skikkelig stas (og velig flott!)!

Det er stabilt kaldt - slik det har vore i heile vinter - og vi har snø i jula (for første gong sidan 2010 vil nokon ha det til. Medan eg hugsar at det har snødd mellom der, men kanskje bare i dalen hos oss.)

Vakker soloppgang lille julafta! Og lysene på juletreet som speglar seg i vindauget.

Kvelden før kvelden med sjølvimportert pynt på kremen :)

Romjulsmorgon - 

og romjulsturer kvar einaste dag.

Nyttårsafta er denne karen sin aller verste dag. Det positive er at han er kjempekosete heile kvelden og ligger tett inntil; noko han ellers aldri gjør. Neste dag var alt gløymt.

Takk for følget 2023! Du har vore langt over snittet kanonbra!

Velkommen 2024!

Desember 1/2

Desember kom med for kort adventstid, for mykje gøyt å gå glipp av - og mange gode minner! 

Vi fikk med oss ein av de første Jan Eggum-konsertane i rekka - og sjølv om vi kun hadde høyrt nokre få songar tidlegare, lot vi oss stort underholde av gode tekstar, hysterisk artige anekdoter, eit publikum som ikkje berre hadde høyrt alt før, men som også kunne tekstane godt - og generelt skikkelig god stemning. Første søndag i advent.

Dagen etter konsert i kjellarlokalet på Ole Bull var eg på konsert i byens storstue for å sjå og høyre ei anna bergensk legende - Sissel Kyrkjebø. Dette var ein heilt anna konsert; sjølvsagt; men også fint å få oppleve. Vi hadde varma opp med OL i -94 på YouTube, og Se ilden lyse; så det var stor stas å høyre den live!

Ute var det iskalde og klåre dagar med isstjerner på vindauget, og snø utanfor.

På Mozart sin dødsdag, 5.desember, var vi på ein fantastisk konsert i Nykirken - seint på kvelden. Eg er så glad i dette verket; og det var heilt fantastisk å sitte der og høyre. Det var også noko fint ved å spasere ut i minus 10 grader og snøfall, i 23-tida på kvelden, saman med masse andre folk - fulle av musikk og storhet.

Apropos storhet var det sjølvsagt på sin plass å få med seg Jon Fosse Ord for ord. Eg hadde billett til de fire første lesningane, også såg eg fleire lesningar heime. Vi skåla i bobler på søndagen, og såg overrekkelsen i Stockholm. Ein stor dag!

Med lovnad om regn, var det berre å utnytte ein heimekontordag og komme seg ein liten tur ut. Sola ligger knapt over horisonten no, to veker unna årets mørkaste dag.

Luciadagen starta grytidleg med konsert i Domkirken. Med kun levande lys og barnekor var det ein roleg start på dagen. Dagen slutta heilt i andre enden med ein dansefest av de sjeldne - dette må da ha vore ein av de beste Luciadagane nokon sinne! Ja takk til litt av kvart! Noko av dagen var brukt i selskap med denne utsikta. Luftig og pent!

Novemberhøgdepunkt

November med sine iskalde og klåre dagar. Ein overskotsmånad med fleire høgdepunkt!

Søndagstur opp på Sotra sin høgaste topp; ikkje spesielt høgt, men spesielt vakkert frå toppen. Og no, ein månad seinare, hugsa eg aller mest den hygglege mannen eg snakka med både på veg opp og på veg ned. Fine folk på fjellet altså!

Eit scenografisk høgdepunkt i Grieghallen, da Bergen Nasjonale Opera viste Katja Kabanova. For ei forestilling (og for eit oppsett!)! Aldri har eg opplevd at ein buar under applausen, men det gjorde ein her. Svigermødre har det ikkje lett, og ho som spelte svigermor her vart bua (med latter) da ho kom inn på applausen. Bonusoppleving!

Kurt Nilsen markerte 20 år på scena, og her ville vi vere med (til tross for at nokon av oss ikkje stemte på Nilsen i finalen av Idol). Det er eigentlig heilt utruleg kor mange songtekstar ein kan, sjølv om ein ikkje har høyrt på songane på mange år.

Visste ein ikkje at det var fleire minusgrader ute, kan det sjå ut til at det er reine sommaren! (uten blad på trærna)

Diktatorharselering og brølelatter på DNS. Ein god kveld å dingle over publikum (gøy med oversikt over ein stor gjeng når vi alle kvepper skikkelig)! Bonusoppleving nummer 2!

Ei lita jobbreise til Stavanger. Fine koppar på Stavanger kunsmuseum, gode foredrag, ei fantastisk danseforestilling og fire heilt ok, spanande mennesker, 

og ei nydleg utstilling på staden med de fine koppane. Eg drøymer fortsatt om disse rommene.

Stavanger gjorde seg klar til desember, og på veg til bussen kunne byen sjå ut som ein metropol. Min indre storbyelsker veit å spotte det som kan sjå ut som nettopp det. Trenger ikkje å være det. Glad likevel.

Litterær og musikalsk lunch for å sjekke ut ein av byens mange musikalske heltar. 

Og ein spasertur - siste dag i november - i låg vintersol, i fleire minusgrader enn komfortabelt og i godt humør. 

Oktoberliv

Vi var med på årets Rosa sløye-løp i Bergen, ei oppleving som inneholdt skikkelig god stemning, triste syn, knallvær, og ein rosa by - og (min favoritt) ein himmel som opna seg akkurat idet vi hadde kryssa målstreken. Vi var gjennomvåte etter få sekunder; noko som var supergøy! Digger skikkelig vær (men er glad det var sol fram til nokre minutter før).

Rundtur på nokre byfjell ein finværslaurdag med fri. Lunch med utsikt over Fyllingsdalen.

Medan ungane var på haustferie møttes mannen og eg etter jobb på ein av byens vakraste spisestader. Nok ein gong var det styrktregn, og det var fint å sitte her inne og sjå ut. Etter middag gjekk vi på kino og prøvde de nye sengene som ein kan sitte (ligge) i. Eg sovna litt til tross for at filmen var god.

Eg reiste til Trøndelag midt i oktober for å delta på eit innholdsrikt og intenst seminar i forbindelse med jobb. Samtidig var det også ein dansefestival, så eg fekk sjå tre danseforestillingar; og ikkje minst fikk eg samarbeide med nokre av dansarane etterpå. Eg er full av gode minner og nye bekjentskaper etter disse dagane.

Seint laurdags kveld tok eg toget til Trondheim der eg brukte heile søndagen på å henge rundt og i denne draumen av ein katedral. Søndagen starta med gudsteneste her med både kor og ein organist i toppklasse. Klangen av orgelet i Nidarosdomen er noko av det vakraste eg har høyrt.

Trondheim i haustfargar var nydelig, og eg synas eg fikk mykje utav timane både inne og ute. Nidarosdomen er ein draum! Andre høgdepunkt var St.Olavs kilde, Gamle Bybro, hausten i parken og kakaoen de hadde på kafeen rett ved Nidarosdomen.

Vi inviterte ei heil familiegrein på Halloween-fest. Mykje ekkel mat, god prat og fine folk!

Siste helga i oktober toga eg til Oslo. Eg var med på seminar på Henie Onstad Kunstsenter om den nye utstillinga med Magdalena Abakanowicz sine skulpturar i tekstil. Etter lunch brukte eg nokre timar på å sjå de ulike utstillingane, og synas Yayoi Kusama sitt verk Hymn of Life var ein draum! Berre sjå!

Fredags kveld besøkte eg Nasjonaltheateret, og sidan eg satt saman med ein bergenser var vi jo heilt enige om at det er ikkje så mykje større enn DNS :) (men litt) Det var i alle fall fint å være der og "En julefortelling" var koselig (og trist og skummel).

Ein laurdagsformiddag på historisk museum der både interessen for oldtidens Egypt og generelt alt frå Asia fikk litt påfyll. 

Superstemning laurdags kveld på Chateau Neuf med Moulin Rouge på scena. Og ein live-favoritt; Sondre Lerche. Skikkelig, skikkelig, skikkelig bra!

Sidan eg aldri har besøkt Oslo Domkirke, var eg der på gudsteneste søndags morgon. Domkirkekoret sang nydleg, og det er forskjell på korleis ein legger opp gudsteneste i vest, aust og nord. Interessant. 

Før toget heim søndags ettermiddag, var eg på Astrup Fearnley Museet og fikk sjå fleire ikoniske verk; deriblandt denne:

I fem minusgrader, stjerneskinn og under ein trolsk måne, sprang eg i mørket som deltager på Silver Night Run i ein skog eg ikkje har vore i før, og med kun reflekser som vegviser. Heldigvis hang eg meg på nokon som hadde betre hodelykter enn meg, så eg kom meg heilskinna igjennom løypa. Sjølv om det var galskap var det så gøy å prøve! Og det er herleg å stå og hutre foran bålpanne med varm suppe i koppen og medalje rundt halsen! Dette var siste dagen av oktober, så eg kom heim til Halloweenstemning i gata og kilovis med innhenta snop :) Ei fin avslutning på ein innholdsrik månad!