lørdag 30. desember 2017

7 dager og 7 bilder

Tidlegare i desember gjennomførte eg facebookutfordringa med 7 bileter i svart/kvitt på 7 dager. Her er de :)
Frå avspaseringsdagsskogtur
Utsikt frå lånt kontor



Kakemennbaking (her har eg sletta den versjonen eg la ut)

Julegrantenning

På veg mot Bergen Storsenter

Arrangør - klar for gjestar

Bergen Sentralbanestasjon

torsdag 28. desember 2017

Pepperkakebyen: vårt bidrag

I fleire år har vi snakka om at vi må lage ein båt til Pepperkakebyen. Litt av sjarmen er jo å leite etter akkurat VÅRT hus, men om vi hadde laga båt hadde den blitt plassert på vatnet, og det ligger alltid tett ved vegen ein går gjennom byen - og altså lettare å sjå.
Storebror lånte seg ei bok om båtar på skulebiblioteket og fant heilt for hangarskip. Her er han i gang med å teikne arbeidsplan. Der er alltid han og mannen som er designere, medan eg og lillesøster henger på og gjør som vi får beskjed om.
Trikset er (mellom anna) å sage til alle delane når de er ferdig steikte og kalde. Da får de rette og fine kantar. Og ungane får smaksprøver ;)
Vi limer saman med limpistol og bruker papp og tre inni til å forsterke konstruksjonen. Her er overflata der flyene skal stå ganske stor, og vi vil at den skal holde i vekesvis i eit kanskje litt fuktig miljø.
Her er landingsstripa teikna på. Legg merke til stoppesikkerhetsdingsen i enden av bana. Den sørger for at flyene ikkje havner i havet om de har litt stor fart. Dette er storebror sitt auge for detaljer! Den og mastene er av saltstenger.
Her er den ferdige båten. Hangarskip har ganske så rar form (google det), men når vi satte på nokon fly håpar vi at folk ser kva det er. Flyene har samme nummer som skipet (også storebror sin ide).
Flyene var det eg som laga i papp og malte i fargar etter bestilling. Det er også ein helikopterlandingsplass på skipet.


Vi leverte det inn tidleg i november, og ikkje før 19.desember tok vi turen til Pepperkakebyen for å sjå på det og alle de andre byggverkene!
 Eg har ein forkjærleik for mummitrollhus - sjå på dette lille fine!
 Det var sjølvsagt fleire pariserhjul og flyplassar i årets Pepperkakeby!
 Og eit hangarskip! Plassert heilt fremst ved kanten. Masse var knekt av og den hadde fått nokon nye element. Overraskande nok var alle flyene på plass! Sidan den var så godt plassert hadde vi fått fleire bileter tidlegare i desember frå venner som hadde sett den - så ungane var forberedt på at ikkje alt var slik det var da vi leverte det inn.

Vi brukte ganske god tid der inne i år. For første gong var vi der etter arbeidstid midt i veka - i staden for ein helgemorgon. Det fungerte ganske fint, for det var ikkje så mange andre der akkurat da. Stas er det også med akebakken de har der inne - der går det unna litt tid! Vi har alt planer for neste års byggverk - stay tuned! :)

tirsdag 26. desember 2017

Faddergåver

I fleire år har eg sikla over "lag din egen såpe"pakkane på Panduro. I år raska eg med meg ein pakke og gleda meg til å lage såpe heime! Ein formiddag ei helg solgte eg inn ideen alt eg kunne - NO skulle vi LAGE såpe!
Eg vart litt skuffa da eg åpna boksen og såg at der låg det alt såper - og alt vi skule gjøre var å smelte de. Først kutte i mindre biter, også smelte. Altså kunne ungane gjøre ein ting. Fram med kniv!
Det var tre fargar såpe i eksa, så vi miksa nokon for å få orange og grøn i tillegg til gul, blå og raud. Her er de i vannbad og smelter som berre det,


Etter at såpa var smelta helte eg den i former. Det tørka ganske fort og da var det klart for ny ladning. Det vart litt til overs som vi helte i isbitformer frå IKEA - slik fikk vi også fiskesåpe.
Vi pakka de inn to og to og la de saman med ei litt julete håndduk. Sjølvlaga - nja, men i alle fall nok. Det er sikkert vanskeligare å koke heilt frå bunnen av. Det er sikkert uvitenheten min som gjør at eg trur at det er easy-peasy. Jaja - gåvene vart i alle fall ferdige! Og ungane synas det var kjempegøy!

fredag 22. desember 2017

Eiffeltårnpepperkakebyggverk

Lillesøster foreslo at vi skulle lage Eiffeltårnet i pepperkake i år - så da vart det nettopp det!
Vi har ein del slike etter sommarferien vår i Paris. Mannen lager modell etter mål
Fire deler av kvar form.
Etter steiking valgde vi å pynte, men det viste seg å vere ein dum ide. Det var lett og gøy å pynte, men når vi skulle lime det saman falt masse av snopet av igjen. Eg fiksa det, og det gjør jo ikkje så masse, men det vart litt knotete å lime.
Slik vart det ferdige verket! Ganske så stiliig altså! Mykje takket vere godt forarbeid av mannen!

Med argumentet "vi må ha noko meir å pynte på" friskt i minne, laga vi også ei borg med masse vegg. Inni borga er det ein stall med tre hester i. Sidan vi bakte det så seint - like før jul - er det nesten ferskt når vi knuser det til dessert 1.nyttårsdag :)

torsdag 21. desember 2017

Glimt frå byn

Etter at eg begynte å jobbe i sentrum i august har plutselig den delen av Bergen blitt ein stad eg henger nesten kvar dag. Det er absolutt noko heilt anna enn bydelskontoret som eg var vandt med - i sentrum er det ei heilt anna stemning, og nye fotomuligheter!
September
Eg synas at utsikta frå kontoret har betra seg noko enormt! Eg har alltid hatt god utsikt, alle stadene eg har vore, men denne trur eg er den vakraste! Lille Lundgårdsvann til høgre og Ulriken bak skyene midt framme.
Oktober
Etterkvart som vinteren kjem går det lenger tid før sola kjem opp. Her har Ulriken fått snødryss.
November
Etter endt arbeidsdag! Dette er så deilig! Lav vintersol midt imot.

Desember
Ei mengde svaner slo seg ned midt i byn. Her er klokka 11, og eg svingte innom på veg til eit møte. Lav sol like ved KODE.
SNØ! Her er musikkpavaljongen i forgrunnen med Bergen Julemarked på Festplassen i midten og Ulriken i himmelsyn.

I dag er årets kortaste dag. Eg har begynt på julefeire og skal straks ut og jogge. Eg liker denne dagen betre enn midtsommer. No blir det berre lysare og lysare! Det er like fantastisk kvart år! Sjølv om eg ikkje synas det har vore så mørkt i år av ein eller anna grunn :) Fint å komme hit likevel. No - ut og nyte isfrie vegar i mange plussgrader!

onsdag 20. desember 2017

Førjulshelg

Den første helga i desember vart fylt opp julestemning! Vi gjennomførte årets kakemenn- og pepperkakebaking med venner.
I år prøvde vi ny oppskrift til kakemenn (sidan vi ikkje fant den vi vanlegvis bruker). Pepperkakeoppskrifta er Tine sin - den er så god!

Med fire flittige unger rundt bordet vart brettene fort fulle, og det var ingenting igjen til de voksne. Litt synd eigentlig, for det er så kjekt å lage!

Bakinga vart avslutta med nissegraut med spekemat og mandel i grauten. Vi hadde ingen nøtter i hus, så vi klistra eit klistermerke under den eine skåla og satte de ut på måfå. Heldigvis var det storebror som vant grisen i år! Han har snakka om at han ALDRI vinner noko gris de siste fire åra. No jobbar vi med å få han til å hugse at han vant i år! Også er det ny sjanse på lillejulafta :)
Dagen etter var vi på turnoppvisning med lillesøster som har blitt så flink denne hausten! Alle som var med var kjempeflinke - heilt frå 4 år og opp til de som spretter rundt som nokon baller utan at det ser noko vanskelig ut!
Vi køyrte innom McDonlads og måtte spise burger i bilen på veg mot Indre Laksevåg der det var julegrantenning. Lillesøster har blitt så glad i å lese songar - og synger med uansett om ho kan melodien eller ikkje!
Etter ei samling ute var det ei kort advensgudsteneste før alle barna vart med inni låven der nissen satt. Sidan de alle var snille barn (går vi ut ifrå) fikk de alle ein sjokoladekalender med seg heim. DET var stas! Ungane våre har aldri hatt sjokoladekalender - men no i år altså! Heldige!

tirsdag 19. desember 2017

Skog- og snøtur

No på søndag stod det Pepperkakeby og bytur på planen. Men værmeldinga trua med mange varmegrader og regn som kom til å smelte vekk snøen som framleis låg. Vi valgde å utsette bytur og tok heller med oss akebrett og lunch og gjekk til Gullaksdalen.
 Vi satte frå oss akebrettene der også gjekk vi opp til demningen for å sjekke ut isen der. Ved Gullaksdalen var det heilt isfritt. Ved demningen var det is og ungane turde å gå litt utpå og leike.
 Lange pauser og vinterturar er ein dårleg kobinasjon, men med varm kakao held vi ut litt lenger. Ungane vart veldig gode og varme der de jobba med å lage skøytebane.
 Da vi skulle gå ville vi sjekk ut kor tjukk isen var - og den var ikkje mykje tjukk! Eit par cm kun! Ungane hadde sjølvsagt holdt seg ved strandbredden, men det var fint de ikkje datt igjennom og vart våte. Det var jo framleis 5 km heim.
Vegane i Alvøskogen er supre når det er snø. Variert terreng slik at det er ein god kobinasjn mellom oppoverbakker der ein får varme i kroppen og nedoverbakker der ein får suse. Vi var ute i 3.5 timer denne søndagen. Like etter at vi kom heim begynnte det å regne, så vi er glade vi heiv oss rundt og fikk nytt dagen!

LinkWithin

Related Posts Plugin for WordPress, Blogger...