Første dag på SFO

I går hadde storebror første heile dag på SFO. Han var der alt på fredag nokre timar, og var nesten umogleg å få med seg heim etterpå - SFO er GØY! Da eg henta han etter full dag i går sa han "eg trudde du hadde gløymt meg!" Friheten han opplever her framfor dagar i barnehagen gjør nok at dagen føles lenger. Men han hadde hatt det kjempefint - leika mykje med andre, og litt aleine.

Skulen begynner 18.august. Innan da er han godt kjent med området - her er skulen og SFO i samme bygg for 1.klassingane - og de andre 59 ungane han skal gå på same trinn med. Vi merkar alt fordelane med at han har spelt fotball med -08 i eitt år; han kjenner nesten halve trinnet frå fotballtreninga! Og sjølv om han ikkje kan navnet på alle er det trygghet i kjente andlet. Innkøyringa - om vi kan kalle dette for det - har gått smertefritt. Storebror er klar for forandring!

Og du må tru han er stor når han er med å leverer lillesøster i barnehagen om morgonen. "Ha det da. Eg skal på SFO eg!"

I går kveld kom det: "Det er mykje gøyare å gå på SFO enn i barnehagen! For på SFO kan vi gå inn og ut som vi vil!"

Ryktet seier at dagane vil bli meir strukturerte så snart skulen er i gang. Men enn så lenge lar vi kan nyte den nye friheita! Om det så betyr at dagane kjennes litt lange.