Luddemorgon

I dag som i går var eg siste person utav senga om morgonen. Det er alltid fint - da er det jo kun eg som skal gjøre meg klar! Tre små satt i sofaen og høyrte på lydbok. Lillesøster og storebror med Puste på fanget. Den siste veka er det denne lydboka som har gått på repeat, Ludde. Den varer i 35 minutter, og det er vel det ungane har funnet ut - at om de står opp direkte når klokka ringer rekker de å høyre den før vi skal ut dørene.

Lillesøster har ikkje vekkerklokke, men ho høyrer at storebror går opp, og da kjem ho også. I går hadde ho lest i senga før ho stod opp også, så eg er litt usikker på når ho eigentlig vokner. Når mannen går klokka 6 kanskje?

Det er enkelte barnebokinnspelingar som imponerer meg, og Ludde er ein av de. Her har de laga gode songer i tillegg til bøkene som blir lest opp. Det ligger masse jobb og dedikasjon bak slike produkter, og det lyser så veldig igjennom - og blir satt pris på! Det er jo ikkje utan grunn at de blir spelt av på nytt og på nytt. Dette er bibliotekslån og i går gjekk eg på nettet og fornya lånet slik at den kan bli høyrt 30 gonger til!

Fokus: 10 mil!

Det er vår, og eg har meldt meg på ein facebook-challenge "10 mil i april". Eg gjorde denne i september også, les om det her. No er vi på dag 6 av 31. Eg har gått 10.14 km og jogga 10.93 km sidan 1.april. Eg er i gang. Det er jo eit fokus eg vel å ha heile månaden. I tillegg til vanleg trening (jogginga) må eg leggje inn nokre turar som eg vanlegvis ikkje hadde tatt. Det må jo vere det som er poenget her - ellers blir det jo berre noko eg gjør på lykke og fromme!

I dag regner det. Eg trudde det var meldt bra vær heile veka, så eg sukka litt i bilen på veg til barnehage og sfo i dag "det var dumt at det regna så masse i dag, eg hadde tenkt vi skulle ta oss ein tur ut i ettermiddag."

Storebror: "Javel? Det hadde ikkje eg tenkt."
Eg blir litt overraska, for eg har ikkje fått inntrykk av at han så ofte planleggjer ettermiddagane sine.
"Kva hadde du tenkt da"
Storebror: "Eg hadde tenkt at eg skulle rydde rommet."

Frå tur i februar - deler av turen på heilt klar is!

Ok, den går igjennom.

Turdag!

Turdag på skule, sfo eller barnehage er alltid ein grunn til å vere ekstra glad om morgonen! "I dag skal vi på tur!" Vi kunne jo alltids ønske oss fleire turar, men har full forståelse for at prioriteringar må bli gjort. No som våren har komt skriver både skule og barnehage at NO kan vi gå litt lengre turar. Om de neste ti dagane kan vi også tenne bål ute!

Utforske livet utendørs!

Da eg leverte lillesøster i dag hang det ein liten sekk på plassen hennes. Oppi den hadde de i går pakka nokre vedkubber og ein pose med serviettar. Lillesøster viste meg at i den eine lomma låg det også ein skikkelig spikkekniv. "Den skal vi spikke med" Gøy!! Digger tøffe barnehageansatte som utstyrer ungane med sekk med tyngde, ei kjensle av å bidra til fellesskapet og ikkje minst ein skikkelig skarp kniv med tilhøyrande sjølvkjensle og ei opplevelse av mestring!

Bursdagsfest for 8-åringen

Phhuuu, for eit maraton det er med bursdagsfestavvikling! Men både jubilanten og gjestane var SUPERHAPPY, så da er vi det vi voksne også!

Meir og meir opplever vi den faktiske hjelpa det er å ha litt større barn i hus. Etter ein tur på butikken for å kjøpe det vi trengte til snopeposar på laurdag ordna storebror og asssistentlillesøster biffen medan eg bakte sjokoladekake. Eg måtte hjelpe å opne nokre av posane,ellers vart alt gjort utan at eg måtte gjøre eller seie noko. Det er ein halv time spart for meg - så heilt supert! Knallgod mattetrening er det også!

Storebror tok bilete av de ferdige posane! Stolt av godt utført arbeid!

Natt til søndag kom eg på at storbror skulle (ville) ha med seg noko til klassen på første skuledag etter ferien der han har hatt bursdag. Ved frukosten foreslo han muffins, så da fant vi fram ei oppskrift som inneholdt det vi hadde av ingredienser i hus. Så da vart det baking saman med morgonkaffien.

Medan eg bakte pynta storebror og mannen tårnene som skulle vere på bursdagskaka. Her hadde vi kjøpt rullekake på butikken. Første gong eg lagde ei slik "slott"kake bygde eg eigne tårn ved å lime saman utstikka langpannekake i høgden ved hjelp av glasur. Det er vel unødvendig å seie kor mykje styr og gris det var! SÅ rullekake er nice - det har eg brukt fleire gongar. På toppen er det ein iskjeks som er snudd på hovudet og pressa litt ned i kaka slik at den held seg på plass. Glasuren er melisglasur (stivpiska eggekvite, litt sitron og melis) med blå Wilson konditorfarge.

Oppskrifta vi bruke til skulemuffins var oppskrift på "Pattycakes" som ifølge kokeboka vi brukte er ein av de første cupkaksene som vart laga på New Zealand i 1960-åra. Det var masse mjøl i røra, og de heva kjempemasse! Akkurat det var fint sidan vi ikkje skulle ha noko topping på de. Vi fikk to ekstra som vi smakte på - og det smakte som sukkerbrød. Desse har storebror med seg på skulen i dag!

Lillesøster er klar for fest med fin flette!

Etter lunch pakka vi to store kasser i bilen, to unger, eit brett med porsjonsgele i små glass og ei kake som vi måtte køyre forsiktig med bort til lokalet vi hadde lånt for dagen. Dette er første gongen vi ikkje har barneselskap heime. I lokalet vi hadde lånt var det kjøkken, spiserom, diskotek og eit eige rom med spel og leikar. Heilt perfekt!

8 lys og fyrverkeri!

I alt 17 barn var med på festen, så det var masse lyd og god stemning de to timane selskapet varte! Vi køyrte middag (pizza og pølser), stolleiken (ein eviglang leik med så mange unger!), kake, gele og is med sjokoladesaus og strøssel, pakkeleik også utdeling av snopeposer rett før gjestane vart henta. Takket vere diskoteket og spelrommet hadde alle noko å gjøre og nokon å vere med heile tida! Mange kjekke unger, vi kosa oss skikkelig alle saman!

Festdag!

I dag er det stor festdag med masse unger, snop og stas! Storebror har invitert mange, så vi har lånt oss eit lokale for dagen. Da slepper vi rotet heime, så dette blir bra! På menyen står det pøler i brød og grandis, også gele, kake og snop sjølvsagt. Eg er sikker på at timane susar avstad. Og eg veit at restemat i sofaen i kveld blir knall! Bileter kjem seinare :)

Storebror og onkel

10 år sidan jorda rundt!

2.juledag 2005 stod eg tidleg opp og kom meg på første av i alt nesten 30 flyturar som de neste månadane skulle ta meg og mannen (da kjærast og sambuar) jorda rundt!

I høve det store 10-årsjubileumet har vi prøvd å lese om turen vår kvar dag. Det var jo ei uoverkommeleg oppgåve i utgangspunktet, i alle fall sidan vi ville lese rett dag på rett dag. Vi skreiv reisedagbok kvar dag på turen! DET er vi glade for! Vi var usikre på om vi hugsa alt, men no skulle det altså komme for ein dag!

Vi shoppa veldig lite, meiner vi å hugse, men når vi las boka såg vi at det var litt meir shopping enn vi trudde. Vi kjøpte klær fleire gongar. Det hang jo saman med at vi kun hadde kvar vår sekk, så vi hadde lite klær med i utgangspunktet, samt at vi reiste mellom ulike klima, så vi trengte ulike ting. Eg trur ikkje vi har nokon av klæra vi kjøpte da lenger, men vi har andre ting, som denne Cusco-baggen som Puste ligger i. Den brukte eg sist i januar da eg var på overnattingstur med jobben. Finfin!

Reiseruta var følgande land: Kina, Thailand, Malaysia, Australia, USA, Peru, Chile, Argentina, Uruguay, Brasil også USA igjen. I fleire av landa var vi over fleire dagar og reiste mellom ulike stader. Mest med buss, men også med tog (Kina) og båt (mellom Argentinga og Uruguay).

Vi kom heim igjen i dag, 2.april. Vi reiste 1.april frå New York. Da vi kom heim hadde vi ingen stad å bu og ingen jobb. Men det gjekk jo fint det, vi fann oss fort ei leilighet, mannen fikk fort jobb, og eg fikk jobb på hausten. Ti år seinare har vi fast jobb begge to :) Og hus. Og unger. Puste hadde vi alt når vi reiste, ho var hos besta medan vi var vekke.

Skal eg seie noko om turen? Neeeiiii. Det er for mykje å seie.Og vi hadde gløymt noko, begge to. Men ikkje mykje!

Unntaksveke

Med vinterferie og bursdagsbarn blir dette ei unntaksveke! Med dessert kvar dag. Vi bytta ut leksene med dessert denne veka. I forgårs hadde vi middagsbesøk med tilhørande dessert. I går hadde vi middagsbesøk med tilhøyrande dessert. På laurdag har vi middagsbesøk med tilhøyrande dessert (det gå ikkje ann å skippe desserten altså!). På søndag er det barnebursdag TJOHOO! Og jammen meg har vi invitert til middagsbesøk på måndag også. Med tilhøyrande restepartydessert.

Ready to be filled up?

Det går ein sånn "Null sukker i april"-ting på nettet no. Neeeii, den er eg IKKJE med på!