I dag er eg med på nok eit halvmaraton. Det er riktig så annleis enn det "skikkelige" eg var med på i september 2014, men like fult - 21 km. Og denne gongen på fjellet!
La meg liste opp forskjellane på sist og no.
1) I 2014 hadde eg trent meg systematisk opp. No har eg hatt to vekers ufrivillig pause sidan eg hadde ein veldig sint gluteus maximus på høgre side. Betre kjent som rumpemuskel (av typen ilsint!). Det var som å ha konstant krampe i fleire dagar - så eg vart satt på 2 vekers treningspause. Årsaken til "skaden" var sjølvsagt for mykje trening. Det er ei veke sidan eg vart "friskmeldt", så eg har kun hatt to joggeturar sidan.
2) I 2014 gjekk distansen på asfalt. Denne gongen går det på sti og grusveg.
3) I 2014 var høgdedifferansen 297 meter. Denne gongen er det ein samla stigning på 1080 meter.
 |
| Solnedgang over Vågen i Bergen |
Utover det må du tru eg gler meg!! For det er ikkje det samme som sist. Eg har ikkje tenkt å løpe. Det blir som ein utvida Viddentur med nokre ekstra kilometer innom ei hytte eg aldri har vore på. Eg har gått Vidden mange gongar i langt dårlegare form enn eg er i no. Det blir fint å gå mot solnedgangen. Start er nemleg kl.17:30. Det er nokre krav til deltakarane og utstyr - så eg skal gå meg sekk heile vegen. Det blir ein anna type halvmaraton, utan tvil!
Til slutt leggjer eg inn runkeeper-bilete frå den
ekte halvmaratonen 6.september 2014. Eg har hatt problemer med GPS'en heile vegen med denne telefonen, så kilometerene stemmer ikkje heilt. Men nesten :) Eg reknar med å bruke mellom 4 og 5 timar i kveld.
Ingen kommentarer:
Legg inn en kommentar
Så kjekt at du leggjer igjen ein kommentar!