Sommerhusliv

Etter dagar ved Legoland camping der vi delte toalett med haugevis med andre var det GODT å komme fram til Flovt der vi skulle ha ei heil veke i sommarhus!

Det er jo så flatt! Vestlending som eg er kan eg jo ikkje anna enn å bli imponert og fasinert over kor flatt landskapet kan vere! Berre det å ha flat hage er veldig eksotisk og annleis!

Sommarhuset var perfekt! Eg ser at eg ikkje har så mange interessante bileter frå inni huset, men det var nesten 100 m2, hadde tre soverom, to bad og badestue, samt kjøkken og stue. Platning og stor hage med litt leikeplass. Ekte, mjuk strandsand i sandkassa er herleg! I uteboda var det masse hageleikar som vi benytta oss av. Særleg flaug vi drage masse!

Sommarhuset låg i enden av eit stort hyttefelt med folk i alle hyttene. Lillesøster vart fot venn med jenta i nabohuset som var frå Oslo.

Det var også foosball-bord - eit skikkelig stort eitt - i hytta. Vi var stort sett ute, men rakk nokre kampar på denne. På det eine badet var det dobbeltboblebad - det var fantastisk! Ungane bada der fleire kvelder, og eg hadde meg nokre kveldsbad der eg også; med vin og bok! Mmmm - ferie!

Kvar kveld fikk vi flott solnedgang bak denne ruskehekken som på dagen fungerte som vindfangar (heilt til vinden snudde).

Krokket er gøy, og sidan vi bur i ein bakke, er det noko vi aldri får spele. Heldigvis var dette noko som var i boda; så vi hadde fleire runder med det. Lillesøster er kjempeflink!

Dagane gjekk med til leiking, aleine, saman, med eller utan voksne. Eg og mannen las masse. Vi gjekk på stranda og bada litt, samla stein, spaserte rundt. Vi lagde oss god mat kvar dag; de hadde gode grillar der, så to gongar grilla vi middag. Det er så fint å ha eige kjøkken; da kan vi lage mat vi likar! Vi åt fisk fire av sju dagar; og det trur eg ikkje hadde vore tilfellet om vi hadde spist på resturant heile veka.

Også er det så kjekt med litt anna mat! Som desse lubne sukkerertene, som kanskje ikkje var sukkererter, men det var i alle fall det vi kalla de.

Å fly med drage er knallgøy, og ekstra kjekt når ein klarer å få den høgt, høgt opp!

Utvalget på grillmat var så annleis enn her i Noreg, og så mykje godt! Berre det å drikke noko frå kvar vår boks er jo stas! Alt er stas på ferie - haha! :)

Vi hadde med telt til ungane, som de leika med nokre dagar. "Aahhh, dette er ferielivet!" sa storebror!

Siste dagen i huset feira lillesøster 5 år! Vi markerte det med skattejakt, gåver, kjøpekake med flagg og lys, og middag etter bursdagsbarnet sitt ønske: grilla pølser og mais.

I Tyskland kjøpte vi champis; dvs Hello Kitty-saft på fin flaske. Betre bursdagsmiddag finnas ikkje!

Vi var like ved Flovt strand. Det var litt kaldt i vatnet, eg bada kun ein gong; men lillesøster er litt tøffare og bada to dagar. Her er dagen før vi reiste nordover. Det var litt kjølig, og masse bølger; så vi holdt oss i vannskorpa. Ikkje det at det er kjedelig! Vi digger å bli erta av bølgene, og erte tilbake :)

I alt var det ei roleg og nydleg veke! Masse søvn, god mat, trening, tid med familien og lange samtaler. Ingenting stort og fancy - berre heilt perfekt!

Legoland

Åh, kor vi hadde gleda oss til å besøke Legoland! Dette er ein park som eg alltid har høyrt om, men som eg aldri har vore i - så det var minst like stort for meg å komme dit som for ungane! Vi budde like ved, så vi spaserte bort saman med haugevis med andre - ei god stund før parken opna.

Det var iskald kuling, men det var glimt av sol som varma - perfekt parkvær! Vel inne tok vi først eit tog slik vi hadde blitt anbefalt. Slik skulle vi får oversikt over parken. Men det slo oss at den var så liten - her kunne det nesten bli eit problem å fylle to dagar!

Denne altså! 

Vi gjekk rett i køa på Spøkelseshuset som var nyhet i fjor. Her stod vi i kø i 20 minutter - og det var det lengste vi stod i kø begge dagane; så vi var kjempeheldige! Vi var der kanskje litt tidleg, og etterkvart som dagen gjekk vart været verre og verre - og parken tommare og tommare. Vi holdt sjølvsagt ut, high på karusellar og berg-og-dalbaner som vi var!

Iskalde som vi var blitt etter lunch (vi hadde ikkje pakka med oss varme klær) gjekk vi inn i Atlantis; her er det eit fint akvarium som hadde både tak og varme. Oh glede! Vi gjekk seint her inne for å få i oss varmen! De hadde ein veldig kul haitunell med nokre enorme haiar - eg kunne ha stått der kjempelenge om ikkje enkelte vart litt utolmodige etter å komme seg vidare :)

Men så plutseleg fikk vi tak i eit godt kart over parken, og da opna det seg ein heilt ny verden! Det vi hadde sett med toget var berre ein liten del! Vidare hadde de Piratland, Polarland, Knights Kingdom og Adventureland! Hjelpes! Folk gjekk heim, vi susa rundt på nesten alt som var av turar igjen og igjen heilt til parken stengte kl.20!

Dagen etterpå var det regn saman med den kalde vinden, og vi måtte faktisk jobbe for å få med oss legofrelste storebror; han hadde ikkje lyst å fryse ein dag til! Heldigvis vart det litt betre utover dagen, men det var tydleg at det ikkje var heilt toppdag sidan parken hadde stengt fleire av serveringsstadene sine, og badelandet! Storebror tok den berømte køyreskulen på dag to, og vi fikk sjå forestillinga i Knights Kingdom - som fikk oss til å brøle av latter fleire gongar! Fantastisk!

Prins og prinsesse! Ein kan ikkje treffe betre!

Det var nokre ting lillesøster var for lav til å ta. Ho er 120, medan storebror er 130 - så han fikk ta alt! På dag to delte vi oss ein del slik at han fikk ta den han ville, og ho fikk velge turar som ho ville ta igjen. Eg og ho tok Temple Games sikkert 10 gongar, det samme med Dragen og Canoe! Vi stod i kø mellom 1 og 5 minutter, så vi rakk å gjøre masse så mange gonger vi ville! Den absolutt kulaste berg og dalbana er Polar X-plorer! Eg tok den ein gong med storebror, og den var kanonbra! Vi er generelt glade i slike turar alle saman; så de må tru vi hadde det som plommen i egget!

De siste timane på dag to vart været litt betre. Vi gjekk tilbake til den "gamle" delen av Legoland. Ungane tok nokre av de rolegare turane aleine. Båttur og biltur. De prøvde også alle tingene i Duploland. Her var storebror nummeret frå å vere for stor, men det gjekk fint :) På dette tidspunktet var det nesten ingen igjen, i alle fall ikkje i denne delen av parken!

Vi hadde to flotte dagar i Legoland, og er så imponerte over alt de har bygd i lego! Samtidig trur eg at dette var fint, og at vi ikkje trenger å reise tilbake hit i den nærmaste framtid. Det er i alle fall lurt å vente til ungane er over 120; da kan ein vere med på det meste. To dager er fint, og nok. Vi var heldige med små køer; eg har sett venner på facebook som stod i kø i 45 minutter på enkelte ting. Det er det ingenting som er verdt spør du meg! :) Storebror var trist heile vegen tilbake til campingen etter dag to, for no skulle han aldri meir vere i Legoland. Puff så var været gløymt, og vi hugser berre kor gøy vi hadde det - og kor mykje vi lo!

Bryllup

Laurdag 8.8.15 var vi så heldige at vi var invitert i bryllup til ein av mannen sine barneskuleklassevenninner. Kortet lagde eg alt i vår da invitasjonen kom, så det hadde stått på utstilling i fleire månader før dagen kom :)

Invitasjonen frå brudeparet var så flott med bileter av de to, monogram og ordtak.

Eg kjenner de ikkje som det mest romantiske paret; meir kvardag og bleier og hei kor det går! Så eg valgte eit ikkje så veldig romantisk dikt som eg skreiv i kortet til de.

Kjolen kom frå zalando, spesielt innkjøpt for bryllupet! Blå, tunge øyredobbar, og svarte sko og veske.

Vigsla var i Johanneskirken som står høgt over byen på Sydneshaugen med flott utsikt mot Fløyen på andre sida av bykjerna. Her hadde vi ikkje vore sidan vi fikk informasjon om vårt eige bryllup for over 6 år sidan. Vi gifta oss i Mariakirken, som det første av i alt tre brudepar den dagen.

Brudeparet på laurdag var nummer 3 eller 4 i denne kyrkja akkurat den dagen, så da vi kom fram satt vi ute og såg på det forige paret som kom nygifta ut til stor applaus! Artig!

Sidan vigsla var så seint hadde de alt vore på fotografering, så de kom inn saman - det var veldig fint! Det var ein kort og fin sermoni, og på veg ut av kyrkja fikk de følgje av de to døtrene sine som var så fint pynta opp i kvite kjolar med med eigne så brudebukettar. Ooooog DER begynte vi å grine heile gjengen! Unger altså, snufs!

Bruda var nydleg som seg hør og bør! Og kven viste vel at de var romatiske - begge to - men kvardagen har vist ikkje latt de skinne igjennom så masse ;)

Kyss utanfor Johanneskirken :)

De var så heldige med været! Det var knallsol og varmt; så etterpå var det berre å spasere over Puddefjordsbrua og til Urdihuset der selskapet skulle finne stad.

Tre retter stod for tur; sjøkrepssuppe (den beste suppa ever!), kalv og panna cotta. Masse deilig vin, mange fine taler,(brudgommen starta sin tale med "Eg elsker deg", også var det eit heilt minutt pause der vi berre grein og grein - huff, det skal ikkje så masse til på slike dager!) og ein artig visevert! Heilt supert! Vi var også heldige med de vi satt på bord med, så kjekt å ha tid til å prate skikkelig med folk! Her må eg nesten sitere storebror da ei tante av mannen spurte om de som har kjøpt andre delen av tomannsboligen vår var hygglege folk. "Hæ? Kva er det for eit spørsmål? Alle folk er jo hygglege!" Og ja - det er de :)

Etter ei kort pause var det kaker og kaffe med noko attåt. Live musikk, bryllupsvals, enda meir drikke, stjernetur i varm kveldsluft, enda fleire å helse på, pøler i brød til nattmat, dansing - litt sprell frå viseverten - også var kvelden over. Eg var litt hangover heilt til tysdag - men det var det jo verdt ;)

Monsterpannekaker

Oppskrifta på monsterpannekaker fann eg på denne bloggen.

Desse blir nok laga igjen! De er enkle å hive ihop - ingredienser rett i blenderen og surr til røra er rørt!

Steik lubne, amerikanske pannekaker på middels varme. Mmmmmm!

Alle fire like de kjempegodt; i alle fall tre av oss. Lillesøster har eit eller anna mot flat mat. Men det betyr berre meir på oss andre! Vi fikk 7 pannekaker utav røra, og vi var mette resten av kvelden! Kjempegode med ost på! Anbefalast!

Boksommaren 2015

I sommar har eg lest tre tjukke og veldig forskjellige bøker! Eg starta med Elena Ferrante sin "Mi briljante venninne" som eg fikk til bursdagen min av - ja - ei briljant venninne. De første 100 sidene likte eg veldig godt, så vart eg litt lei av livet som vart skildra - som berre gjekk i det samme i fleire hundre sider. No trur eg at det er eit litterært grep; og eit som fungerer, men eg berre - not for me.

Tom Egeland har eg ikkje lest før, men gleda meg veldig til å lese "Paktens voktere". Egeland er samalikna med Dan Brown som på sitt beste er genial i spelet med lesaren. Eg synas ikkje Egeland rakk heilt opp, ein del av språket hans - og måten han prøver å få inn det objektive blikket på - vart litt klønete. Men historia er fantastisk spanande; og satte i gang mange tankar! Slik sett likna den litt på Brown sin "Inferno" som også sparka i gong nye refleksjonar.

Eg avslutta det heile med ekte kinesisk tragedie. Torbjørn Færøvik har skrevet eit mesterverk av ei skildring av "Maos rike. En lidelsehistorie" - rystande og tankevekkande! Denne må ein ha overskot til å lese. Ikkje fordi den var tung i språket, men fordi innholdet er så tøft at ein må vere på "oppsida" for å klare å komme seg igjennom det.

For rundt ti år sidan las eg Jung Chand si "Mao. Den ukjente historien" som tar for seg heile Mao sitt liv, inkludert den store marsjen. Færøyvik si bok omhandlar det som skjedde frå Mao tok over makta i 1949. Eg er litt meir enn gjennomsnittleg interessert i Kina og leser masse som er skrive av kinesiske forfattarar. Mao er enormt interessant, og den einste personen eg har lest to biografiar om. Verdt å lese! Naudsynt å lese!

Blåbærtur

I går var det varmt og fint vær, og på veg heim frå jobb tenkte eg at eg ville bytte ut den planlagde joggeturen med tur på fjellet med mann og barn. Storebror hadde knapt satt seg i bilen da eg henta han på sfo da han spurte om vi kunne ta oss ein sykkeltur på ettermiddagen. Vi vart enige om å spørre mannen og lillesøster - og da kom mannen opp med forslag nummer tre som alle var med på: Blåbærtur!

Utsikt mot Lyderhorn

Storebror sykla, lillesøster sparka på sparkesykkelen sin, eg jogga og mannen bar alt som vi skulle plukke i; og vi kom oss til skogs!

Ingen hjultransport på skogsvegar

Det var kjempemasse blåbær! Storebror plukka mest i munnen, men vi andre plukka i boksar. Vi fikk nesten tre liter med oss heim! Vel tilbake etter endt tur rensa mannen bæra medan eg tok meg ein halvtime yoga med fokus på bein og bak = støl i dag. Tungt og herleg! Å springe etter storebror på sykkel fikk i alle fall opp pulsen min ganske så bra i går, så eg er happy med både treningsutbyttet, bærutbyttet og val av ettermiddagsaktivitet!

I dag har vi med oss venner heim frå både barnehage og sfo - det er alltd kjekt med masse ungar rundt bordet!

Blåbærhender!

Årets ripshausting

Dette er 6.sesongen vi haustar ripsbær frå hagen. Etter at vi kjøpte huset vinteren 2009/2010 har vi tynna ut av de 10-12 ripsbuskene som var der; så det har vore ønskeleg å ha litt mindre rips å plukke. Men i år vart det litt for lite!

Det har nok samanheng med kaldt vær, og lite sol som gjør at ripsen har modnast på ulike tider. Det er masse fuglar som setter seg inni buskene og spise - noko vi synas er ok sidan vi tidlegare har hatt problemer med å bruke opp alt. Men no har de spist det som har vore modent jamnt over sidan juni, og da er det ikkje mykje igjen. Først på fredag sist veke synas vi det var så pass mykje ok raudt på buskene at vi ville plukke. Vanlegvis plukker vi 10 liter på ein liten halvtime. No stod vi ute alle fire og plukka i 45 minutter, og vi fikk knapt 10 liter tilsaman! Og da var det meste tatt!

Vi kokte ei koke med saft - og thats it! Ingen ripsgele! 4 flakser med dyrbar saft som vi rett og slett må spare godt på og drikke kun når det er høgtider! Vi som vanlegvis er så bortskjemde med saft og gele at vi har delt ut i aust og vest! No har vi ikkje råd til å dele ut til nokon!

Frå godhaustinga 2014