Sweet September

September er ein av mine favorittmåneder! Vi ligger mellom sommar og haust på ein måte, og det er så fint!

Siste resten av eit av yndlingssnacksen min frå junaiten. Gold Fisk med cheddarsmak! ÅH SÅ GODT! Akkurat nok til ein liten kveldskos i den pittelitte New York-koppen.

Storebror fikk være med ein kamerat på hyttetur ei helg, og kom heim med masse minner i hovudet og ein pose full av både sopp og sjølvfiska ørret! For ein luksus!

Det var åpning av Bergen Assembly med påfølgande runder i nokon av visningsrommene. For eit konsept! Inntrykkene stod i kø! Fleire enn meg måtte rett heim og sove etterpå - dette var intenst!

Ein arbeidsdag på KODE 1. Tenk å få lov å vandre rundt her inne, og til og med få lønn!

Vi lånte oss ei hytte på Kvamskogen igjen. Den hytta vi har lånt tidlegare var solgt og låg ikkje lenger ute til utleige. Denne hytta var mykje større, men hadde ikkje heilt den samme WOW-utsikta. Men den var uten TV og internett, så vi fikk lest masse og spilt masse spel som vi hadde tatt med oss. Vi hadde langhelg sidan det var planleggingsdag (dvs valgdag) på måndagen, så det var masse tid til avslapping og ro!

Nokon rensar hagen vår for flått. Når det ikkje lenger er ekkelt å ta de med fingrane har du gjort det for masse. Han på sin side har lært at det ikkje er farleg at vi nappar i han, så det har blitt enklare.

Alle fritidsaktiviteter er begynt igjen! Sjakken til storebror er min favorittaktivitet å køyre på sidan den er på fredags kveld og det betyr at 1)eg får ein god joggetur i andre omgivelser enn vanleg sånn på starten av helga, og 2)vi kjem heim til ryddig hus og ferdiglaga kveldsmat som de to andre har jobba med medan vi var vekke.

Joggetur her er heilt nydleg! Det er ikkje mange fredagane utover hausten før eg må jogge ein anna veg eller evt ha med meg lys for å ikkje snuble.

Ettermiddagstur saman med lillesøster. Eg har kjøpt vektvest som eg går med. Det er skikkelig teit, men super trening!

110 km tilbakelagt i september, fordelt på 21 økter. 43 km jogging, 36 km tur, 24 km fjell, 5 km sykkel og 1 km padling! Hahaha, padlinga var nice, så den må sjølvsagt med!

Det har vore så masse supert vær i September! Vindstille og varmt! Det er særleg fint når ein sitter i ein litt vinglete båt med to unger.

Vi bytter ut bilen i garasjen med ein litt mindre bil. Stort sett står den berre der, men bil må vi ha - enn så lenge. Eg kjem til å sakne dette store bagasjerommet! Og moglegheiten til 7-seter.

Søndagstur på Gullfjellet! Skål i kaffe på toppen, med utsikt mot Samnangerfjorden langt der nede. Nærmare bestemt 987 meter nedenfor.

Dagen etter Gullfjellet var det ikkje sprut i beina til joggetur, så da var det vandring i Krohnegården Friluftsområde medan lillesøster var på ballett. Kveldssol og mange folk på tur.

Ein arbeidsettermiddag beståande av haustmiddag med syrisk buffet, sittande saman med interessante og mangfoldige mennesker rundt bordet. Vi fikk også prøve oss på Latteeyoga! Det var utruleg gøy!

Litt tidleg ute til eit møte, og eg fikk sitte på ein benk ved Lille Lungegårdsvannet og nyte sola.

To unger er vekke på overnatting! Eg og mannen gjekk på Bergen Internasjonale Filmfestival og såg "War of art" før vi hadde bord på Lysverket. For ein fin laurdag!

Pølsefest ved havet! Saman med venner fyrte vi opp bøttegrillen for siste gong denne sesongen. Det er åresvis sidan vi sist var på Ormhilleren Friluftsområde; og det var så fint å være tilbake! Det er så nydleg der! Vi må gidde å køyre ut ein gong det er moglegheit til å bade! Det var det ikkje denne gongen! :)