Sidan denne bloggen heiter Pepperkakefjellet må eg jo for ein kvar pris skrive om pepperkaker. Det henger saman med jul, så det blir ikkje ofte, men her er nok eit pepperkakeinnlegg!
Heime hos oss sjølve lagde vi i år Pepperkaketog! Mannen lagde spesial pepperkakehusdeig som skulle vere ekstra sprø og fin. Eg var på julebord da denne vart laga, men de lagde ei vogn til meg også. Slik vart det eit lokomotiv (storebror) og tre vogner.
Vi pynta kvar vår vogn, så dette var midt i blinken for oss som har eit overutvikla likhetsgen. Min vogn vart fylt av pepperkakejuletrær!
Det er om å gjøre å køyre på med snop! Vi knuste vognene våre på laurdag, og har siste rest med pepperkaker til dessert i dag.Oppskrifta som vart brukt var veldig god, så pepperkakene er framleis sprø og fine! Sikkert litt nedstøva også, men det bryr vi oss ikkje om!
Farvel -middagen i går vart tristare enn eg hadde forutsett, med tårer og trist stemning idet vennane våre gjekk ut døra - så i natt har eg rett og slett sove dårleg. Trøtt som ei strømpe skal eg likevel på trening i dag. Tysdagar er ungane sin fritidsaktivitetsdag, men de har ikkje begynt på'n igjen etter ferien, så eg må benytte høve til å gå på pilates; tysdagstrening eg aldri får vere med på ellers. Dette blir bra! :)
Ingen kommentarer:
Legg inn en kommentar
Så kjekt at du leggjer igjen ein kommentar!