Hektiske førferiedagar

Juni, til dels mai og i alle fall desember er hektiske månader. Sist veke forsvann i ei sky av aktiviteter, turar og varmt vær. Vi såg oss nødt til å kjøpe basseng - no har det vore varmt så lenge, og det er ikkje alle dagar vi kan reise på stranda. Her bak huset skal de straks komme ein veranda - det gled vi oss til! I mellomtida er det poolarea.

Denne blå og slitte trappa skal vekk. Her har vi vore masse!

Sist veke starta med to dagar på vakre Solstrand. Det er femte gongen eg har vore der, og eg trur det blir vakrare og vakrare for kvar gong!

Nydelig hotellrom, som alltid, fantastisk mat, bading og faglig påfyll (overdose :))

Her satt vi og drakk spruddlings etter hektiske timar i konferanserommet.

God morgon Solstrand! Det var så varmt at eg knapt nok sov heile natta, men å åpne augene til denne utsikta er jo heilt herleg!! Etter endt dag 2 køyrte eg direkte til Flesland for å fly over til hovedstaden.

Utsikt mot Haakonsvern.

Der hadde eg fått eit mindre fancy rom, men med aircondition!! Hurra! Eg rakk å skifte før vi spaserte til Grand Cafe for fireretters i vinkjelleren. Menyen var så fancy at eg smakte to ting eg aldri har smakt før - gøy!

Etter masse mat og drikke var det godt å dukke opp i frisk luft og sjå stortinget varme seg i kveldssola. Neste dag var også full av program, så vi lot by vere by og tusla tilbake på hotellet. DA var det godt å sovne da! Neste ettermiddag gjekk turen heim igjen. Det var absolutt ikkje feil det heller!

Toulouse har likt bassenget, både som drikkeskål og luftmadrass. Medan to av fire var på speiderleir i helga hang de to andre rundt heime med kvilepuls og egeninitierte aktiviteter. Vi tømte bassenget, vaska og tørka det før vi no har lagt det vekk. Supervarmen er vekke for denne gong, og om ikkje lenge kjem det jobbefolk og bygger veranda.

Denne veka inneheld ikkje at eg er vekke i tre dagar, men det er avslutninger, oppussingsstart og bursdagsfest for lillesøster på programmet. I dag har vi hatt eit vaskebyrå heime og på torsdag får vi levert mat. Litt luksus og masse "kjøpe-seg-tid". I finværsperioden har vi ikkje vaska huset, kun kosta litt, så det var på tide å få det gjort! I helga har vi fleire planer med venner i og utanfor kommunen, og det blir fint. Med reint hus og fult kjøleskap! :) Tenk at vi gjør alt dette i desember også! I tillegg til å pakke inn gåver og lage julekaker! Alt neste veke er det litt rolegare, og til og med siste skuleveke for i år! Da er ikkje sommarferien langt unna!