Jeg velger meg (begynnelsen av) april

Siden vi har hatt påskeferie lager eg to aprilbrev!

Lillesøster saknad venane sine og laga brev til seks av de som vi la i postkassene eller sendte avgårde over lengre avstand. Nabojenta kom med mange brev fram og tilbake og i mange dagar var det spanande å gå i postkassa og finne brev!

Toulouse synas det er stas med folk i hus heile dagen og har blitt ein skikkelig kosepus!

April er fin med alle årstider på ein dag. Fleire dagar vokna vi til snø! Vi har aka, surfa på snø og kasta snøballer. Og smurt oss med solkrem og svetta i solveggen.

I Mat og helse laga 6.klassingen påskemarsipan siste dag før påskeferien! Det var snadder!

 Vi avbestilte Spaniaferien vår nokon veker før påska, men det var litt rart å være heime de første dagane og vite at vi eigentlig skulle ha vore på tur. Vi utforska nye lokale turer for å ikkje trakke rundt saman med resten av Bergen. Her er vi på Algrøy i Øygarden kommune der vi gjekk opp på øyas høgste punkt, Idlefjell med sine heile 78 høgdemeter!

På tilbakevegen gjekk vi ein litt anna veg og besøkte Trollskogen.

Palmesøndag tok vi turen ut etter lunch og hadde med oss grillmat til bål og hengekøyer i sekken. Vi køyrte til Askøy og gjekk ut til Skotnes der vi campa oppå ei fjellhylle.

Heime frå dagscamp hadde det komt eit enormt påskeegg på døra frå svigers! Så kjekt!

Påskekrimen i år vart denne av Unni Lindell og Furet/værbitt av Anne Holt. Også denne dagen: siste tekopp med te frå Savannah. No har vi snart spist opp alt vi hadde med oss derfrå (vi har spara).

Skjærtorsdag gjekk turen nok ein gong utav kommunen på dagstur. Denne gongen opp på Liatårnet som er det høgaste fjellet på Sotra, 341 moh. Vi gjekk over til Pyttane der vi kunne spise lunch på ein heilt vindstille plass. Vi snakka med nokre damer som tipsa oss om ein veg vidare slik at turen vart ein rundtur i stadenfor opp og ned. Vi vandra videre og fikk oss virkelig ein lang og utruleg flott tur!

Her er vi tilbake like ved vegen opp mot Fjell festning. Her er Liatårnet til høgre og Pyttane til venstre.

På langfredag var det strålande sol! Vi gjekk opp på Gravdalsfjellet (351 moh) via Viggohytten. Vi gjekk tilbake til Viggohytten der vi møtte kjentsfolk som vi luncha to meter unna. Rart og dumt, men fint å snakke saman!

På veg ned frå Viggohytten plukka vi med oss nokre greiner så vi kunne pynte.

Eg laga Linda Stuhaug si sitronkake som vi kunne kose oss med i påskedagane.

Påskeaften gjekk eg aleinetur til Gullaksdalen i øs og pøs regnvær.

1.påskedag gjekk vi opp til Dronninga (190 moh) på Askøy. På toppen var det ein veldig flott gapahuk med bøker frå biblioteket og masse perlekunst! Det satt folk der som delte kaffe med oss; og vi hadde ei skikkelig fin pause - to meter unna kvarandre. Eg fant meg ei bok som eg kunne ta med meg heim.

2.påskedag køyrte vi til Hordnesskogen der vi gjekk blå løype på over 8 km. Vi gjekk nedom Furevika der vi fikk skikkelig sommarvibbar med sol og strand! Vi åt lunch og plukka med oss nokre fine skjell før vi gjekk vidare.

I skogen pukka eg med meg nokre hestehov som eg ikkje ser så masse av på vår side av byn. Med mange kilometer i beina var påska over for i år. Den vart heilt annleis enn vi hadde planlagt, men den var absolutt god!

Ein heilt uvanleg mars måned

Før vi kunne vite noko om korleis månaden kom til å slutte, var vi på Sjøfartsmuseet ein søndag. Der var vi mange gonger då ungane var små - og eg trur ikkje det var så mykje forandra til no! Men vi hadde god tid til å lese på alt som var der denne gongen!

5.mars begynte rivinga av kjøkkenet og vi flytta bord og mikrobølgeovn inn i stua for å ha eit midlertidig kjøkken der medan det nye kjøkkenet vart bygd. Vasken frå kjøkkenet vart omdisponert til vaskeromvask og der vart all oppvask tatt frå 5.mars og ut månaden.

Eg kledde meg ut som ein talentspeider frå 1930-tals New York ein dag og prøvde meg på live rollespel i 6 timar. Så gøy!

Koronatiltakene kom for fullt og vi bytta ut de vanlege turløypene våre med andre løyper der vi kanskje ikkje kom til å treffe for mange andre. Her gjekk vi Småvannet rundt - med kjeks- og suppepåprimuslunch!

Oooooog - heimekontor og heimeskule frå 13.mars.

Ut på tur så og seie kvar dag. Denne kjekkasen møtte eg og mannen på ein luftetur. Ungane er ute som del av skuledagen, men heimekontor har lite med luftepauser.

Eg varierer sitteplass og avsluttar arbeidsdagane i godstolen med utsikt mot himmel som innimellom er blå og ropar at NO MÅ DU KOMME UT!

Etter at lillesøster fikk ein heil liten kvist plassert godt inni kinnet i slutten av februar, foreslo eg at vi skulle gå på hevntokt og hugge ned treet som plasserte kvisten der. Så no i mars gjekk vi turen til Turnerhytten på nytt med innelagt hugge- og kastepåvatnetaktivitet. Det var godt å få gjort! No kan ikkje treet skade andre som går på tur! Det var mange som gjekk forbi oss da vi hugga, men det var ingen som spurte kvifor vi gjorde det - det var rart!

Det vart så varmt i sola i mars at vi fleire gongar har fått sitte ute og blitt varme og litt raude i kinna! Her er det te frå Savannah i kopp frå New York saman med vemodige tankar om reiser vi ein gong kunne ta. Det er som om reiserestriksjonane har auka verdien av tidlegare reiser.

Vi gjekk på nok ein "upopulær" tur - her på tur til Ørnafjellet med avslutning oppom Lyderhorn og i sikksakk mellom alle menneskene på veg ned.

Eg vart etterkvart litt lei av kjøkkenbod og godstol, og har no ein midlertidig kontorplass på eit gammalt campingbord i stua. Der har eg ekstra skjerm som står oppå tre tjukke bøker. Moglegheitane for ergonomisk tilpassa arbeidsplass er ikkje heilt på topp i heimen, men dette er bra nok i kombinasjon med kjøkkenbord og godstol.

Finfin vær på ein laurdag og vi baksa oss veg gjennom skogen for å sette camp. Vi kokte kaffe og kakao på primus og steikte nokre pannekaker før den iskalde vinden fikk oss til å pakke ned og komme oss heim. Også denne turen var vi stort sett heilt isolerte - vi begynner å få teken på å holde oss unna folk!

21.mars flytta vi inn på kjøkkenet igjen. Men ut månaden venta vi på kjøkkenbenk, platetopp, vask og dør. Likevel var det fint å få (noko av) kjøkkenet tilbake igjen! Tulipanbukett på døra frå sjefen. Hold motet oppe!

Med noko ekstra fritid var det fristande med eit stort puslespel! Dette var det mannen og lillesøster hovedsakleg som jobba med.

Vi sykla ein lang tur med McDonals og McFlurry som mellomstopp. Også var mars over, midt i isolert kvardag med halvferdig kjøkken!

Ny dagleg spasertur

Når bussen stopper eit lite stykke unna arbeidsplassen er det høve til ein liten spasertur - to gongar kvar dag til og frå. Byen er ganske så ulik kl.06:45 og 14:30! Og når vi bytta kontorlokaler for eit halvt år sidan vart også spaserturen forandra.

Kontor rett bak Bryggen er heilt i orden! Det var fint å vandre her kvar dag. Om morgonen var det veldig stille, men enorme mengdar søppel! I begynnelsen tok eg alltid opp noko og kasta det, men det slutta eg med da det eskalerte til å ta ein del tid. Det som eg trur er nattevakten på Galleriet går rundt bygget og plukker opp søppel der kvar morgon kl.06:45. Det trengst!

På varme dagar luncha vi her - med utsikt mot takene på Bryggen. På veg til jobb gjekk eg forbi eit bakeri der det ofte lukta heilt himmelsk av nybakt! Det saknar eg litt.

Fine hus og breie fortau også like bak trebebyggelsen. Og i turistsesongen så mange folk at eg måtte rekne ekstra tid til bussen; sild i tønne altså!

Utsikta frå kontoret var derimot den verste eg har hatt - rett og slett ikke-eksisterande og rett inn i murveggen på andre sida av bygget.

Da vart det betre i de nye kontorlokalene på andre sida av byen. Framleis ikkje bra, men i alle fall himmel, lys, mennesker og litt avstand til andre hus.

Også dette da! Så langt har vi kun vore i de nye lokalene i vinterhalvåret. Innimellom har månen hengt stor og tung rett over Den Nasjonale Scene - som på dette biletet. Det enslige lyset mellom gatelyktene er altså månen; det var heilt magisk!

Blå himmel og lav vintersol på Ole Bull. Denne vegen gjennom kulturaksen er så og seie heilt rein for søppel. Det er fint!

Kvar morgon vandrar eg igjennom teaterparken; det er favorittdelen av spaserturen.

Vinterlys, reine fortau (Hotel Norge har ein ansatt som spyler fortauet kvar morgon ca kl.06:45) og roleg morgonstemning i byen.

Den Nasjonale Scene forsøpler arkitekturen sin med store plakater og støyende film. Ikkje noko eg trenger å plukke opp da. Alt i alt liker eg nok denne turen best, men det er mest fordi den er rein og kortare enn den andre. Snart skal eg ikkje lenger gå her kvar dag sidan eg har planar om alternativ transport. Vi får sjå!

Rask februar

Tidlegare har eg synas at februar kun er ei forlenging av januar. Det vart ikkje slik i år og da var jo februar rask - til tross for at det er skotår. Februar starta med det januar slutta med - sjukdom. Kombinert med oppkommande morsdag fikk eg nydlege roser av ungane 1.februar.

Omsider var det ein helgedag med opplett og nokre minusgrader. Vi benytta høve til å avise frysaren (det er greit å kunne legge ut frysevarene). Lillesøster får leika seg litt med "snøen" som vart skrapa ut. Det har ikkje vore så mykje snø denne vinteren så vi tar det vi får! Dagen vart også nytt med nokon minutter i solveggen - mmmm!

Heimekontordag medan eg venta på feiaren. Akkurat denne dagen var det snø, så han gjekk ikkje oppå taket. Vi har ikkje fyrt i peisen sidan 2010, så det er sikkert i orden.

På veg heim frå jobb ein dag sto det ei hyggleg dame utanfor Dromedar og delte ut gratis kakao! Er det mulig å vere så heldig!!

Eg og lillesøster var på premieren av "Ulverock" på Fyllingsdalen Teater.

Spasertur gjennom Nygårdsparken på veg til møte. Lav vintersol, frost og fine omgivelser.

Vegen mot Danmarksplass kan også være fin. Her letna morgontåka og sola ligger litt over Ulriken.

Vinteren har vore prega av mykje regn og enda meir vind. Det har vore vanskelig å trene som vanleg når det er hagl og stiv kuling nesten kvar dag. Her er frå tur i Gullaksdalen da ein heilt fersk rotvelt viste seg.

Vindtur på Lyderhorn. Vi gjekk ein ny veg ned igjen, denne gongen mot Loddefjord.

Søndagstur til Viggohytten. Det var meldt sol, men idet vi begynte å gå kom det masse snø! Før vi var komt opp låg det eit fint snølag overalt og sola kom fram. Det vart faktisk så varmt at eg måtte ta av buffen rundt halsen! Det er ikkje mykje, men det er da noko!

Lillesøster var uheldig og sklei på ei glatt rot som ho ikkje såg under snøen. Store delar av søndagen vart brukt på legevakten for å grave ut ein heilt kvist som satt i kinnet hennes. Vinterferieveka vart derfor litt prega av antibiotika og sårbehandling. Heldigvis var humøret på topp, og ho er virkelig den tøffaste 9-åringen vi veit om!

Eg kunne markere avslutning på eit stort prosjekt med ein grønngrønn smoothie frå Fruktbar! Nam!

Vi hadde tre separate kjøkkenplanleggingsmøter a' 90 minutter på IKEA i februar. Alle gode ting er tre, så på det siste bestilte møtet seint i februar betalte vi den omsider ferdige bestillingslista! No er det berre å vente på montering!

Eg hadde to avspaseringsdagar i slutten av vinterferien og tenk at det vart snø! Toulouse har litt blanda kjensler. Vi på to bein var berre glade!

På skotårsdagen gjekk vi på ski like ved huset vårt. Vi har ikkje kjøpt skifestingsutstyr til Leafen, så vi da måtte nært nok til gå vere bra nok. Det var det også.