Oktober og barnefri heim nokre dagar av haustferien - og vi utnytta høve til å spise middag på ein restaurant som serverer veldig små, men utruleg gode, rettar, til veldig høge, men heilt sikkert naudsynte, prisar. På veg heim stakk vi innom drive trough for å kjøpe dessert. Eplepaien til Mc'ern er chefs kiss!
Tilfeldigvis snubla eg over billettar til årets festforestilling - og for ein fest! Programmet var så bra - med utelukkande fantastiske artistar som det er ei glede å høyre på! Eit uventa høgdepunkt!
Ute er det haust, og til tross for mangt slags vær, har bladene holdt godt og det har vore så fint i vekesvis! Her er eit av de finaste trærene i teaterparken.
Nordlys i Bergen! Det skjer jo faktisk innimellom, men oftast når eg sover. Denne gongen var det før leggetid, og vi fikk alle nytt dette frå verandaen vår! Sjå stjernene som skinner bak lyset - ganske så magisk! Eg såg også eit stjerneskot inni her, og ønska meg ein veldig hemmeleg ting!
Nok ein gong gjekk eg tidlegare frå jobb for å gå på muesum for å sjå ei aktuell utstilling. Denne var på Kunstgarasjen, og var rå, mektig og personleg. Det var lukt, lyd, syn, atmosfære, fukt, varme, kulde og - for meg - ein liten kamp å klare å ikkje ta på alt! Sidan eg var der på dagtid fikk eg også lokalene nesten for meg sjølv, og det var fint.
The September When er i Grieghallen og vi i salen hadde ein skikkelig fin kveld! De på scena hadde det litt ulikt trur eg. Heldigvis tok det av mot slutten slik at ein fikk dansa litt frå seg!
Vi er på foreldremøte på eldstemann sin skule, og får sjå gater i byen vi ikkje har vore i før. Digger lampene!
Nok ein kvardag der fleksitid er gulltid, og eg er på flyt medan andre held hjulene i gong. Denne gongen hadde de fylt i 50 kg mineralar før eg brukte bassenget; så det var heavy!
Vi er publikumsprøvepersonar på ein av storsatsingane til DNS. Noko var godt, mykje var einsformelig; men taket er alltid nydeleg!
Det er filmfestival, og eg begynner arbeidsdagen med kino, seter med varmeelement, frukost og perfekt kaffe og gode foredrag. Det var heilt maks, men eg brukte noko tid på å vokne igjen etterpå. Ikkje fordi eg sov, men fordi det var så himla komfortabelt å ligge i mørket i fleire timar.
Eg er på kurs og lærer å lage blomar av papir. Det var så gøy, og de tre blomane eg laga pyntar fint opp heime! Fine folk var det også!
Vi tar ein liten helgeferie og besøker dette ikoniske hotellet i Ullensvang. Her var det klasse og luksus på det aller meste; og vi nikosa oss! Hardanger altså! Det blir ikkje mykje finare enn dette!
Eg blir invitert inn i ei vinterbadinggruppe og her er frå mitt første bad saman med de - 8 grader både til vanns og til lands - nydleg! Tørre ullklær og varm te - før maks varme i bilsetet på veg heim!
Eg er på møte i fylkeshuset og får endelig vandra på takterassen. Ny utsikt over byen - med Ulriken som ligger litt i tåkedott til høgre.
Heldige folk får være prøvepublikum til denne mannen; og eg er ikkje vanskelig å be!
Nok ein dag (dette er eit mønster alstå) sluttar eg tidlagare frå jobb for å være med på urpremiere av årets julefilm. Vi fikk kakao, kake og popcorn med kanel - og vi fikk snakke med regissøren etterpå. Alt var klart terningkast 6! Utanom filmen eigentlig, som var ein svak 3.
Sør-Korea får sin første Nobels litteraturpris, og vi trossa stormen Jakob, for å vere med på nobel-foredrag om Han Kang, holdt av Kang sin norske oversetter. Akkurat no kan eg noko om koreansk litteraturhistorie, men det har nok dessverre forvitra innan få veker. Eg gler meg til å lese nokon av verka hennes!
