lørdag 8. januar 2022

Nyttårsforsetter for 2021

 For tredje året på rad køyrte vi på med alle-får-velge-to-ting-vi-skal-(prøve)å-gjøre-i-år! 

Lillesøster ville på badeland og ho ville gå tur med ein vennefamilie vi har. Badeland vart gjennomført på hausten, og det vart også turen. På nyttårsforsetturen var det så lite vatn sidan det nesten ikkje regna i sommar, at denne varden som vanlegvis står uti vatnet, var mogleg å gå rundt. Eit lite stykke Asia - midt i ingenting.

Storebror ville at vi skulle overnatte ute ein stad som han plukka ut for oss. Siste sommarferieveka sov vi i hengekøyer alle saman. Det var kjempevarmt og moglegheit for både kveldsstup og morgenbad.

Også ville han at vi skulle reise til Hålandsdalen Leirskule der han hadde ei fantastisk veke saman med trinnet sitt i november 2020! Dette var det første vi gjorde av nyttårsforsettene våre, alt ein søndag i januar! Det var snø og sol, vi akte og kosa oss med medbrakt lunch (vi hadde også vore innom ein søndagsopen bakar på vegen!) milevis unna andre folk.









Mannen ville gå rundt Bønestangen i gamle Sund kommune. Der gjekk vi i juni i deilig sommarvær!


Han ville også at vi skulle prøve Vestveggen - eit klatresenter som opna i Åsane i år. Det rakk vi ikkje de helgene det var mogleg å være ute blandt folk, men mannen og storebror var der ein gong i ein annan samanheng. Vi håper vi får prøvd den i 2022!


Eg ville at vi skulle ha ein dag på KODE. Vi valgte KODE 3 og koste oss med samlinga der og ikkje minst dei digitale omvisarane! 

Også ville eg at vi skulle gå natur-og kulturløypa "Ord i spreke spor" opp til Veten, den gamle kommunetoppen i Sund kommune. Det tok vi i påskeferien, med skikkelig vårstemning på vegen.


I tillegg hadde eg to nye vaner eg ville prøve ut. Den eine var å være lengre ute på tur - altså sette seg ned rett og slett. Ikkje sjå på alle turar som trening. Det har fungert bra. Egentlig litt for bra; det er jo deilig å berre ta seg ei pause. :) Men alt i alt trur eg at eg kjem betre ut med pausefokus.


Vidare skulle eg ikkje kjøpe fleire klær eller sko. Med heimekontor i nesten heile 2020 vart ikkje de vanlege klærna mine brukt så mykje, og eg hadde kjøpt ein del nytt. Det skulle være unødvendig å handle inn meir når klesskapet var fullt av gode klær i romjula 2020. Etterkvart viste det seg at eg hadde litt lite av noko og klær blir faktisk oppbrukt. Innimellom var det berre å vaske ofte eller eventuelt reparere det som vart hol i. Som i denne sommerbuksa:

Men hyppig vask tærer på tøyet, så dei siste 3-4 månadane av året hadde eg ganske lite klær å velgje mellom synas eg. Det blir fint å få handle seg noko nytt - kanskje i tide til min første dag på kontoret sidan 12.mars 2020?

mandag 3. januar 2022

Desemberhygge del 2

Middag og mocktail med venninne for å utveksle gåver og status.


Turar kvar einaste dag det var rom for det!     
Vintersolverv og blå himmel! No går det mot lengre dagar - hurra!
Pepperkakehuset vårt vart rett og slett eit pepperkakehus i år. Back to basic!
Julaften med god mat - ny sofa - og ein katt som synas det var spanande med all papiret!

I romjula hadde vi fri alle saman, og var ute kvar einaste dag. Her er det nokon unntak, men EG var ute kvar einaste dag :)
Det kom eit snødryss før julafta som vart liggande nokre dagar. Det var nydelig!

Bållunch i Gullaksdalen.

Nyttårsafta vart feira med (enda meir) god mat og spel i timesvis. Midnatt vart hurra' inn på Askøybrua med utsikt til fyrverkeri i tre kommuner! Vindstille og null grader - helt herleg! 

Takk for deg 2021! Velkommen 2022!

fredag 17. desember 2021

Desemberhygge del 1


Tidleg i desember var vi på julekonsert i Håkonshallen og høyrte på Trygve Skaug. Da vi gjorde dette i fjor var det 20 publikum - denne gongen var det 600! Det var så stor forskjell - og gøy å oppleve begge!
Det var lysutstilling på Festningen, og den rakk vi å gå igjennom før konserten satte i gang. Ganske så magisk!

Full sal i kongehallen!
Etter konserten åt vi kveldsmat på Starbucks - og lata som om vi var - ja, kvar som helst andre stader enn Bergen :)
Snø - og den låge vintersola skal nytast! Her er det ti minutters jobbpause i solstolen. Med varm bukse, jakke, hue, skjerf og vintersko. DETTE er det beste med heimekontor synas eg!
Helgetur til Voss der vi fikk med oss denne soloppgangen:
Året nærmar seg slutten, og med det er eg også ferdig i vikariatet eg har hatt sidan februar. Med aukande smittetal i Bergen vart avslutninga mi digital med mat-, sjokolade- og blomsterlevering på døra.
Vi rakk å gjøre noko frivillig arbeid fysisk i desember -
men veldig mykje vart flytta over til enda meir skjermtid. Mellom jobb og verv trur eg aldri at eg har vore så mykje på digitale møter som eg har vore i desember i år!
SOL OG SØNDAG! Eg og mannen stakk til skogs der vi fant oss ein stille plass ved vatnet der vi fikk nyte varme solstråler, te og ro.
Også på veg tilbake til bilen! Tenk å vere så heldige å bu slik! Eller i alle fall i nærleiken av slikt!
Ungane bakte lussekattar dagen før dagen slik at de kunne ha med seg på skulen dagen etter.
Midt i den svartaste vinteren - og i veka der all snøen regna vekk og skulane stengte - blomstra den eine orkideen min! Berre den lillafargen der minner oss på at SNART! Snart blir det lysare dagar og blomster!
Og med det gjekk vi inn i andre delen av desember :)


torsdag 2. desember 2021

November

Etter regnrekord i oktober var hadde vi endelig nokre dagar med lys i november! Eg prioriterte 15 minutter utetid på heimekontoret titt og ofte - det føles lurt.


Søndagstur i skogen med låg sol, minusgrader i skyggen og varme i sola! Det trur eg er de beste turane!
Eg trur det har vore sol kvar einaste søndag i november! Her frå ein søndag på Troldhaugen! Eg vart så overraska over at denne lille perla ligger kun eit drøyt kvarter frå huset vårt - og vi er der nesten aldri! Høve var Nina Grieg-minifestival. Huset var ikkje åpent, men vi ville ikkje inn i dette været uansett :)


Ein regnfull dag på heimekontoret er fin i selskap med levande lys. 
 - og å utnytte moglegheita til ein litt lengre skogstur i lunchen. Låge vintersol - hei hei!
Vi var med på lysfest - heilt lokal, men dog - og vart kalde på beina og varme i sjela.
Siste søndag i november. Sol og vindstille. I sola var det litt varme - i skuggen minus 7. Ein magisk tur i skogen etter frukost før vi fikk finfint besøk i hus.
Etter ufrivillig pause frå vår tradisjonelle bakedag med venner var det ekstra fint å kunne gjennomføre det i år med friske folk i begge hus!
Siste måndag i november var eg på programslipp på DNS etterfulgt av førestilling. Da eg kom ut av teateret i 21-tida snødde det sidelengs - så stilig!
Med snøstorm heile natta var det fint å vokne til årets første skikkelige snødag siste dag av november. Ein kan også sjå kva Toulouse bedriver utetida si med - han liker snø og synas det er kjekt å leike!

LinkWithin

Related Posts Plugin for WordPress, Blogger...