2015 er friluftslivets år! Mange sover ute for å markere det - og det kjenner eg at eg også vil prøve. Men i sommar. I min eigen hage. Det må da vere måte på! :)
Vi smelte i gong friluftslivsåret før vi i det heile tatt viste at det var noko som heitte det. Årets første fjelltur vart gjennomført 4. januar! Åh, så godt det var!
Lillesøster og mannen på toppen. Finfin utsikt mot vest. Ser vi England? Nope, ikkje i dag.
 |
| Lyderhorn |
Vi gjekk ein anna veg heim enn vi brukar, og det var kjempespanande å krafse seg veg gjennom busker og greiner, snø og mose, sopp og gjørme. Mannen synas det var tipp-topp-tommel-opp, eg var litt redd for at vi plutselig skulle forsvinne ut eit stup, storebror var lei seg for at vi ikkje gjekk den vanlege vegen, for der var det noko han ville vise oss, og lillesøster prøvde berre å holde følge nedover fjellsidene. Vel heime vanka det kakao og Bambi-film på TV. Vi trenger ikkje alltid å ha med snacks på tur, og kortare turar som dette er finfine for å lære ungane at tur er (mest) for turen sin eigen del.
Ingen kommentarer:
Legg inn en kommentar
Så kjekt at du leggjer igjen ein kommentar!