Mangokylling

Vi har ein del kylling- og pastaoppskrifter, og denne er ein av favorittane våre! Mangokylling - nam! Oppskrifta fann vi i ei av gratisavisene som dumper ned i postkassa vår med jamne mellomrom. Vi har forenkla den ein del. Vi bruker to store kyllingfiletar og rundt halve boksen med fullkornstagliatelle til oss.

Sett pastaen på kok. Del kyllingen i bitar og steik den lett i olje. Miks saman følgjande i ein dl-målar

1 dl mangochutney
2 1/2 dl kremfløyte (her bruker vi matfløyte, men kremfløyte er sjølvsagt betre)
1/2 hønsebuljongterning
3 dl vatn
1 ss soyasaus
1 ts salt
1/2 ts pepar

Når kyllingen nesten er gjennomsteikt heller du sausen over og lar dette puttre til pastaen er ferdig.

Rør saman pasta, kylling og saus og NYT!

Dette er vår middag i dag! Etter middag skal alle fire på fotballtrening saman med storebror. Dette er første trening nokon sinne, og fotballklærna har ligge klare sidan måndag. Vi er veldig spente alle saman! Dette blir gøy! Store guten vår :)