I dag feirer lillesøster 6-årsdagen sin i barnehagen - ein månad før ho faktisk fyller år! Ho og vi ville at ho skulle markere dagen i barnehagen, saman med den "gamle" gjengen, istadenfor på skulen saman med de nye vennane. Eg tok bilete av ho foran inngangsdøra med det norske flagget hengt opp til ære for ho! Det er jo siste gongen!
Det er på mange måtar vemodig å ikkje lenger ha eit barnehagebarn. Det er stor forskjell på barnehage og skule - men som på så mange andre områder har storebror bana veg for lillesøster; og det er berre for ho og oss og følje på i samme spor. De bekymringslause barnehagedagane er snart historie.
Men det er særleg ein ting eg absolutt IKKJE kjem til å sakne! Og det er de nærmast vekentlege mailane frå styraren i barnehagen med tittel av typen "Lus i barnehagen", "Omgangssjuke i barnehagen", "Augekatarr i barnehagen", "Influens i barnehagen" og storfavoritten "Barnemark i barnehagen". Det er happy days å sitte på jobb og motta desse mailane og krysse fingrane for at vi slepper unna! Ikkje ein einaste gong iløpet av to år på skulen har vi fått ein slik mail! Jo - ein gong fikk vi lusmail - stemmer det!
For oss er vi så heldige at det stort sett er "ulv, ulv", lillesøster bruker (bank i bordet) å unngå desse "epidemiane"! Men det er varsellamper på i nokre dagar kvar einaste gong! Og særleg den der lusa! Eg berre seier det - får ho lus i det tjukke, lange, tette håret veit eg ikkje kva eg skal gjøre!! La oss komme oss inn i neste institusjon med færre småbarn, færre epidemier (eller i alle fall færre mail om de) og litt mindre kroppskontakt mellom ungane! Takk!
Ingen kommentarer:
Legg inn en kommentar
Så kjekt at du leggjer igjen ein kommentar!