Nok ei runde med barnerom

Vi hadde eii lite løft av barnerommene sist sommar. Lillesøster sitt rom vart malt og ho fikk ei stor seng med skrivebord, oppbevaring og eit lite skap. Senga er virkelig bra, men etter kvart såg vi at den førte til at ho hadde masse venner i senga sidan det ikke var så mykje golvplass. De leika også meir i hallen rett utanfor, noko som er heilt supert at de gjør, men det betyr jo at det ikkje er nok rom på rommet.

Vi kan ikkje utvide rommet utan å utvide huset, så da bestemte vi oss for å rett og slett bytte ut senga igjen. Den var eit finn-kjøp i fjor, og den vart solgt fort når vi la den ut igjen. Vi fant ei enklare seng som vi kunne montere i kortenden av rommet. Vi fant ein liten skrivepult, ein liten kontorstol og ei høg hylle til å ha bak døra på finn. Tilsaman betalte vi 650,- for alt! Finn er supert altså!

Saccosekken er det einaste vi har kjøpt nytt. Også har lillesøster fått nytt rom med meir plass til å leike. "Det er så stor her inne at jeg kan danse! Jeg har fått mitt eget dansegulv" Ikkje sant!? :D

Vinterjogging

I heile sommar, medan det var for varmt til å bevege seg ute, lengta eg etter vinterjogging som eg vart så glad i sist vinter. No som sesongen nok er ganske over er eg litt skuffa. Det var rett og slett ikke snø lenge nok til at det opplevast som ein skikkelig vinterjoggesesong slik som sist.

Men heilt snøfritt var det ikkje, og eg fikk fleire turar på snø og is med piggsko. Ellers har det blitt mange turar i mørket, i svinnande lys og nokon få i litt regn.

Kulden var eigentlig det eg lengta mest etter, og den har vore her litt og gjort treninga herlig og frisk.

Det er virkelig noko heilt eigent med vinterlys og vinterluft. Men fint med vår også!

På agendaen sidan sist

Siden sist har det gått ein heil månad og det er nesten blitt vår! I alle fall er det lyst utover ettermiddagen, og ein dag sist veke da eg begynnte på jobb kl.08:15 - var det nesten litt lyst da eg gjekk av bussen i byn. Nesten.

Lillesøster og eg flotta oss med jentehelg i Oslo i slutten av januar! Saman med gode venner var det fjas, vandring, naturhistorisk museum, reptilpark, Disney on ice og hotell.Kun halvanna døgn, men maks feriefølelse og mange nye opplevelser!

Vi har hatt snø i dagesvis, nesten vekesvis. Vi har gått på ski to gonger, vi har aka kjempemasse og eg har jogga på snø og is. Det er nesten litt lettare enn svart asfalt, i alle fall visuelt når lyset reflekterar seg i snøen som her. Ellers er denne vegen et svart område der det berre er å håpe at ein ikkje trakkar rett i ein dam.

Det har vore hotelliv med fint servise. Her frå Bergen, men også over fjellet.

Vinterens jakt på sol var framleis reell da eg reiste til Oslo på jobbreise seint i januar. Sjølvsagt velger eg sete mot sør! Altså høgre side bort, venstre side heim. Alltid :)

Eg tar alltid bilete av hotellromma eg sover på. Også slettar eg de etter nokon veker. Men dette rommet var så ekstra fint! Også sov eg veldig godt!

Med planleggingsdag fikk lillesøster endelig ein heil dag på jobb. Det har opplevast som litt urettferdig at storebror har vore med oss på jobb medan ho har vore på SFO. No er han stor nok til å ha andre planar, ho har slutta på SFO, og da er det omsider hennes tur! Denne gongen vart dagen avslutta med middag i byn (med denne bybildeutsikta) før eg og ho gjekk på DNS og såg "Folk og røvere i Kardemommeby".

Sola! Rett over haugen på eigendommen vår. Litt inn i stua ein laurdags førmiddag.

Nok eit joggeturbilete! Denne gongen fordi eg hadde tid til å jogge på dagen og slapp refleksvest.

Lav og skarp vintersol på stien vår mellom hus og garasje.

8 km langrennstur på Rolland på Osterøy i strålande solskinn og varme kinn!

Kom-deg-ut-dagen på Fløyen! Ungane fikk med seg kvar sin venn og hadde det som plommen i egget! Eg og mannen flytta oss etter sola og prøvde å ikkje fryse for mykje.

Snikstart på verandaliv! I sola, utan vind, er det varme og velstand! Vi har også innvia den nye verandaen ved kjøkkenet ei helg. Sola forsvinner snart ikke lenger bak svingen. Utemøblar kan godt bli brukte med sausskinnefell og teppe medan vi ventar på varmare vær.

Stearinlys og hygge inne. Gode filmar og sofaliv.

Søndagstur opp på Stoltzekleiven i går. Lunch i le inne blant høge trær og mose. Nysteikte bollar på Fløyen før turen ned til bilen. Årets første fjelltur!

Januar survivalkit

Etter ein god dose med ferie er det ein overgang å begynne med kvardag igjen! Januar kan fort bli lang, også fordi februar kjem like bak og det er liksom ikkje den store forskjellen. Derfor fokuserar eg så masse eg kan på alt som er fint og godt, og gler meg enormt til første vårdag da vi sitter på verandaen med sola i andletet og teppe over føttene fordi det strengt tatt framleis er litt for kaldt.

 Dagane er alt merkbart lengre. Det er nokon minutter i pluss kvar dag. Vi fant ei nettside som viste dagslyset, og der såg vi at i mars er dagen lang nok til at det er lyst når vi kjem på jobb, og framleis lyst utover ettermiddagen og tidleg kveld. Og det er ikkje så lenge til!

 Varm te i fin kopp. Det trenger ikkje alltid å være ei bøtte med te. Av og til er ein kopp som dette midt i blinken!

 Sjølv om eg har lyst å pynte med vårting alt no, ventar eg framleis. Denne lille Hardanger"lappen" fikk eg av ei venninne på 35-årsdagen min. I vasen står tretulipanar frå Amsterdam.

 Stearinlys kvar kveld! Det er så hyggelig! Det var nokon år eg nesten ikkje tente i, men no er det tilbake for fullt! Og sidan vi gler oss sånn til sommarferien snakkar vi masse om tidlegare ferier, som Paris <3

 Sidan eg starta nyåret med sjukdom vart nokon ærend som eg gjør delegert til andre. Mannen kjøpte ny voksduk til kjøkkenbordet etter jul og kom heim med denne som gjør at eg føler at eg er på hytte kvar helg! Det synes eg er så koselig!

 Etter ein refleksjonsrunde over 2018 konkluderte vi med at vi gjekk usedvanleg lite turar. Vi var litt leie byfjellene etter å ha trakka de opp og ned i åresvis, ungane organiserte sin eigen fritid med venner i helgene (og da er det lettare å berre bli heime) og mengden sutring har gått kraftig opp når vi først ein gong skulle ut på tur. Vi tok ungane med på råd ein søndagsmorgon - kvar skal vi gå på tur i dag? Det var lenge uenigheter mellom Lyderhorn og Gullaksdalen før storebror foreslo Fjell Festning. Da gjekk vi dit. Det blåste kraftig på toppen, og vi fikk lov å komme inn for å spise nistematen vår inne i kafeen. Vi kjøpte årets beste sveler før vi på nytt gjekk ut for å flotte oss med lys og luft.

I jakta på dagslys har eg sidan jobbstart gått av bussen på toppen av åsen som er like ved huset vårt. Da går eg gjennom fine, landlege områder - får litt lys og litt luft - også kjem eg heim omtrent samtidig med bussen. Den lille spaserturen før middagslaging gler eg med til kvar dag.

Jul 2018

Heldigvis var denne oppstartveka kort og overkommelig! 2019 er i gang og vi ser tilbake på ein lang og god juleferie!

På lillejulafta gjekk vi ut ein tur for å gå på lysjakt. Vi gjekk på nye stiar i nærmiljøet og leika med isen som så vidt hadde lagt seg.

Tredje juledag bar det ut igjen. Denne gongen i regnvær og med ingen is.

Lille nyttårsafta forlot eg mann og barn for årets siste fjelltur i ro og fred. Nokon hadde pynta tre på veg opp på Lyderhorn. Årets siste solstråler.

Årets siste tur gjekk til Gullaksdalen. Eg hadde håpt på regn og storm, men det var kun overskya, så regnklær og støvlar var heilt unødvendig. Ein liten vassetur vart tøffa gjennom - det var herlig!

Årets nyttårsdessert var enkel - gele og vaniljesaus i vinglass pynta med blåbær og sølvperler.

Tradisjonen tru knuser vi vårt eige pepperkakehus på årets siste dag. Dette året hadde vi laga ein liten landsby med tre hus og eit stearinlys-

Klokka 00:00 skåla vi det nye året inn med fruktbrus i glassene. Storebror var i partyhumør, lillesøster ville ingenting og burde eigentlig ha vore i seng.

Den første dagen i 2019 var det fint vær og litt vind. Vi gjekk vindtur i nærmaste skog og såg fleire rotvelt som nesten-og-kanskje-snart velta, noko som var veldig spanande. Dritsure unger ut døra, superhappy unger etter nokon meter i skogen.

Også denne dagen vart det vassa litt. Det er eigentlig ein fin greie denne sesongen da føttene er så veldig innpakka i varme klær og sko.

No som helga er i gang skal vi pakke ned jula, sove litt ut (igjen), få med oss enda meir dagslys og fylle på med litt sukker igjen. Lillesøster skal på lysdrypping og storebror skal få etterlengta kamerattid etter at nokon var vekkreist i heile juleferien. God helg!

Perlegåve

I år har lillesøster laga eigne julepresanger til nokon av venninnene sine. Vi fant fine idear på nettet, også perla ho juletrepynt.

Få ting er  vel så stas som å lage og gje vekk noko så fint!

To do today: juleferie

Sjeldan har vel ein desember snegla seg saktare fram. Det har nok noko å gjøre med at eg følte at det var desember midtvegs i november. Slik sett har desember vart i nesten 5 veker, og enda har ikkje sjølve jula komt. Det er nok der det kom litt skeivt ut i år.

Det som faktisk har vore desember har vært fullpakka med aktiviteter. Neste år må vi kutte noko vekk - vi trenger virkelig ikkje å gå på alt! To julebord, fire juleavslutninger, der eg var ansvarleg for to, sju førjulsarrangement, derav ein som eg var ansvarleg for, tre konsertar, fire slag julekaker, tre førjulsbesøk, minst femtifire uanmeldte besøk til ungane, jobb, trening, sofarens, nye brannvarslere, førti julekort, gåver til venner og familie, nær og fjern, julefilmar og slenging i sofaen. Det er ein del førjulsarrangementer her eg vil kutte ut, slik at det blir meir tid til siste punkt på lista.

Mot Fløybanens nedre stasjon - som ei lyselv ned bakken

I dag er det siste arbeidsdag før ferie. Det blir markert med kaffe fra Starbucks og ein litt kortare dag. Det er forøvrig på sin plass, for ei treigare arbeidsveke skal ein leite lenge etter.

Dagen ferien begynner er den beste dagen. Og eg skal kickstarte juleferien med å legge meg å sove etter middag. Kun fordi eg kan!